لماذا المقاومة اخي ؟ المعروف ان تيار الشحن يستخدم بطريقة يكون 1 من عشرة لسعة البطارية ف 55 امبير/ساعة يكفيها تيار 5.5 امبير اذا 5 امبير مناسب جدا ثم ان العملية لاخوف منها مادام الشحن سوف يتم فصله عند وصول الجهد للقيمة التي نعتبر البطارية مشحونه بالكامل مثل 14 فولت او 13.6 فولت .

والله يامصرى ياقريبى انا لامبتكر ولا يحزنون انا بس عدلت على دائرة عماد
على فكرة احتمال نطلع قرايب لانى من عائلة المصرى
ولا انت لقبك خاص بالجنسية؟

طيب ياخى نعيم فيه مقاومة 3.3 اوم 70 واط فى السوق ولا مفيش؟

شكرا ياعرب
انت بس عشان بتحبنى من الزمن القديم شايفنى مبتكر وده مش حقيقى

يعنى اشغل الدايرة من غير المقاومة ؟؟

و لا احط مقاومة 3 اوم 7 وات ؟

التيار فى بداية الشحن هيكون عالى مش هتنفع 7 واط
وايضا لن ينفع ازالة المقاومة لانها ضرورية لتحديد تيار البطارية
اسال فى محل اللكترونيات عن مقاومة قدرتها 70 واط او اكثر يكون احسن ولو لقيت قدرة اقل اربطكم واحدة على التوازى للحصول على 70 واط
وعلى فكرة
الكلام ده لو البطارية فاضية هيكون التيار 5 امبير اول مرة بس لكن مع عمل الدائرة هيكون فرق الجهد بين البطارية والمصدر لحظة الشحن هو 14-10 = 4 فولت فقط
اذن لو محتاج تشحنها بتيار 5 امبير هتحاج مقاومة قدرتها =5*4 = 20 واط

وعشان تريح نفسك لو البطارية فاضية واول مرة تشحنها خلى التيار قليل يعنى مثلا واحد امبير حتى لو هتفضل يومين تشحنها
وبكده تكون حليت مشكلة قدرة المقاومة
وهتستخدم مقاومة = 14/1= 14 اوم بقدرة 14 واط
واقرب قيمة لل 14 اوم متهايلى فيه 15 اوم
وكده ممكن مقاومتين توالى 6.8 اوم ..7 واط لو لم تجد 14 واط

هذا فى بداية الشحن والبطارية تستخدمها وهى فارغة كما قلت لك
ولكن بعد ان تشحن وتفرغ الى 10 فولت لن تحتاج هذه المقاومة واستبدلها بالتى شرحتها لك فوق

ولو انت مش هامك اوى وقت الشحن حدد التيار ب 2 امبير مثلا
اذن المقاومة = 4 فولت / 2 = 2 اوم.. والواط لها = 8 واط
هذا اثناء البطارية ابتدت تشحن وعليها 10 فولت
ونقطة مهمة ايضا
على حسب كلام اخى نعيم لو حددنا تيار الشحن بعشر تيار البطارية = 5 امبير هذا لو البطارية فارغة ولكن اثناء ربطها هيكون سعتها ليست 55 امبير لانها بتكون مشحونة لغاية 10 فولت

ولا ايه رايك فى كلامى يااخى نعيم؟

ممكن نحط 10 مقاومات 7 وات توازى بقيمة 150 اوم المقاومة او رقم قريب من ذلك


فيه فكرة تانية تجنبنا الموال ده

انا مش عارف تنفع و لا

بس الفكرة ان الشحن يبقى خارج الريلية فقط الريلية يبقى مربوط توازى مع الشحن فى سكة البطارية و الشاحن و او ل ما يوصلب الشحن الى الجهد المطلوب يفصل الريلية الكهربا 230 عن الشاحن نفسه و يبقى كده تيار الشحن خارج الريلية و الريلية شغال كانه مفتاح اوتوماتيك زى الى فى البيت بيفصل لما بيحصل مشكلة فى الكهربا

والله ياعماد انا دوخت بصراحة بكره ان شاء الله نشوف فكرتك



المهم دى نفس الدائرة بس باستخدام ترانزستور من اجل توفير تيار البطارية الذاهب الى ملف الريلاى فى الدائرة الاولى لانه بيكون اكتر من 100 مللى امبير
وهذا تيار كبير لبعض البطاريات
الفكرة هى تحميل قاعدة الترانزستور على البطارية بعد فصل الشحن
اما الريلاى فشغال على مصدر الجهد الرئيسى

الزينر العلوى المربوط مع الريلاى 3.3 فولت من اجل تخفيض الجهد 14 فولت فقط
الزينر رقم 4 (5.1 فولت )على اليسار لتحديد جهد الفصل
والزينر رقم 6 (5.1 فولت )الذى بجانبه مع مقاومة القاعدة لتحديد بداية الشحن فكلما انخفضت قيمتهما انخفض جهد بداية الشحن

من اجل توضيح الفكرة اكتر :
ان الريلاى بيلقط فقط بعد ان تنتهى البطارية من الشحن وعند بداية الفصل بيكون الجهد على القاعدة 14 فولت من ناحية الزينر 4
اول مايلقط الريلاى ينتقل تغذية القاعدة الى مدخل الزينر 6 ويخرج الزينر 4 من الدائرة وهنا تكمن فكرة الدائرة
وهى الاستفادة من الفرق فى الجهد بين المدخلين للزينرين لان هذا الفرق سيجعل الترانزستور شغال فترة طويلة بدون فصل وهى الفترة بين اقصى جهد من ناحية الزينر الايسر 14 فولت وبين اقل جهد لن يستطيع الترانزستور امداد الريلاى بتيار يجعله يلقط وذلك عند انخفاض جهد القاعدة الى 10 فولت مثلا (البطارية ) سيكون تيار القاعدة حينها غير كافى لانشاء تيار مجمع لتشغيل الريلاى فيفصل الريلاى ويبدا الشحن للبطارية من جديد