طب بالنسبه للاى سى اخى منا لما ركبته اشتغل بس بعد ما قفلت الجهاز مرضاش يشتغل ممكن يكون فيه حاجه تانيه هى السبب اللى بتخليه يضرب ويبوظ كده؟

اخى الفاضل fox2000 هل راجعت المكثفات بدائرة الفيرتكال التى بجوار ic vertical قم بمراجعتها جيدا قبل تغيير ال ic لان هذه المشكله كانت قد حدثت معى قبل ذلك فى جهاز توشيبا ايضا وكان السبب فى المكثف المجاور لل ic وكانت قيمته 100 ميكرو وقام بضرب ic vertical

بالفعل فيه مكثف 100 ميكرو 35 فولت بس سليم هو المكثف اللى بيكون بايظ مش بيعمل شورت ؟ وفيه مكثف تانى رقمه 306 وقيمته 2200 ميكرو 25 فولت دا عامل شورت بس مش باين انه منتفخ ولا بايظ

هل الاى سى TDA8177 ينفع بديل ل la78040

يا اخوانى الكرام انا اشتريت الاى سى الاصلى من التوكيل ب 55 جنيه وبصراحه خايف اركبه يتحرق زى اللى قبله وعملت فحص للمكثفات اللى حول الاى سى فرجاء حد يقولى اعمل ايه وايه اهم المكثفات اللى ممكن تحرقه واذا كان فيه مشكله ممكن اغير المكثفات دى حفاظا على الاى سى وشكرا

الايسى متوفر ب3 جنيه فى اى محل قطع غيار والمشكلة عند حضرتك فى اللحامات الخاصة بتغذية الايسى وتغير التالف من المكثفات وساعتها تركب الايسى وانت مطمان

الحمد لله تم اصلاح الجهاز بتغيير المكثف 308 وقيمته 100 ميكرو 35 قولت وتم تركيب الاى سى الاصلى من التوكيل واشتغل تمام واشكر كل الاخوه على مشاركتهم واتمنى من الله ان يضاف فى ميزان حسناتهم
وارجو ان تضاف هذه الى مكتبه الاشياء التى تم اصلاحها
كما ارجو من الاخوه عندنا المشاركه وخاصه اهل الخبره ان يسهبو فى الشرح ولا يبخلون علينا بشئ فهذا مفيد جدا وجزاهم الله خيرا