الاخوة الكرام لدي عقدة من المكثفات السيراميكية اشلون اعرف قيمة هذة المكثفات كل مكثف امامو قيمتو لان احيانا لا اجد المكثف الي اريدو نفس الرقم ولذلك اريد اتعلم طريقة ايجاد بديل للمكثف على الاقل رقم مقارب الو وماذا يعني حرف n او J هل هي بالنانو او البيكو واشلون طريقة التحويل من النانو او البيكو الى المايكرو وبالعكس
4n1J
47nJ
1n5J
430nJ
684J
105J
430nJ
4n3J
473J
510J
102J
1N0J
471 / 1KV

بص يا سيدى
الميكرو فيه 1000 نانو
النانو فيه 1000 بيكو

و كل قيمه مكثف بيرمز اليها برقم

مثلا 100 نانو هتلاقى رقمه 104
يعنى المكثف الى رقمه 104 معناه انه 100 نانو

طيب ازاى نعرف قيمه المكثف من رقمه ؟؟

يعنى احيانا هتلاقى مكثف مكتوب عليه 473 او 474 او 103 او 392

بص يا عم عندنا اول مثل 473 الرقم 3 يرمز الى عدد الاصفار

يعنى تشيل ال 3 و تحط 3 اصفار هيبقى المكثف الى رقمه 473 هيبقى رقمه كده 47000
هتحط علامه عشريه بعد 3 اصفار هيبقى الرقم 47 يعنى المكثف الى رقمه 473 هيبقى قيمته 47 نانو لان الميكرو فيه 1000 نانو


مثال تانى
المكثف 104
معناه 10 + 4 اصفار

يعنى تشيل رقم 4 و تحط 4 اصفار \\\فيتحول المكثف الى رقمه 104 الى 10 و جنبها اربع اصفار يعنى كده 100000 حط علامه عشريه بعد 3 اصفار 100,000 او شيل ال ثلاثه اصفار الاول هيتبقى ليك رقم 100 يعنى 100 نانو


مثال ثالث
المكثف الى رقمه 392
شيل الرقم 2 و حط صفرين هيبقى 3900 حط علامه عشريه بعد 3 ارقام هيبقى 3,900 يعنى 3,9 نانو


طيب لو لقيت مكثف مكتوب عليه 151

ده معناه 15 و جنبها صفر واحد يعنى 150 يعنى 150 بيكو


المكثف 101 معناه 100 بيكو


و فيه تطبيق على الاندرويد سهل و جميل بيعمل تحويل لكل قيم المكثفات هتلاقيه في جوجل بلاى

و ده برنامج بسيط لحساب المكثف من خلال رقمه
http://up.top4top.net/downloadf-439hxylv1-rar.html

شكراأ الك استاذ emadhed شرح اكثر من رائع وضحت الفكرة ولكن بقي لدي استفسار الرمز n او j ماذا يعني يعني اريد من حضرتك اعطائي كم قيمة هذة المكثفات
4n1J
47nJ
1N0J

بص يا غالى الرمز J لا تشغل بالك بيه

اما الرمز N معناه نانو

يعنى 3N9
قيمتها 3 نانو و 9 من عشره

السلام عليكم
1- غالبا ما يتكون كود تحديد قيمة المكثف من أربعة خانات - الخانات الثلاثة الأولى من جهة اليسار لتحديد قيمة المكثف ، والخانة الرابعة تكون حرف لتحديد قيمة السماح وهى هنا الحرف j وتعنى أن السماح فى قيمة المكثف تساوى زائد أو ناقص 5% .
2- الخانات الثلاثة الخاصة بتحديد قيمة المكثف :
* إما أن تكون ثلاثة أرقام وعندئذ تكون قيمة المكثف بوحدات البيكو فاراد ويتم تحديد القيمة باستخدام الرقم الأول والثانى كما هما واستبدال الرقم الثالث بعدد مساوى من الأصفار
مثال : المكثف 102j قيمته 1000 بيكوفاراد بالقسمة على 1000 يمكن تحويل الوحدات إلى نانو أى يساوى 1n أى واحد نانو فاراد ، وقيمة السماح (الحرف j) خمسة فى المائة .
المكثف 105j قيمته 1000000 بيكوفاراد بالقسمة على 1000 تكون 1000نانو فاراد وبالقسمة على 1000 مرة أخرى تكون قيمتة واحد ميكروفاراد
المكثف 471 / 1kv قيمته 470بيكوفاراد ويتحمل جهد واحد كيلوفولت
وهكذا .................................
* * أما إذا احتوت الثلاثة خانات على حرف ورقمين فإن الوحدات تكون بدلالة هذا الحرف
مثال :
47n قيمته 47 نانو فاراد وللتحويل إلى ميكرو فاراد نقسم على 1000 فتكون 0.047 ميكروفاراد

بالمثل 470n قيمته 470 نانوفاراد أو 0.47 ميكروفاراد
* المكثف 4n1 هو نفسه المكثف 4.1n ولكن تم وضع حرف n محل العلامة العشرية لتوفير المساحة ووضعه فى الصورة القياسية أى ثلاثة خانات فقط
بالمثل المكثف 1n5 هو نفسه المكثف 1.5n

مع تمنياتى بدوام التوفيق

شكرا لكم على كل هذا العلم حقيقا شرح رائع ووافي اصبحت لدي فكرة واسعة

الف شكر ليكم وربنا يزيدكم علم و خبرة.

منور مشرفنا فهد

تعلمنا منكم الكثير جزاك الله كل خير