انا كنت بسال ايامها عن المحول لانى مكنتش لاقيه
انا لقيته دلوقتى واسالتى مش عشان عاوز اعمل واحد مثله
اسالتى عن صميم عمله من الناحية الفنية الكهربية داخل الدائرة
وبالنسبة عن نسبة عدد اللفات كنت بسال عنها لان البرنامج عندى مش بيشتغل على نسب كتير حاطتها له عشان يعمل تذبذب والبرنامج circuit wizard
ياريت تجرب الدائرة على البروتس وتعرفنى نسبة عدد اللفات كام للمحول
وعلى فكرة اسالتى دى اسالة اتسالتها وانا بشرح فى ورشة عمل عن الترانزستور
وشكرا على المرور

[QUOTE=ahmed115;378364]اهلا اخى ماجد

اقتباس المشاركة الأصلية كتبت بواسطة ماجد عباس محمد انا عارف انه لمنع الجهد المستمر ولكن ليه بلقاه مش موجود فى دوائر اخرى فهل التيار بيكون ضعيف كما قال اخونا اسامة؟

هو بالطبع أحد الأسباب و ذكرت لك كل الوظائف التى يخدم فيها المحول لو تحتاج الدائرة أحدها نستخدم محول

يعنى لو حطينا مقاومة ومكثف يكونوا بديل للمحول لو لم يكن هناك دائرة رنين؟

لو لا تحتاج للرنين و التغذية العكسية و تحويل المقاومة يكفى مكثف لعزل المستمر

كم يعنى النسبة بين عدد اللفات لو كانت السماعة 8 اوم؟ وهل مايهم المصمم فقط ان تكون مقاومة الملف الثانوى مناسبة للسماعة ولايهم عدد اللفات ولا سمك السلك؟ بمعنى هل لو لفيت خمسين لفة من سلك ما بحيث يعطينى مثلا 5 اوم نفس الشئ لو لفيت 100 لفة من سلك اخر بشرط تعطينى 5 اوم؟ يعنى الا تؤثر عدد لفات الملف الثانوى على دائرة الرنين؟ او على الجهد الواقع على السماعة نفسه؟ اليس الجهد مرتبط بعدد اللفات؟

تصميم المحول موضوع متكامل و قد وضعته مرة فى أحد الردود ولا أذكر أين الآن وهنا الشرح مرة أخرى


كما ترى فى الشكل العلوى الأيسر مصدر 10 فولت يغذى 1 أوم
الشكل الأوسط الأيسر سنضع محول خافض بنسبة 5 : 1 و كما ترى الجهد و التيار نقصا بالنسبة نفسها و بالنسبة للمصدر كما بالشكل الأوسط الأيمن المصدر أصبح يرى مقاومة 25 أوم أى ضربت المقاومة فى مربع نسبة التحويل
لحساب نسبة التحويل ترجع للدائرة و ترى حسب المكبر بالترانزيستور كم يجب أن تكون قيمة المقاومة بين المجمع Collector و التغذية فلو كانت مثلا 3200 أوم
النسبة 3200 ÷ 8 للسماعة = 400 و جذرها = 20 تكون تحتاج لمحول بنسبة 20 : 1
أما قطر السلك فيعتمد على التيار وهناك علاقة أن
قطر السلك = 0.8 × جذر التيار

الشكل السفلى هو المعادلة التى تحدد علاقة الفولت مع نوع الحديد مع عدد اللفات الخ منها نحسب عدد اللفات لكل من الملفين

يعنى لو اخدنا الاشارة من على مقاومة المجمع هتطلع بنفس الوجه؟ ولنفس السبب لو اخدنا الخرج من على مقاومة المشع هتطلع بنفس الوجه؟ [/QUOT

من على المجمع تخرج معكوسة لأنها تطرح من التغذية أما على الباعث فهى غير معكوسة لأن التيار عندما يزيد يزداد الجهد ولا يطرح من شيء

صباح الفل يابشمهندس ماجد
متهيألى النهاردة مزاجك حلو
لانك رديت بمزاج عالى اوى
عشان كده كان ردك سلس وجميل
الف شكر ويارب دايما فى تقدم


وجزاك الله خير

اى خدمة و خالص تحياتى

الف شكر وسؤال كمان معلش

الى فهمته من حضرتك اننا بنعتمد على نقل القدرة على اساس ان القدرة = مربع التيار *المقاومة او مربع الجهد / المقاومة ثم نعوض بنسبة التحويل بدل الجهد او التيار تطلع لنا النسبة بين المقاومتين وهنا ليا سؤال هل لازم انقل القدرة كلها من على المجمع؟ بمعنى لو حطيت ملف ابتدائى على المجمع مقاومته جزء من مقاومة المجمع اححددها انا بمزاجى على حسب المحول اللى عندى هل تنفع الطريقة دى يعنى احط مقامة على التوالى مع الملف الابتدائى على المجمع عشان تفضل المقاومة 3200 على المجمع واختار انا اى محول موجود عندى؟ هل الطريقة دى تنفع؟

ممكن لكن الحل الأسهل وضع مقاومة على التوالى مع السماعة

جزاك الله خير
بقولك ياباشمهندس
ايه رايك فى التيار الخارج بعد الدايود فى دائر توحيد التيار بدايود واحد ماذا نسميه ؟

هل نعتبره نبضة فقط كما قال الاخوة؟
واذا كانت نبضة هل النبضة تستطيع تشغيل كاوية لحام؟ لان الاخوة بيستعملوا الدائرة دى فى تشغيل كاوية لحام

واذا لم تكن نبضة وهى تيار فهل تنتمى الى التيار المستمر ام للتيار المتغير؟

ورجاء ارجو عدم التدخل من الاخوة الى بيزعلوا من اسلوبى

اعتبرة أى شيء لكن غالبا يقال عن النبضة أنها مربعة أما تقويم نصف موجة فهو تقويم نصف موجة ومن تحليل فورير يحتوى على جزء مستمر و مجموعة توافقيات، أما التيار سيكون حسب الحمل فلو عبرت الموجة خلال ملف سيحجب التوافقيات و يمرر المستمر أما لو مقاومة سيمر الكل و المكثف بيرشح كما تعلم

يمكن استخدام هذه الموجة فى أى تطبيق لا يتأثر بوجود هذه التوافقيان فهى تستخدم للتحكم فى حرارة الكاوية و السشوار كما أن تغيير الجزء المار باستخدام ثايريستور بدلا من ثنائى يتحكم فى موتورات كذا كيلو وات