ممكن نحاس و الاموتيوم له خاصية السوستة زي اللي بيتعمل منه جنط توصيل الكابلات اللي بتتكبس مثل السرفيهات و الاكواس؟

لو أجزاء السلك مش من صانع واحد لكن انواع جيدة فيه مشكلة؟

يعني المشكلة في إختلاف معاوقة السلك فتزيد اﻹشارات المرتدة ولا زيادة المعاوقة الخط ككل؟

من غير ما اتقل عليك يا استاذتا إذا فيه شرح مبسط للفاقد في طاقة خط التليفون و النت و إزاي بيتحسب بالدسيبل لان كل ما اعرفه عن الفقد هو الفقد في الطاقة بالوات يساوي مربع فقد الفولت في المقاومة و بما إن المقاومة ثابتة بصرف النظر عن طول الخط يبقي الفقد ثابت أيضا.

طيب و إزاي المكبر يقلل التداخل بين الكابلات؟ و ممكن اكتر من جهاز للتوصيل بين الكابلات لو المسافة طويلة؟

نعم
هذه ما اسميها مناقشات بيزنطية أى نناقش نقطة جانبية و نترك الأصل الأكثر وضوحا
الأصل هنا هو استدامة المقاومة النوعية للكابل و القطع و الوصل وحدة كفيل لإفساد هذه الخاصية
إذن إما تستخدم وسائل ربط "فيش و مقابس مصممة لهذا النوع من الكابلات" مع الأخذ فى الإعتبار أنها أيضا تفقد نسبة من الاشارة المارة و غالبا ما سيكلف أكثر من ثمن الكابل
أو تستخدم كابل جديد افضل
لو تذكر السلسلة و قرأتها ستجد أن الزيادة كالنقصان تسبب ارتداد فالمشكلة فى التغير
فى السلسلة فى أول مشاركة ستجد الكابل مكافئ لعدد لا نهائى من الملفات و المكثفات المكونة من ابعاد و مكونات الكابل نفسه
وفى ثانى مشاركة ستجد تمثيل هذه المكونات بمكافئ أومى لتسهيل الشرح و الحساب و هذه ذات الصورة من السلسلة و الشرح هناك

و بهذا ستجد أنه مهما طال الكابل ستظل المقاومة ثابتة لكن الطاقة تفقد باستمرار
المكبر لا علاقة له بالتداخل بين الكابلات - التداخل يعتمد أساسا و حصريا على شكل و ابعاد الكابل وهل بجواره كابل آخر يحمل إشارة أم لا
طبعا لو المسافة طويله تستخدم أجهزة للربط تمنع ارتداد الاشارة بجودة المواءمة و تعوض الفقد بالتكبير المناسب

معلش يا أستاذي ارجو تتحملني سؤالين آخيرين:

قرأت الجزء ده من السلسلة و فهمت ان المقاومة ثابتة يبقي المفروض مفيش فقد في الفولت، و يبفي ليه فيه فقد في الطاقة، وإيه سبب ضعف اﻹشارة ؟

يجوز نوصل سلكين من نوع مختلف عن طريق أجهزة الربط؟

لأنك تنظر لجزء واحد وهو ثبات المقاومة ولا تنظر ماذا يحدث عبر الكابل
التيار الداخل من المصدر سيعبر أول مقطع فيهبط جزء منه على r2 ويعود جزء منه عبر المقاومة r3 و باعتبار القيم الفعلية فى الكابلات حيث الأولى صغيرة جدا و الثانية كبيرة جدا فسيقل الفولت 1% على الأولى و يعود مثلا 1% من التيار عبر الثانية - لو الفولت كان 10 مثلا و التيار 0.02 أمبير
بعد أول مقطع يصبح الفولت 9.9 و التيار 0.0198 أمبير
بعد ثانى مقطع يصبح الفولت 9.9 *99% =9.801 و التيار 0.0198 أمبير * 99% =0.019602 أمبير
بعد ثالث مقطع يصبح الفولت 9.801 *99% =9.70299 و التيار 0.019602 أمبير * 99% =0.01940598 أمبير
بعد رابع مقطع يصبح الفولت 9.70299 *99% = 9.6059601 و التيار 0.01940598أمبير * 99%= 0.0192119202 أمبير
بعد خامس مقطع يصبح الفولت 9.6059601*99%=9.509900499 و التيار 0.0192119202 * 99% = 0.019019800998 أمبير
بعد سادس مقطع يصبح الفولت 9.509900499*0.99=9.41480149401 و التيار 0.019019800998 * 0.99 =0.01882960298802 أمبير
بعد سابع مقطع يصبح الفولت 9.41480149401*0.99= 9.3206534790699 و التيار 0.01882960298802 * 0.99 =0.0186413069581398 أمبير
بعد ثامن مقطع يصبح الفولت 9.3206534790699*0.99=9.227446944279201 و التيار 0.0186413069581398*0.99= 0.018454893888558402 أمبير
بعد تاسع مقطع يصبح الفولت 9.227446944279201 *0.99=9.13517247483640899 و التيار 0.018454893888558402*0.99=0.018270 أمبير
إذن الفولت دوما يتناقص و النتيار أيضا يتناقص بسبب مكونات الخط من حث و سعة و المقاومة الأومة حيث توجد
هنا نقول كابلين ولا نقول سلكين لأن سلكين يعنى فردتين سلك من أى نوع مستخدمان معا لكن كابلين تعنى خط نقل قدرة مرتبط بشكل و مكونات معا للحفاظ على المقاومة النوعية
المقاومة النوعية هى ما تهم فلو الكابلين لهما نفس المقاومة المتناسبة مع باقى الوصلات و المكبران هنا يمكن

ربنا يخليك يا استاذنا ، وضحت الصورة، و بإذن الله المقاومة النوعية بتاعة سلك التليفون عندك تفضل ثابتة علي طول عشان نستفيد من علمك و ربنا يبارك لك.