|
انا اسف على التاخير
ولسانى عاجز عن شكرك لسرعة ردك
اولا
عملت زى ما قولت فى البرنامج circuit wizart اللى عندى وجربتها بس لما بفصل الكهرباء النور بيفضل منور ولما بشغل الكهربا النور بيرعش المفروض ان النور يفصل ومش فاهم ليه بيعمل كدة فهل احتمال قيمة المقاومات اللى انا مركبها فى الرسمة مش مظبوط زى اللى فى الكشاف.
ثانيا
الكشاف الموجود عندى فى البيت بالرسمة اللى انا رفعتها
حصل فيه عطل انه مش بيشحن فقلت ارسمها على البرنامج circuit wizard واجرب كل الاحتمالات لغاية ما وصلت لسبب العطل التقريبى هو المكثف 155j 400v الى فى الرسمة بc1
فبحثت فى الالكترونيات اللى فى البيت زى اللمبة الموفرة البايظة وشاحن الموبايل البايظ على المكثف ده مش لقيه
فبسال لو ليه بديل المكثف ده من الحاجات اللى بايظة عندى
علشان اتعلم اعادة الاستخدام
ارجو الرد
|
أما عن المكثف ال155 فهو 1.5 ميكرو فاراد.
يمكنك الحصول عليه بعدة طرق...
أولا وصل على التوازي مكثف واحد ميكرو مع مكثف 0.470 ميكرو سيكون المجموع 1.47 ميكرو... يعني تقريبا 1.5 ميكرو.
المكثف ال0.470 ميكرو مكتوب عليه 474
ألا يوجد محل إلكترونات قريب منك تشتري منه بدل البحث في الأجهزة القديمة؟
الطريقة الثانية توصيل مكثفين على التوالي 3.3 ميكرو.
حيث أن المكثفات الكيميائية تنتشر فيها هذه القيمة وربما تعثر عليها بسهولة من الأجهزة القديمة... سيكون مجموعهما على التوالي 1.65 ميكرو... يعني تقريبا القيمة التي تريد.
لكن هناك تنبيه:
المكثفات الكيميائية لها قطبية... يعني قطب سالب وقطب موجب... مع أن هناك مكثفات كيميائية ليست لها قطبية تباع في محلات الإلكترونات عندنا في مصر في باب اللوق إلا أنها غير موجودة بالأجهزة... كل المكثفات الكيميائية الموجودة في الأجهزة لها قطبية... لكن لا تحزن... إن وجدت عندك مكثفين كيميائيين 3.3 ميكرو أخبرني وأنا أدلك على طريقة استخدام المكثفات القطبية مع التيار المتردد لتعادل المكثفات غير القطبية.
أما عن ارتعاش الإضاءة في البرنامج... لم أجربها على البرنامج لكن أظن أن هذا إن شاء الله لن يكون موجودا في الواقع... يعني إن شاء الله ستعمل معك في الواقع جيدا.
