خبرتي قليلة في اﻹلكترونيات يا أستاذي فاستأذنك:
1- عاوز أفهم وظيفة المقاومة علي التوالي مع بوابة الترياك ؟
عشان ميرجعش فولت كفاية لفتح ترياكات اللمبات؟
و بالنسبة للفولت اللي بياخده بوابة الترياك، علي قدر ما افهم ال 220 بيتقسموا بين ال 10 ك و مقاومة بوابة الترياك علي أساس ان البوابة هتاخد ارضي من الطرف اللي جنبها و مقاومته صفر، فاكلام ده صح؟و الفولت اللي بتاخده البوابه بالشكل ده كفاية لفتح الترياك ؟
2- بصرف النظر عن مفاتيح الجرس علي يمين الرسم ، لو عاوز أشتري مكونات البوردة علي اساس 4 خطوط ارجو تراجعلي الكشف ده بحيث اديه للبياع :
1- ترياك BT132 ، عدد 5
2- بازر 220 ف0.8 أمبير ، عدد 1
3 - لمبة بيان نيون 220 ف0.8 أمبير الوان مختلفة، عدد 4
4- برس nc أمبير 0.8 ،عدد 1
5- مقاومة 10 ك 5 وات ، عدد 8
صح كده؟
بس المهم معرفوش إزاي أقدر احدد البوردة المناسبة اللي هجمع عليها المكونات؟
و انا بفكر اعمل علبة خشب شيك ارتفاعها قليل تتحط علي مكتب السكرتارية واحط جواها الكارتة و اعمل اخرام في وشها فوق البازر ، و اخرام أحشر فيها لمبات البيان و اوصل و الحم سلك طويل شوية في الكارتة عشان لما يتشال الوش للصيانة و نفس الشئ للبرس بس تكون فتحته مش منفده الا لمرور السلك عشان البرس يسند تحت منه علي الخشب و الفتحة متوسعش مع تكرار الضغط علي البرس، و فتحة يخرج منها سلك بفيشة للريتور الجاي من الغرف.
