الاخ خالد المفروض خميس هو اللى يرد على تساؤلاتك ولكن هو مش هنا النهارده باين عنده شغل 0لانه دايما بيكون معانا فى القريه عموما على مايرجع بالسلامه انا اشرح لك ازاى تصلح اليوك لما يكون فيه حرق بسيط من الجنب 0 بنبعد السلك عن بعضه واذا كان فيه قطع فى اسلك نلحمه نوصل كل خط بزميله وبعدين نضعه فى ورنيش لعزله ونتركه لمل يجف وبكده يكون صلحت اليوك 0 اما اذا كان ملف محروق ودائما ملف الافقى هو اللى بيتحرق ممكن تغيره من يوك فيه ملف سليم مثله تفك اليوك وده عايز دقه بالرغم من سهولته الملف الرأسى زى مانت عارف على الفحمه تفك الكلبس اللى مثبت الملفات الرأسيه وتفتح اليوك حتيتين يمين وشمال وتفك الملف المحروق وتركب بداله الملف السليم وتلحم اطرافه زى ما كانت وتعيد تركيب اليوك وتثبت كل حاجه زى ما كانت 0 جرب فك اليوك فى واحد محروق الاول قبل ما تفك اليوك اللى عايز تصلحه 0علشان بيكون فيه ماده لاصقه ناشفه ممكن يتكسر منك او يتلف محتاجه الحكايه دى
صبر وفك ببطاء وتعرف اهم حاجه اطراف اليوك موصله ازاى ولو يكون احسن ارسمها الاول قبل حلها علشان لما ترجعها تكون فى مكانه صح0 باختصار انت بتركب ملف سليم بدل الملف المحروق0مع مراعاه الاوم والمقاس وتخانه السلك 0 000 ولما يرجع اخويا خميس يضيف مشاركته معانا ويشرح كيفيه اصلاح اليوك تحياتى لك اخى خالد وتحيه الى اخى خميس والسلام عليكم ورحمه الله وبركاته
