|
أخوي مشكووور على ردك الأكثر من رائع ونا شاكر لك تعاونك و تواصلك معاي.
أخوي أبو صابر
1-مقياس الرطوبة كيف يستعمل و كم لازم تكون الرطوبة و كيف نتحكم بها.
2-الترمستات كيف يستعمل وكم لازم تكون درجة و لا كيف
أخوي وين يبيعون هذه الأغراض
1- وتزكرت شي البيض في الفقاصة يكون الجزء العريض فوق و لا تحت.
و السموحة طولنا عليك
|
هلابك اخوي ولايهمك
انا ماجيت هنا الا افيد واستفيد
1- المقياس اللي عرضته بالصورة ترمومتر حرارة مئي والساعه اللي اسفل تقيس الرطوبة
الحرارة 37,5 درجة والرطوبة من 60 الى 70 تزيدها بزيادة كمية الماء تحت وتنقصها بنقصان الماء واذا مازادت كبر حجم الاناء
الترموستات توصلها كالتالي:
لها ثلاث رؤس
الراس الاول يشبك فيه السلك الاول من الكهرب
الراس الثاني يشبك به السلك الاول من المطباح
الراس الثالث يشبك به السلك القادم من الكهرباء ومربوط مع سلك المصباح
وتشغله وتشوف الحرارة وتتحكم فيها من مفتاح الترموستات
3- البيضه تكون على جنب مو على العريض ولاعلى النحيف وتقلبها مره على الجنب الايمن ومره على الايسر زي الطفل الصغير اذا نام يقلبونه على جنبيه
ههههههههههه
اي سؤال انا جاهز
انت حصلت اللي تبحث عنه اولا ؟ الترموستات والمقاييس ؟
