إذا كنت تحب يا أستاذنا اعمل موضوع جديد بعنوان مثلا: " فكرة أساسية عن الدش و اﻹتصالات" ؟ و اكمل اسئلتي فيه؟

بصراحة فكرت أنى انقل ما يخص الدش لقيت الموضوع كله ما عدا كام مشاركة فى الأول فقط تخص الفوتو سيل
فلا بأس نكمل هنا

1- ما هو لإرسال المفتوح اللى ينطبق عليه قانون التربيع العكسى؟
2- ما معني ان الأرضى أيضا عرضه للشوشرة كتعديل اتساع؟ و ازاي التوجية يقلل كثيرا من احتمال الضوضاء؟
3- ارجو تشرحلي اكتر يا استاذنا الفقرة دي: "كون ان الإرسال يتعرض لظروف تقلل من جودته ، فهذا يعالج منذ زمن طويل بتقنية اسنها لبتحكم الذاتى فى الكسب
كلما زادت الإشارة تقلل الدوائر الكسب للمكبرات لتجنب التشبع و التشويه و العكس بالعكس".

لكى تفهم اللاسلكى و هذه النقاط انظر ما يحدث للضوء فكلاهما ذات الموجة الكهرو مغناطيسية و التردد مختلف و يشبه هوائى الإرسال باللمبه و المستقبل بالعين و ما تراه العين يستقبله الهوائى و استخدام العدسات و المرايا مقابل لعواكس الهوائيات و المجمعات
ارسال من مرسل لكل ما حوله مثل الإذاعة و التليفزيون الأرضى و خلافه أى ارسال غير موجه
هو مثل لمبة معلقة فى الهواء لإضاءة المحيط حولها كلما ابتعدت قلت شدة الإضاءة أما لو استخدمت كشاف فنتيجة تركيز الإضاءة بمرايا عاكسة تضيئ مساحة صغيرة على مسافة كبيرة لأن الضوء لم يتشتت
بالمثال السابق كشاف مسلط نحو شخص ينظر بمنظار (تليسكوب) طبيعى أن لا يرى سوى المرسل و أي شوشرة ضوئية أخرى غالبا لن يراها فالمرسل يركز إرساله فى زاوية ضيقة و المستقبل يركز رؤيته على زاوية أيضا ضيقة
هناك مكونات (صمامات الكترونية ثم ترانزيستورات ثم FET,MOSFET ) تصمم ليكون كسبها قابل للتحكم فيه بتغيير جهد الإنحياز و إن لم يتوافر ترانزيستور بهذه الخواص يمكن استخدام دائرة مكبر تفاضلى ذو الذيل الطويل مشروح هنا
http://www.qariya.info/vb/showthread...677#post343677
هذه الدوائر أو المكونات يزيد كسبها أو يقل بتغيير جهد انحياز على طرف فيها
لذا بعد تكبير الإشارة المستقبلة تقوم (توحد بثنائى) و يرشح التقويم لإشارة مطلوبة و قيمة للموجة الحاملة، هذه القيمة يجب أن تكون فى حدود تكبير الدوائر يعنى لو تستخدم بطارية 9 فولت يجب أن لا تزيد عن نصف القيمة حتى لا يدخل المكبر فى التشبع و القطع
فلو زاد هذا الفولت يوضع بحيث يقلل كسب المراحل السابقة لتبقى فى الحدود المقبولة و إن نقص ينقص الفولت و يزيد الكسب

1- و ايه معني الكسب و جهد اﻹنحياز؟ و ليه بقوم الموجة بعد تكبيرها وقبل فصل الموجة المعدلة عن الموجة الحاملة؟ و لية الموجة الحاملة لو جهدها بعد التكبير ازيد من نص جهد المصدر يدخل المكبر فئ التشبع؟

2- سؤال عن الشوشرة لو ان موجة ترددها اعلي من 12 جيجا بحيث ان قطع الLNB تعمل كهوائي و تمتصها ، طبعا مش هتتداخل الموجة دي مع الموجة اللي بيعمل بيها ال LNB بس لو ان الموجة دي قوية ممكن يكون شكل الموجة و ترردها العالي سبب في تسخين احد القطع او التأثير عليها بأي طريقة بحيث تتعطل عم القبام بوظيفتها؟

الكسب هو مقدار التكبير و جهد الإنحياز هو الفولت اللازم لتشغيل الترانزيستور غير جهد البطارية
دى مراحا أجهزة الإستقبال تحتاج لدراستها لتعرف السبب لكن ببساطة انت تكبر التردد حتى تصل لقيمة مقبولة ثم تقومه بالثنائى لتفصل الموجة الحاملة عن الإشارة المطلوبة
أنا لم اقل المصدر ولكنى قلت لو عندك مثلا بطارية 9 فولت لن تستطيع أن تكبر أعلى من نصفها لأن الموجة المترددة ستتراوح ما بين 4.5 فولت + نصف موجة و 4.5 - نصف موجة
نظريا صح لكن عمليا من أين ستحصل على هذا المصدر؟
هل ستأخذ مولد تردد بالجيجا و تركب فوق الطبق و تضعه فى LNB??

1-يعني الكسب في الترانزستور مش بس بيتحدد عن طريق اﻹشارة القادمة علي القاعدة لكن فيه جهد معين علي اطراف الترانزستور بيزود الكسب و الفرق بين الجهد ده و جهد البطارية يسمي جهد اﻹنحياز، كده انا فهمت صح؟

2- واحد صاحبي في العراق ما بيكدبش عليا حكالي ان فيه قناه بتبث من خارج البلاد حجبوها لعدة أشهر لكن القناة اتفقت مع شركة أجنبية حلتلهم المشكلة و اوقفت تأثير الشوشرة.

بعد فترة رجعت الشوشرة تاني بس ضعيفة مش زي اﻷول بتحجب القناة في بعض المناطق و تستمر عدة ساعات او ايام بالكتير و تبتدي تضعف

و فيه بعض افراد بتتحجب كل القنوات عنهم برضه عدة ساعات او ايام بالكتير و اجهزة الجيران لا تتأثر فانا قلت الحل الوحيد في الحالة دي ان موجة ترددها اعلي من التردد المصمم عليه الLNB بتتركز عليه من مسافة قريبة ليمتصها و تعطله بس بصراحة مش عارف ازاي بالظبط طبعا اكيد فيه مولد موجة ترددها عالي و طبق يعمل كعاكس و من مسافة قريبة و مش عارف اذا كان فيه اي عوائق تأثر ولا لا .

بس بحاول افهم ازاي اتغلب ملاك القناة علي الشوشرة، و ازاي بينجحوا في حجب القناة فترة بسيطة في بعض المناطق و بعدين الشوشرة تضعف، و ازاي بيحجبوا كل قنوتت جهاز واحد و اللي حواليه شغال و بعد شوية الشوشرة تضعف؟

لازم يكون المكون ذاته سواء ترانزيستور أو فيت أو مكبر عمليات أو أى شيء آخر من النوع ذو الكسب المتغير و إلا لن يجدى
هو ما بيكدبش لكن قد يكون مش فاهم أو الناس قالت له شيء غير دقيق أو يقصد قناة أرضية
وقت "المسمى ربيع عربى" كان هناك تشويش على بعض القنوات و كان على كل المستقبلين ولا يمكنك تحجب القناه عن واحد و جاره لأ
بص على الطبق، ستجده موجه لأعلى و LNB موجه لأسفل و فى بؤرة الطبق يعنى لو تحرك 2 سم لأعلى أو اسفل فى اتجاه محوره أو دار LNB حول محورة 10 درجات سيختفى الارسال كله
مش ممكن أجيب جهاز ارسال قوى و اطلع بيه على سطح منزل واوجهه نحو منزل مجاور عشان اشوشر عليه و جايز لا تصلح لإنعدام الزاوية المناسبة