مشكلتى والله اعلم مش عارف ليها حل فياريت تساعدونى من فضلكم انا اسف انى حطول فى كتابة مشكلتى ولكن انا هكتبها بالتفصيل من اجل عدم اغفال اى معلومه عن مقدم النصيحه لى .
اولا حقول امكانيات جهازى ايه :
1- ماذر بورد : msik9agm3
2-بروسيسور : amd 4200 x2 dual core
3- رامات : king ston 2 gb buss 800 ddr2
الرامات اتنين كل واحده واحد جيجا
4- الهارد ديسك : wd 320 sata green
5- كارت الشاشه : gigabyte ati readon hd 4350 512mb ddr2
مع العلم ان البورده فيها كارت شاشه داخلى بس انا اشتريت الكارت ده للالعاب
6- مشغل اسطوانات : asus dvd 20 x
7- كارت ستالايات (دش) : twinhan 1027
8-الباور سبلاى: 500watt اللى جاى مع الكيسه ما غيرتوش
9- الشاشه : samsung lcd tv 23 p2370ms
المشكله بقى فى الشاشه يا ريت تركزوا معايا
اولا انا كان عندى شاشه سامسونج ماليزى 23 بوصه lcd عاديه مش تليفزيون
المهم كانت شغاله كويس اول ما جبتها بس كنت بسمع فيها صوت تكتكه او زى مايكون حد بيكسر حاجه بس صوت خفيف كده المهم ما خدش فى بالى واشتغلت على الشاشه عادى فضلت شغاله لمدة 7 شهور زى الفل وفجاه انا شغال عليها عادى قفلت مفتاح الباور عشان كنت رايح مشوار اول ما قفلت مفتاح الباور سمعت صوت صفير طالع من الشاشه والصوت متقطع بس منتظم المهم ضغط على مفتاح الباور اشغل الشاشه تانى مش بتشتغل يعنى الشاشه شغاله باور الباور بتاعها بينور لكن فاصله داتا خالص الحمد لله الشاشه كانت فى الضمان وديتها الضمان وسيبتها 10 ايام قالولى مش هتصلح تعالى خد واحده تانيه وملحوظه الشاشه دى كانت شغاله على كارت الفيجا البلت ان بتاع الماذربورد ماكنتش لسه جبت كارت خارجىالمهم انا روحت والصراحه اتعقدت من الشاشه قولتلهم انا هاخد نوع تانى وقمت واخد شاشه بينك 24 بوصه lcd fullhd صينى المهم شغلت الشاشه بس برده نفس صوت التكتكه اللى كنت بسمعه فى السامسونج سمعته فيها اول ما اشتغلت ولمدة 3 اسابيع وبعد كده الصوت يعتبر راح نهائيا والشاشه اشتغلت زى الفل ولمدة 5 شهور وبعدين ظهرت مشكله جديده الشاشه وانا شغال ظهر فيها عيب اضائه الاضائه تزيد وتوطى بسرعه وبصوره مزعجه ومستمره وعلى فكره الشاشه المره دى كانت شغاله برده على كارت الفيجا البلت ان بتاع الماذر بورد واخر اسبوع شغلتها على كارت الفيجا الجديد اللى انا ذاكر اسمه فوق وبعد الاسبوع بالضبط ظهرت الرعشه دى فى الشاشه المهم قمت وديت الشاشه الضمان تانى المره دى قعدش شهر فى الضمان روحت للراجل قاللى الشاشه فى التكييف شغاله زى الفل لكن فى الجو العادى بتعمل الحركه دى وقاللى انا ودتها الضمان وكتبت ليهم الملحوظه دى روحتله كمان اسبوع استلم الشاشه قاللى شغاله زى الفل جبت الشاشه وشغلتها على الجهاز لقيت العيب هو هو بس زاد كمان عن الاول بكتير وبصيت على الشاشه حسيت ان مفيش حد فاتحها ولا صلحها زى ماهى بس الله اعلم الراجل ده بيكدب ولا لا المهم رجعتها تانى للراجل واستلمت شاشه جديده ودفعت فرق سعر تانى المهم الشاشه الجديده اسمها زى ما قولت فوق samsung p2370ms هى بتشتغل تليفزيون وهى صينى على فكره الصراحه انا شغال عليها دلوفتى بقالى يومين زى الفل مع ملاحظة انى مركبها على كارت الفيجا الخارجى مش البلت ان ما ركبتش على البلت ان خالص والحمد لله ما سمعتش فيها صوت تكتكه ولا غيره الف حمد وشكر اصل الصوت ده الصراحه انا اتعقدت منه المهم النصيحه اللى انا عاوزها من حضارتكم تقولولى هو المشكله من ايه عشان الشاشات تعمل معايا كده والصراحه الشاشه اللى انا جبتها دى اخر مره مابقاش ليها ضمان كمانها خلص فعاوز احافظ عليها وعاوز اعرف هل العيب من عندى ام من الشاشه التى كنت امتلكها انا ساطرح على سيادتم بعض الامور لعلها تكون راجحه فى مساعدتكم على حل مشكلتى
هل المشاكل التاليه لدى
1- يوجد عيب بكارت الشاشه البلت ان فى البورده على العلم انه شغال
2- يوجد عيب عدم توافق كارت الشاشه الخارجى مع البورده على العلم انه شغال
3- هل البورده اصلا فيها مشكله على العلم انى مش شايف كده وشغاله كويس
4- هل المشكله فى كابلات الشاشه على العلم ان غيرتهم اكثر من مره
5-هل المشكله فى الباور سبلاى تبع الكيسه مع العلم انه شغال كويس ومفيش مشاكل
6-هل المشكله تكمن فى عدم التوافق بين كرت الشاشه الخارجى او البلت ان مع كارت الدش مع العلم انهم كلهم شغالين بدون مشاكل
7-هل المشكله فى التيار الكهربى لدى مع العلم ان الشقه التى بها جيدة الكهرباء بدون ادنى مشاكل
8- هل المشكله فى الشخص الجالس امام الشاشه (انا طبعا ) وانا ارجح هذا الحل
يا ريت يا جماعه تقوليلى المشكله فين بالضبط ارجوكم لانى محتار هل اغير الماذر بورد ام كارت الشاشه ام الجهاز كله ام الشقه من اجل ان تبقى الشاشه بسلام ام استغنى عن الشاشه من اجل الباقى القضيه محيره وارجو منكم الحل وافادتى ارجوكم وياريت يظل الموضوع مفتوح غير مغلق حتى يتثنى لى الرد على ارائكم واشكر جميع من قرا موضوعى او ابدى برايه
ارجو الحل وانا تحت امركم فى اى استفسار اخر
المهم الشاشه الجديده تبقى بسلام وما يحصلش فيها اللى حصل للاولى والتانيه ياريت تنصحونى اعمل ايه واطمنونى والحاجه التانيه امكانيات جهازى اللى انا كاتبها دى هلى متوافقه مع بعضها دون ادنى مشكله ام يوجد تعارض فى شئ فيها ارجو الرد سريعا وشكر للمنتدى وعمالقة المنتدى وانا اسف جدا على الاطاله فى حديثى والسلام عليكم ورحمة الله وبركاته