شكراااا جزيلاااا

اخى العزيز عدنان
من المعروف ان دوائر ستار دلتا لا تستخدم الا مع المحركات كبيرة القدرة وممكن مع المتوسطة يعنى بالعربى لو عندى موتور اكبر من 20 كيلو يفضل استخدام دائرة ستار دلتا معاة
وكمان من المعروف ان الدائرة اسمها ستار دلتا يعنى البدء بيكون ستار ثم يقلب دلتا يعنى الوضع الاخير والمستمر فى العمل هو دلتا
وطالما انا هشغل على وضع دلتا فلازم يكون الجهد اللى عندى واللى هوصله على المحرك يكون جهد الدلتا
طيب انا اعرف الكلام ده منين
ممكن اعرفه من النيم بليت nameplate خاصة الموتور واللى بيكون اكيد مكتوب عليه طريقة التوصيل وجهد التوصيل فى الحالتين وتيار المحرك فى الحالتين كاتالى
دلتا/ ستار 380/660 فولت X/Z امبير
يعنى لو هوصل دلتا فلازم يكون جهد المصدر 380 وبالتالى سيكون اقصى تيار ممكن يسحبه المحرك هو Z امبير
وبالعكس لو هوصل ستار لازم يكمون جهد المصدر 660 فولت وبالتالى سيكون اقصى تيار يسحبه المحرك هو X امبير
وبما ان الجهد المتاح ديما عندنا هو 380 وليس 660 فانا كدة مضطر اوصل الموتور دلتا وليس ستار
طيب لو مكتوب على الموتور التالى
دلتا / ستار 220/380 فولت X/Z امبير
فى الحالى دى انا هوصل الموتور دلتا فى حالة وجود جهد مصدر 220 فولت ثلاثة فاز وده ممكن احصل عليه من مغير سرعات او انفرتر يكون خرجه 220 فولت 3 فاز وهيسحب الموتور تيار قدره Z امبير
اما والاسهل هيكون التوصيل ستار على الجهد 380 وهيسحب الموتور تيلر X امبير


لاحظ ان التوصيله للموتور الاول فى حالة الجهد 380 اختلفت عنها فى الموتور الثانى


عموما وللتسهيل الجهود 220/380 بتون للمواتير ذات القدرات الضغيرة واللى ممكن تبدأ دورانها مباشرة وسيكون التوصيل دلتا او ستار حسب الجهد 3 فاز اللى موجود سواء 220 او 380
اما الجهدو 380/660 فتكون مع المحركات المتوسة والكبيرة وبما انه ليس متاح لدى غير الجهد 380 فسيكون لزاما التوصيل دلتا ولكن هذ1ا غير مرغوب فيه لان القدرة كبيرة ولابد من استخدام طريقة بدء فيكون استخدام ستار دلتا هو الحل

سيد رياض حسن شكرا على الموضوع انا مبتدء في موضوع دارات التحكم ولفت نظري البرنامج الذي ترسم به الدارات مااسمه وهل لديك رابط له وشكرا

بارك الله فيك فعلا موضوع جميل جدا جزاك الله كل خير