لا يوجد شيء اسمه تيار عكسى، هو فقط تعبير يستخدم فى الشرح للتبسيط و غالبا ما لا يذكر فى الكتب المتخصصة
التيار هو ناتج للفولت لذا أفضل دوما استخدام التسمية "القوة الدافعة الكهربية" لأنها تبين بوضوح من هو الفاعل و ما هى النتيجة
التيار حركة إلكترونات والحركة ناتجة من المجال الكهربى الذى هو ببساطة ناتج لفرق الجهد
أى أن الجهود تتعادل و المحصلة هى التى ستفرض تيارا فى اتجاه ما

ثانيا حساب المعاوقة و فرق الطور و معامل القدرة لا علاقة له بالفولت ولا التيار
هو معاوقة تضع عليها فولت سيمر تيار ولو لم تضع عليها فولت لن يغير من قيمها ذلك شيء

يبقي انا قلت التيار العكسي و الصح ممكن انه الجهد العكسي؟

بالنسبة لحساب المعاوقة بتعتمد علي المقاومة الاومية و المفاعلة الحثية. المفاعلة الحثية بتعتمد علي التردد و الحث اللي بنحسبه بمعرفة عدد لفات الملف و قطره و طوله.

بس لو عاوزين نحسب الممانعة لماتور شغال نعمل ايه و مفيش البيانات دي؟ ممكن مثلا نقسم الفولت عند الماتور علي التيار اللي بيسحبه يدينا الممانعة؟

بس طبعا التيار بيتأثر كمان بسرعة العضو الدوار نتيجة الحمل عليه، فهذه العلاقة مش عرف ازاي احسبها.

لهذا قلت أنها تقاس أسهل بكثير من أن تحسب و هناك أجهزة مخصصه لهذه المهمة
بعضها يعمل بنظرية عداد الكهرباء و غيرها رقمية أو تماثلية
هذا موقع يشرح باستخدام 3 آفو و مقاومة
http://www.giangrandi.ch/electronics...i/cosphi.shtml

وهذا جهاز من انتاج فلوك
http://www.fluke.com/fluke/r0en/solu...q/power-factor

شكرا يااستاذنا علي المواقع ، هذه رسمة من الموقع الاول لاخونا الاعضاء لتعم الفايدة ، الرسمة توضح قياس الباورفاكتور ب3 أجهزة فولتميتر لو مفيش جهاز باورفاكتور ميتر و القانون هو :

cos a = (V1^2-V2^2-V3^2)/ (2*V2*V3)

في موضوع الباور فاكتور برضه نقطة مش قادر افهمها.

لاحظت في اغلب مواتير تلاجات البيوت ان ممانعة ملف التشغيل اكبر حوالي 10 مرات من المقاومة الاومية.

مثلا ماتور 150 وات، بعد التقويم مش بيبقي في الدايرة غير ملف التشغيل ، لو قسمنا 220 ف علي تيار التشغيل 1.3 امبير يدينا 169 اوم ممانعة في حين المقاومة الاومية حوال 15- 20 اوم.

الوضع ده معناه ان المفاعلة الحثية تقريبا 10 اضعاف مقاومة الملف حسب قانون الجمع الاتجاهي للمقاومات لو الزاوية بين التيار و الجهد 90 درجة:
م حث = جذر تربيع ( ممانعة ^2- م^2)
م حث = جذر تربيع ( 10^2-1^2)
اذن م حث = تقريبا 10 اي 10 اضعاف م

مما سبق زاوية ملف التشغيل: ظا -1 (م حث/م) = 83 - 85 درجة

يبقي الباور فاكتور اللي هو جيب تمام الزاوية يساوى في حدود 0.1

اذا حسبنا الباور فاكتور بطريقة تانية يدينا قيمة تانية :
جتا (زاوية الحمل) = القدرة/(الجهد*التيار)
جتا (زاوية الحمل)= 150 وات/ (220*1.3 امبير) = 0.52 و ده طبعا معقول عن النتيجة الاولي.

انا واخد بالي ان الباور فاكتور يتقاس اسهل ما يتحسب بس للفرق كبير يعني نسبة الخطأ في القياس برضه ما تعملش ده كله و لا انا غلطان.

فياريت تلحقني لاني تهت

عدنا لمربع رقم 1 مرة أخرى
1- تقيس أوم موتور بالآفو وهو متوقف وسبق أكثر من مرة تكرار أن االدوران و الحمل يضيفان أوم على الدائرة
2- تحسب الممانعة بالقياس وهو دائر وهذا يختلف بحسب الظروف لأنك تقيس تيار كلى وليس تيار حثى فقط
3- موتور الثلاجة فى كل حركة يضغط غاز أمامه إذن الضغطة الثانية حملها أكبر من الأولى
4- الموتورات حث تقريبا كامل أو سعة تقريبا كاملة بدون حمل و عند الحمل الكامل تكون أقرب ما يكون للواحد الصحيح أى للمقاومة

تريد قياس اكثر دقة استخدم الطريقة بثلاثه آفو
انت تصر على أن تجعل القوانين تسير بحسب ما تريد بينما نحن نسير بحسب القوانين!!!!

جربت طريقة ال3 افو علي مروحة فادتني باور فاكتور اكبر من 1 و بعد مراجعة الدايرة لقيت ان فيشة المروحة قديمة اكيد مقاومتها عالية ، فكيتها و وصلت السلك علي طول فادتني باور فاكتور في المعقول حوالي 0.6 .

تقريبا كانت فيشة المروحة عاملة مقاومة تانية علي التوالي وجهدها مبيتجمعش علي جهد المقاومة اللي حطتها و مبيتعوضش عنه في القانون.

بالتوفيق ان شاء الله