الورشة الفنية لأعطال الاجهزة المنزلية البحث عن حلول لأعطال انظمة التكيف والإجهزة الكهربائية المنزلية

أدوات الموضوع

الصورة الرمزية هيما79
هيما79
:: عضو فضي ::
تاريخ التسجيل: Feb 2010
المشاركات: 578
نشاط [ هيما79 ]
قوة السمعة:75
قديم 01-03-2012, 10:51 AM المشاركة 1   
Thumbs up سلسله صيانه البوتاجاز الغاز الجزء الثاني Twitter FaceBook Google+



اخوتي في الله
ذكرنا سابقا اغلب مراحل صيانه البوتاجاز بالنسبه للشعلات وطرق تعديل قوه النار وايضا طريقه تسليك الفواني او تبديلها حسب مقتضيات الامر
والموضوع اليوم باذن الله تعالي فرن البوتاجاز من حيث مشاكله وطرق الصيانه والاستبدال
نبدا علي بركه الله
صلي علي النبي يا سيدي
انت عارف ان اغلب الافران للوبوتاجازات الحديثه ليها شعله عليا ( الشوايه) وشعله احري سفليه

نبدا اولا بالعليا:
طبعا انتم بتلاحظم ان النار بتاعتها هاديه جدا......طيب ليه؟؟

شعله الشوايه لو زادت عن الحد المعقول او الطبيعي مع مرور الوقت بتاكل في قبوه (سقف) فرن البوتاجاز
وايضا من عيوبها انها مع الشغل الكتير او الفترات الطويله بتلاحظ ان المفاتيح اصبحت تقيله جدا ..مش كده

واحيانا بيتكسر المفتاح الخارجي من الحراره الخارجه من الفرن
((( وان شاء الله هقولكم في الموضوع التالي ازاي تخلي البوتاجاز 24 حصان يعني لا يتاثر باي شئ
المهم حضرتك عاوز تظبط النار بتاعتها هتعمل ايه
خليك معايا::
افتح باب الفرن واخرج الصاج اللي فيه والشبكه وخليه فاضي
وبعدين بمفك صليبه هتلاقي مسمار قلاووظ مثبت الشعله في اعلي الفرن سيادتك هتفكه

بعد كده هتلاقي الشعله في ايدك
امسكها واخرجها من الفرن وخبط عليها باي حاجه هتلاقي صدا اسود هينزل منها بعد ما تقلبها من ناحيه الماسوره بتاعتها
اعمل كده كام مره لحد ما تتاكد انها بقت نظيفه
صلي علي النبي
سيبك بقي من الشعله اللي في ايدك وبص جوه الفرن مكان تركيب الشعله بصيت؟؟؟
هتشوف الفونيه قدام عنيك فاكر ابره التسليك اللي معاك
هاتها ودخلها في الفونيه ولف يمين وشمال
وشغل الغاز وشوفها زادت ولا لا
بعد كده ركب الشعله وجرب

ونفس طريقه تغيير الفونيه لوحبيت تغيرها لكن لازم يكون معاك مفتاح 8 \10 بيبه علشان يدخل للفونيه جوه
المفتاح مبيزيتش عن 8 جنيهات اشتريه يا اخي وريح نفسك
والشعله اللي تحت نفس الطريقه هتفك المسامير وتسلك الفونيه او تغيرها
ملحوظه
هتلاقي وانت بتركب الماسوره لو دخلتها اوي لحد الشعله النار بتشود ولو بقت بره شويه النار بتبقي كويسه
فحاول تظبط نفسك وانت شايف الصح قدام عينك
ندخل دلوقتي علي الشوايه:
قول لا اله الا الله محمد رسول الله
دلوقتي الشوايه مش شغاله؟
اتاكد من الكهرباء كويس ازاي

اللمبه شغاله ولا لا او الاشعال شغال ولا لا؟؟؟
كده اتاكدنا ان في كهرباء واصله البوتاجاز

اول خطوه :
حضرتك سامع صوت للموتور ولا لا؟
لو سامع :::::::: اتاكد ان الزراع راكب كويس

طيب لو مش سامع اي صوت
كده عندنا كام حاجه::
اولا : المفتاح مش واصله كهرباء
ثانيا : ممكن يكون احد اطراف الاسلاك مقطوعه
ثالثا : المفتاح تالف
رابعا : الموتور نفسه اما انه قافش او اتحرق
طيب الحاجات دي كلها هنتاكد منها ازاي؟؟
وهنعرف العيب من اي جزء بالضبط؟؟
وطرق التغيير او الاصلاح ازاي؟؟؟؟
باذن الله في الموضوع المقبل علشان انا طولت عليكم
وعلشان برده منخلطش كل حاجه علي بعضها
ارجوا من الله عز وجل ان يتقبل اعمالنا خالصه لوجهه الكريم وان يستفيد منها من يعلم ومن لا يعلم
اسال الله لنا ولكم حسن الخاتمه
امين
والسلام عليكم ورحمه الله وبركاته
اخوكم في الله
ابراهيم السماحي
( ابو يوسف)


اعلانات

هاوي إلكترونيك
:: مهندس متواجد ::
تاريخ التسجيل: Aug 2007
المشاركات: 151
نشاط [ هاوي إلكترونيك ]
قوة السمعة:0
قديم 02-03-2012, 08:14 PM المشاركة 2   
افتراضي


مواضيع مفيدة أخي بارك الله فيك

اعلانات اضافية ( قم بتسجيل الدخول لاخفائها )
  

احمد جابر(اماحه
:: مهندس ::
تاريخ التسجيل: Apr 2012
المشاركات: 1
نشاط [ احمد جابر(اماحه ]
قوة السمعة:0
قديم 03-04-2012, 09:49 AM المشاركة 3   
x8


احبائى اعضاء المنتدى يسرنى ان اتعاون معكم فى اصلاح السخانات والبوتجازات لمن لايستطيع اصلاحها بنفسه وتليفونى هو01001394154 داخل الاسكندريه اخوكم احمد جابر.


روح الإبداع
:: مهندس ::
تاريخ التسجيل: May 2012
المشاركات: 4
نشاط [ روح الإبداع ]
قوة السمعة:0
قديم 21-05-2012, 02:25 PM المشاركة 4   
افتراضي


معلومات قيمة ومفيدة

جزاكم الله خير


osamadarsh
:: مهندس ::
تاريخ التسجيل: May 2007
المشاركات: 20
نشاط [ osamadarsh ]
قوة السمعة:0
قديم 28-06-2012, 09:54 PM المشاركة 5   
افتراضي


حضرات الساده الافاضل احييكم على هذا المجهود الرئع فى صيانة البوتجازات ومن فضلكم لى سؤال مهم جدا وارجوا الاهتمام به للاهمية عندى بوتجاز مصانع 6 شعلة استانلس وبه شواية وفرن ولكن للاسف الفرن والشواية مشتركين فى مفتاح واحد وبه ايضا حساس ممتد الى الفرن وفوجئت بان هذا المفتاح به عطل ولايمكن تصليحه فهل يوجد مثل هذه المفاتيح حتى يتسنى لى تغيره ومن اين اشتريه ولكم كل تقدير واحترام

اخـــــــــــــــوكم

اســــــــــــــــــــامـــــه


الصورة الرمزية هيما79
هيما79
:: عضو فضي ::
تاريخ التسجيل: Feb 2010
المشاركات: 578
نشاط [ هيما79 ]
قوة السمعة:75
قديم 12-10-2012, 11:10 PM المشاركة 6   
افتراضي


حضرات الساده الافاضل احييكم على هذا المجهود الرئع فى صيانة البوتجازات ومن فضلكم لى سؤال مهم جدا وارجوا الاهتمام به للاهمية عندى بوتجاز مصانع 6 شعلة استانلس وبه شواية وفرن ولكن للاسف الفرن والشواية مشتركين فى مفتاح واحد وبه ايضا حساس ممتد الى الفرن وفوجئت بان هذا المفتاح به عطل ولايمكن تصليحه فهل يوجد مثل هذه المفاتيح حتى يتسنى لى تغيره ومن اين اشتريه ولكم كل تقدير واحترام

اخـــــــــــــــوكم

اســــــــــــــــــــامـــــه
السلام عليكم
اخي اسامه اعرف ان السؤال منذ فتره طويله واعذرني علي التاخير الطويل في الرد
المهم هو انه بالفعل يوجد مفتاح بالسوق ومتوفر ويمكنك تركيبه بنفسك ان اردت
تقبل التحيه والاحترام
اخوك في الله
ابراهيم السماحي
ابو يوسف


السنارىالبيس
:: مهندس ::
تاريخ التسجيل: Nov 2009
المشاركات: 1
نشاط [ السنارىالبيس ]
قوة السمعة:0
قديم 10-01-2013, 12:01 PM المشاركة 7   
افتراضي


الاخوةالافاضل برجاء شرح كيفية تغيير سوستة باب البوتاجاز المصانع 6شعلة استانليس مع وافر الشكر


التعديل الأخير تم بواسطة : السنارىالبيس بتاريخ 10-01-2013 الساعة 12:05 PM

medaly5555
:: مهندس ::
تاريخ التسجيل: Jun 2006
الدولة: الاسكندرية
المشاركات: 46
نشاط [ medaly5555 ]
قوة السمعة:0
قديم 19-10-2015, 07:19 PM المشاركة 8   
ha تعليم صيانة الافران الايطالى


السلام عليكم و رحمة الله

الساده الفنيين و مهندسين المنتدى

ارجو مساعدتى فى تعلم صيانة افران الغاز او الديزل الخاصة بالافران الايطالى او المخابز الايطالى لان التوكيلات بتحتكر هذا النوع من الصيانة لانو مزيج من الكهرباء و الميكانيكا

فهل من متطوع حتى لشرح و طرح الافكار الخاصة بهذا النوع من الافران والذى يخص المخابز و هو قطاع كبير بالسوق المصرى
ولكم جزيل الشكر

مهندس / محمد على محمود
01118019562


التعديل الأخير تم بواسطة : medaly5555 بتاريخ 19-10-2015 الساعة 07:23 PM
إضافة رد

العلامات المرجعية

«     الموضوع السابق       الموضوع التالي    »
أدوات الموضوع

الانتقال السريع إلى


الساعة معتمدة بتوقيت جرينتش +3 الساعة الآن: 08:54 AM
موقع القرية الالكترونية غير مسؤول عن أي اتفاق تجاري أو تعاوني بين الأعضاء
فعلى كل شخص تحمل مسئولية نفسه إتجاه مايقوم به من بيع وشراء وإتفاق وأعطاء معلومات موقعه
التعليقات المنشورة لا تعبر عن رأي موقع القرية الالكترونية ولايتحمل الموقع أي مسؤولية قانونية حيال ذلك (ويتحمل كاتبها مسؤولية النشر)

Powered by vBulletin® Version 3.8.6, Copyright ©2000 - 2024