السلام عليكم
ممكن اى واحد ممن صمم الدائره يخبرنا من اين يمكن ان نحصل على هذاالسلك الشيلد الفضه حتى اوصل الام بي ثري بالدائره لأن حاليا الدائره لا تعمل واعتقد بسبب ضعف الاشاره لأنى بوصل الام بي ثري بالسلك الافتراضي اللى بيكون متواجد بها

السلام عليكم ورحمة الله الاخوة الكرام دوائركم مليئة بالاخطاء لناخذها من البداية ارى اطراف توصيل اللمبة بسللك عادى وطويل نوعا مما يجعل كل سلكة بين اللمبة واللوحة تعمل كهواى وتبدد الاشارة-اللوحة نفسها كبيرة المسافات جدا مما يجعل التوصيل بين المكونات يعمل كاريل ويبدد الاشارة ايضا رايت ان التغذية ببطارية 9 فولت وهذا لم اذكره ابا رايت احد الاخوة يربط المقاومات والملفات والترانزستور بلى اطرافهم معا بطولها وهذا لا يصلح بالاسلكى نهائيا السللكالفضة او الشيلض تجدوه فى باب اللوق بالقاهرة وان لم يوجد يستعاض عنه بسللك شيلد رفيع ويكون قصير جدا حتى لا تضيع الاشارة اخيرا استخدمو نفس الام بى ثرى فى البداية لربما تكون المستخدمة معكم اشارتها اضعف من التى استخدمتها انا انصحكم بتضيق اللوحة جدا وتقريب المكونات واللحام الجيد لان اشارة الاسلكى تضعف جدا مع طول الوصلات لانها تعتبرها اريل اة انتينا ومن لم تعمل معه يراسلنى او يطرح سؤاله على العام

جزاكم الله خيرا على سرعة الرد يا بشمهندس
انا بغذي الدائره ب 12 فولت ولكن الام بي ثري هو اللى بغذيه على 9 فولت
يعني انا قمت بألغاء الفولت كنترول ودخلت على الدائره 12 فولت مباشرتاً اما البطاره 9 فولت هذه موصله بالام بي ثري
اعتقد ان المشكله الان فى السلك الشيلد الفضي هذا سأبحث عنه واستخدمه واصغر المسافات بين القطع واقصر الاطراف للقطع الالكترونية قدر المستطاع وسأوافيكم بالرد ان شاء الله

اريد ان اسأل على طريق توصيل الشيلد اللى واصل من الام بي ثري الى الدائره هو له طكرفين احدهم هيوصل الاشاره طيب الطرف الاخر هل اوصل طرف الارضي منه بالام بي ثري والطرف الاخر الارضي بأرضي الدائره ؟

هذه لم تذكر فى المناقشات ولكنى ملاحظها فى الصور التى وضعتموها
[IMG][/IMG]

يعني كده الارضي بتاع الشيلد هيربط بين الارضي الام بي ثري والارضي بتاع الدائره هل فهمي له كده صحيح ؟

السلام عليكم
شوف يا بشمهندس انا عملت الدائره مره اخري على بورده مخرمه وصغرة المسافات جدا بين القطع وقصرة الارجل بتاعة الترانزيستور والمكثف والمقاومات علشان اضمن عدم تبديد الاشاره ولا يحدث له بث فيحدث تشتيت لها
وركبت على الدائره المرحله الاولي طبعا بدل المقاومة 20 كيلوا ركبت مقاومة متغيره زي ودي كانت مفيده جداً وفضلت اعدلها لحد ما لاقيت البيز بقي فرق الجهد عليه سبعه من عشره فولت تمام كده
ونزلت اشتريت سلك شلد بس كان 75 اوم مش 50 اوم ووصلته بالخارج بتاع الام بي ثري الى البيز بتاع الترانزيستور ولكن مفيش اى حارج للدائره قولت اقيس البيز بعد توصيل الام بي ثري
لاقيت البيز مازال فرق الجهد عليه زي ما هو سبعه من عشرة عرفت كده انى مش موصل الخارج بتاع الام بي ثري صح
وبقيس الخارج من الكونكتور بقيسه كويسه ولكن لما بقيس الخارج بعد المكثف 27 بيكو اللى راكبه على الكونكتور بتاع الترانزيستور مفيش اى خارج
وكمان لما بقيس الفولت على البيز بعد ما بشغل الام بي ثري بيكون نفس فرق الجهد على الاقل المفروض فرق الجهد يحدث فيه تذبذب بعد ما بدخل عليه اشارة الام بي ثري
من الواضح ان مفيش اشاره بتدخل للدائره يا هندسه
وبوظت ثلاثه ام بي ثري وبرضه مفيش واحد منهم عرفت اوصل السلك الشلد بالخارج بتاع الام بي ثري
كده كل المشكله اتضح انى مش بنقل الاشاره اساساً من الام بي ثري للدائره علشان كده مفيش خارج طالع
هل تحليلي كده صح والمشكله هى فى نقل اشارة الار اف من الام بي ثري الى الدائره ؟
جزاكم الله خيرا على تعبك معايا

حضرتك لو من مصر ابعت للك ما يساوى ربع متر

انا شاكر لحضرتك يا بشمهندس انا اشتريت كابل RG8 وهو 50 أوم بس برضه مشتغلتش
وفعلياً لاقيت بعض المكثفات 2N2222A فيه منها فى السوق الاراحل بتاعها غير متطابقه مع الداتا شيت واشتريت غيرهم متطابق مع الداتا شيت
ومحاولات كتير جدا جدا وبرضه مش غاله معايا حتى المرحله الاولي حاسس ان فيه حاجع غلط بس مش عارفها

ممكن تليفون حضرتك اكلمك فى الموبايل لو يسمح وقتك ؟

ممكن حضرتك تراجع التصميم ده

الترانزيستور المستخدم 2N2222
المقاومة من الموجب للبيز 20 كيلوا
المقاومة من السالب للبيز 1 كيلوا
الجهد الكلي للدائره 9 فولت
لما بقيس فرق الفولت بين البيز والسالب بيكون فى حدود 0.7 فولت
الملف اللى راكب على الكولكتر عباره عن سلك 6 لفات على نصف قطر 5 مم وسمك السلك 0.8 مم
مع العلم جربت ايضاً سلك بسمك مختلف
اللى بيحصل ان اول ما اوصل التيار للدائرة بيفضل الترانزيستور درجة حرارته ترتفع وتزداد جدا لحد ما يحصل فيه شورت ويتحرق وتتوقف الدائره عن العمل
ده جزء من دائرة لتكبير تردد اشارة أر أف ولكن انا لسه مدخلتش اى اشاره انا فقط حبيت اصمم المرحله الاولي
ممكن تقولي ايه اللى ناقص منها كده
وده المخطط بتاع الاستاذ ياسر للدائرة اللى بحاول اصممها

ممكن افاده ليه الترانزيستور بترتفع درجة حرارته حتى يتلف ؟