السلام عليكم
استاذ ماجد انا اللي كنت اقصدة هو :
لو انا عندي محول 12-0-12 واخذت الطرفين 12 و -12 مع بعض هيديني 24 فولت ولو اخذت الطرف 0 مع -12 هيديني جهد -12فولت .
وطبعا اللي انا عارفة ان المحول بيتكلم عن 12 فولت AC بس بعد التنعيم بيتغير الفولت ويبكون DC ويكون اكبر .

( اعتذر استاذ ماجد علي عدم علمي فانا في الواقع ما زلت مبتداء ويوجد اشياء كثيرة غير مستوعبها بشكل كافي )
وعلي كل الاحوال انا هعمل المخطط اللي حضرتك وضعتة وهكمل باقي المخطط وهحطة علشان لو في حاجة غلط

ما هو إما هذه أو تلك
لو ستأخذ 24 فولت سيكون ذلك بدون وصلة المنتصف أى بدون جهد سالب للمكبر
و إن أخذت وصله المنتصف ستغذى موجب وسالب لكن 12 فولت فقط
بعد التنعيم يكون بقيمة الجهد العظمى وهى 1.414 قيمة المحول الإسمية و التى هى جذر متوسط التربيع أى 12*1.414= 16.968 فولت أقل من 17 فولت
و عند التحميل و خاصة بالتيار الأقصى له سيهبط إلى 0.9 القيمة الإسمية
أى 12*0.9 =10.8 فولت و ستنقص منها 0.6 للثنائيات أى 10.2 فولت
بالتوفيق إن شاء الله

السلام عليكم أ/ ماجد .
انا كان عندي اقتراح لو انا استخدمت محولين واحد 12-0-12 6امبير ومحول تاني12 فولت صغير كام ملي امبير واستخدم المحول الكبير في اعطائي الفولت الاساسي واستخدم الثاني في v-6 حاسس ان كدة هيكون تكلفة ووزن المحول الكبير هتقل وانا اصلا عندي محول 12 فولت .

ثانيا : هل من الممكن لو كان الحل الاولاني صحيح اني استخدم 24-0-24 6 امبير علشان اخد منة فولت 48 فولت علشان اوصل في الدايرة الي قيم علية في الفولت

( انا هستخدم الpower supply دة علشان اجرب علية حاجات كتير وعاوز لو احتجت فولت اعلي من 24 يكون موجود علشان كدة قولت لية ماستخدمش فولت المحول بالكامل بس السؤال هل الدائرة هتستحمل لحد 48 فولت ولا لا . )

انت ادرى و الطريقة ممكنة و لكل محول دائرة تقويم خاصة به
ممكن لكن الدائرة لا تتحمل 48 فولت - الدائرة مكتوب عليها 35 فولت فقط
الدائرة تتحمل 35 فولت فقط

تمام بس ازاي انا اخذ 48 فولت واخلية 35 فولت ليكون مناسب مع الفولت الاقصي للدائرة ام ان حضرتك تري انة من الافضل ان اعمل عليها فولت 24 وخلاص

انا لا ارى شيئا فانت صاحب الحاجة وانت تقرر بناء على احتياجاتك
هناك من يحتاج من صفر إلى 48 فولت من مثبت جهد وهناك من يحتاج إلى من صفر إلى 15 فولت من مثبت ثم 18 ثم 24 ثم 36 ثم 48 وهكذا أى اعلى من حد معين تكون قيم ثابتة حسب الدوائر
بمعنى آخر لا يحتاج 17 فولت ولا 25 ولا 26 ولا 27 وهكذا
كل شخص أدرى باحتياجاته
هناك من يحتاج حتى 15 فولت من مثبت جهد أما مازاد عن ذلك فلريلاى أو غيرة والدقة غير مطلوبة

لو تريد دائرة من صفر إلى 100 فولت ستجد دوائر تعطيك ماتريد