[mahmood_kollab]

السلام عليكم

انا حابب اعرف بنفسي انا عضو جديد في المنتدى
انا من فلسطين - غزة

انا حابب اتعلم واستفيد من المنتدى الاكثر من رائع هذا وانا احببته كثيرا واحببت المهندسين الموجودين فيه لانهم بيتعبو بجد


انا حابب اسألك عن طريقة قياس الموسفت داخل الدارة

وطريقة قفل الكريستالة لاني ما فهمتهاش من اكتر من شرح


ارجو مساعدتي في اسرع وقت ولكم جزيل الشكر


والسلام عليكم ورحمة الله

[man421]

طريقة قياس الموسفت من عائلة الترنزيستور



أولا : ضع الترانزيستور أمامك وتكون قاعدته لفوق ورجليه لتحت وطبعا حتلاقي رجل يمين ورجل شمال .
ثانيا : اضبط الافو الديجتال علي وضع الصفاره كالتالي



ثالثا : ضع الطرف الاسود علي الـ D ثم ضع الطرف الاحمر مره علي ال S ومره علي ال G المفروض حيقرأ معاك مره قراءه معينه غالبا في حدود من 300 الي 700 ومره اخري يظهر 1 علي شاشة الافو ميتر










رابعا : أعكس الوضع وقيس بمعني اللاحمر علي ال D واتحرك بالاسود مره علي ال S ومره علي الـ G علي الطرفين التانين المفروض انه يظهر 1 علي شاشة الافو ميتر








خامسا : ارجع ضع الطرف الاسود علي ال S والاحمر علي ال G المفروض يظهر 1 علي شاشة الافو ميتر









سادسا : ضع الطرف الاحمر علي ال S والاسود علي ال G المفروض يظهر 1 علي شاشة الافو ميتر





بكدا يكون الترانزيستور سليم وغير ذلك تالف

[man421]

علشان تقفل الكريستاله تجيب جفت وتقوم بملامسه الطرفين لو البورده اشتغلت قم بتغير الكريستاله

[بوعبده]

السلام عليكم ورحمة الله وبركاته

اخي الغالي محمود


مرحب بك اخ عزيز معنا وفي قلوبنا

طبعا بعد الرد الرائع لاخي man والتوضيح فيه بالصور

انا حابب اقوق كلمتين في موضوع قياس الموسفيت وهو مركب فى الدائره


لدينا حالتين الاولي علميه بحته وهي

علشان اقوم بمعرفة هل الموسفيت تالف او ضعيف وهو راكب فى دائرته

يتوجب عليا ان الم بشيئين

1_ الداتا شيت الخاصه بالموسفيت ( ودى عباره عن تاريخ ميلاده وقصة حياته) وبتكون متوفره بكثره

2_ الداتا شيت الخاصه بالدائره نفسها ( ودى الاهم) لانها بتوضح لنا مقدار الفولت الواقع على الموسفيت ومقدار الفولت الخارج منه ( ودى فى مازربورد الكمبيوتر بيكون الحصول عليها صعب شويه ) وبنحلها يا اما ببورده نفس اللى فيها المشكل ونقارن بينهم او بالخبره العلميه اللى بيها بنكون عارفين مقدار الداخل والخارج مسبقا

اما الحاله الثانيه وهى بسيطه جدا لاكنها لاتفي بالغرض بنسبه 100/100


وهى عباره عن ضبط الافوميتر على وضع الجرس (الصفير)

واختبار الشورط بين ال 3 ارجل بصرف النظر ان كانت الدائره شغاله او مفصوله

يعنى ممكن اختبر الموسفيت على وضع الصفاره والبورده تعمل باور

وممكن ايضا اختبره على وضع الصفاره والبورده مفصول عنها الكهرباء

طبعا لو وجدنا الحاله بين ال 2 ارجل شورط يبقى بنسبه 100/100 الموسفيت ضارب ويجب استبداله باعلى او بما يماثله ( ولها حدود طبعا )

اما لو وجدنا الشورط بين رجلين فقط يبقى من الافضل ان اخرج الموسفيت من الدائره واقيس (( كما بالشرح بتاع اخى man(


ومن الاخر وخلاصة قياس الموسفيت


ان الرجل اليمين ( فى حاله ان يكون اتجاه ال 3 ارجل امامك) بتكون هى المُستقبل (بضم الميم) للتيار يعنى بمجرد من الرجل الحمراء للافوميتر تتحط عليها هاتستقبل شحنه

يعنى اخليها للاخر خالص

ويعنى بالبلدى الموسفيت لو ادى معاك قياس فى ال 6 مرات صفاره واحده تقدر تقول عليه سليم

صفارتين يبقى تالف

وثلاث يبقى ايضا تالف

هذا ويوجد بيننا من هو اعلم منى ومن تعلمت منهم الكثير

انتظر تعليقات الخبراء لربما تستفيد انت واستفيد انا معك

وربنا يصلح ما بين يديك

[عبده جميل]

مشكووووووووووووووووووووووووووووووووووووووووور

[banna1980]

ما شـــــــــــــــــــــــــــــــــــــــــــــــــ ـــــــــــاء الله

[عبدالباقى]

الف شكر على المعلومات القيمة

[power2002]

انتم ناس زى العسل و اللهى و الواحد بيتعلم منكم كل يوم .. بس أتمنى يكون فيه وسيله تواصل أسرع من هنا ... عشان لو الواحد فى ايده عطل يقدر يكلم الناس الجميله دى و يستفيد منهم بسرعه ... و شكراً لكم