السلام عليكم ورحمة الله وبركاته
بعد اذن حضرتك يا باشمهندس احمد محمود
يعلم الله وحده كم انت كبير في نظري انت وكل الاخوه الموجودين هنا والبارزين في هذا المنتدي الجبار..
ولكن لي تعقيب
* ما حدش من بداية الموضوع ذكر كلمة (( جوكر))
* الكلام اللي انا قلته ده من واقع التجربه العملية
وانا حددت الاماكن اللي بيركب فيها
وطرحت اماكن فقط بعينها وهي اللي انا ركبتها .
ووالله علي ما اقول شهيد ..
دي الاماكن اللي انا ركبتها فيها عن تجربة واشتغل معايا وانا ممكن ان شاء الله ارفع ملف فيديو فيه اكتر من بورده راكب فيها الترانزيستور في اكتر من مكان والبورد كلها شغاله عادي وما فيهاش اي مشاكل.
* بالنسبه للمكثفات فانا ذكرت الاتي نصيا.
وطبعا بالنسبه للمكثفات
ممكن في حالة تعزر وجود رقم معين كما يسمية بعض التجار *رقم شاذ
ممكن نركب اعلي منه في الفولت ولكن بنفس المايكرو
بمعني اذا لم اجد 1500/6.3
ممكن اركب
1500/10


* معلومه اخيره .
طبعا لما باشوف لفظه مش كويسه او اهانه من شخص كبير زي مهندسين المنتدي العمالقه انا نفسي بازعل جدا.
يا ريت لو ها نختلف في مساله نفضا اصدقاء وحبايب في باقي المسائل.
بمعني :
اننا نتفق في 100 مسأله
وعلشان اختلفنا في مسأله واحده
نبقي ها نسب بعض ونغلط في بعض
طبعا مش منطقي.

في النهاية اقول
الاختلاف في الراي لا يفسد للود قضيه

الكلمه مش عيب علشان نستنكر منها...
واللفظ دارج بين مهندسي الصيانة وده اللي اتعلمته في الكليه وسمعته من كثير فنيين في المجال.
زي جوكر دوائر الصوت tda2002 & 2003 وجوكر دوائر التردد 555

لكن في مجال الكمبيوتر صعب اننا نقول جوكر لكل حاجه.
لكنها في الاول والاخر مش عيب.

زي ماقلت يا اسلام الاختلاف في الراي لا يفسد للود قضيه .
انا متابع مشاركاتك. وجزاك الله عنها كل الخير.
والي الامام دومآ.

وخليك عارف ان الكبير في أي مكان هو كبير بأخلاقه قبل علمه.
والأخ احمد محمود من عمالقة المنتدي... ومعروف طبعآ باخلاقه قبل علمه.

يا جماعة ليه الموضوع اتحول بالشكل ده؟؟؟؟؟
وفالآخر الموضوع يتوقف, حتى صاحب الموضوع ميجلوش نفس يكمل.
يريت نعرف فلآخر اننا كلنا اخواااااااات وبدون زعل من الحوار ده احنا عايزيين الكل يستفيد ويريت اللى عنده تجربة شخصيه او اى معلومة ميبخلش بيها على اخواته ويكون الحوار هادى ونقاش عادى.

شوف يا باشمهندس محمود
بارك الله فيك اولا
وفي صاحب الموضوع الاساسي
الحكايه ان لفظة جوكر فقط بعينها لم يذكرها احد من بداية الموضوع
وكان اول من ذكرها معلمي واستاذي الكبير المهندس احمد محمود
ده توضيح فقط مش اكتر وزي ما حضرتك قلت ده الكلام الشائع ومش عيبه ان حد يقول جوكر ..
مع الفرق
يعني انا مثلا من خلال خبرتي الضعيفه في الشاشات عرفت بعض ارقام انا شخصيا اعتبرها جووكر
زي مثلا موسفيت الشوبر انا شخصيا باستخدم BUZ90DF
كموسفيت جوكر
مع الفرق طبعا بين الشاشات والمازربورد




لا يختلف اثنان من ذوي العقول ان المهندس احمد محمود من اعظم عباقرة هذا المنتدي الجبار وهذه شهادة حق وانا شخصيا
يعلم الله كم استفدت من ردوده وتجاربه ومشاركاته الكثير
ومش معني كلامي الاول للمهندس احمد اني انا باقلل من قدره
فهو نجم في السماء لا تطوله ايادينا في الارض مهما علت.
ولكن انا بس باعتب عليه من عشمي فيه يعني مثلا لو انا كنت اخطأت كان ممكن يصحح لي كلامي ببساطه وباسلوب جميل . مش اكتر
وعلي الرغم من ذلك اقدم له كل اسفي علي صفحات المنتدي ان كنت قد اخطات فيه او في شخصه الكريم ..

طيب تعالوا نكمل الموضوع الاساسي.
وعمل شئ أفضل من عمل لاشئ...

حنبدأ بأول البدايل

أيسي الرام 9916H المنتشر في الجيجابايت و الجينكس.

انا عن نفسي جربت 15N03H واشتغل
و APM3055L بمجموعتها واشتغلت.
و 9115H واشتغل

وانا عن نفسي باعتبر 9115H جوكر... وجربته كبديل اوقات كتيره في دوائر الرام والباور (GB via 533) واشتغل بدون أدني مشاكل.

*
*
*
************************************************** ************
موسوعة عيوب الـ Motherboard - عيوب مزربورد متداولة
الموضوع يتكلم عن العيوب المتكررة و المنتشرة بين المزربوردات المختلفة
************************************
SLI BRIDGE توصيل 2 كارت شاشة علي البوردة.
الموضوع يتناول تقنية توصيل 2 كارت شاشة PCI EXpress او اكثر علي بوردة واحدة
************************************
طريقة فك وتركيب البايوس المعتمد علي القاعدة... الموضوع للمبتدئين
************************************
البـــوم صـــور
الموضوع يحنوي علي مجموعات من الصور التي تهم مهندسي الصيانة سواء ابتكارات
او ادوات او datasheet او صور نادرة. والمشاركة متاحه حتي للمبتدئين.
************************************
http://www.qariya.com/vb/showthread.php?t=36550
شرح بالصور: لكيفية قراءة المكثفات والمقاومات والملفات وباقي المكونات الالكترونية: للمبتدئين

************************************************** ************

اخى العزيز اسلام

اولا ارجو ان لا تغضب

ثانيا ارجوا ان لا تعتبر كلام م احمد هجوم عليك انما هو هجوم على معلومة
كنوع من الحرص على المعلومة وعلى من يعمل بها



فالاختلاف فى المنتدى ليس اختلاف شخصى وانما اختلاف حول معلومة
فمعظم اعضاء المنتدى يتعاملون من خلال صفحات المنتدى دون مقابلات شخصية

من ناحية اخرى

ارى ان الموضوع الهدف منه ليس ان يدخل كل عضو ليطرح بديل ويخرج
لا الهدف الاساسى هو طرح موضوع شامل عن كيفية توفير البديل
او قاعده تختار على اساسها البدائل

مثل ما فعل اخى م صلاح السيد حين قدم موضوعه

دائرة البروسيسور بين العلمى والعملى

فى تحديد طريقة اختيار للبديل

هذا هو الهدف من الموضوع المطروح

ففكره تقديم موضوع ليضع فيه الاعضاء تجاربهم تم تقديم موضوعات تختص بها

ا-هلاً ومرحباً بك اخى م/اسلام آفاق
تذكر ردى جيدا وهو الاعتراض على كلمة موسفت يعمل فى دائرة
البروسيسور - الرامات - الفيجا - كما تقول
وهل يعقل ان الموسفت npn يكون بديل pnp ؟؟؟؟
لا استنكر تجربتك ولكننى قولت لك انها قصيرة... وانما كلامى موجة الى الاخ الذى يبيع الموسفت فى المول على انه جوكر ويقول بالفعل هذا الموسفت جوكر يعمل على الماذربورد بأكملها .....دة كلام صحيح ويعقل ؟؟؟ وصفت هذا الشخص بالعبط لان هذا الكلام غير معقول بدون تجارب انما انت اخى العذيز لك تجربتك التى نجحت معك بعض الاوقات
وانا اختلف واعترض ليس معك او مع تجربتك انت انما مع المفهوم الخاطئ والذى قد يؤدى الى كارثة وهى انتشار علم خطأ على لسان من يمارس فى المجال
انت انسان ذوق ومحترم وردودك دليل على فخامة احترامك
ولك منى تحياتى

ان شاء الله مفيش خلاف وان وجد يبقا على المعلومه نفسها وده اللى احنا عاوزينه كلنا نشارك ببعض من خبرتنا فى حدود الموضوع اللى من اجله وان شاء الله هيستفاد منه الكثير منا

الموضوع هدفه ان كل من لديه خبره او معلومه فى نقطه البدائل من بدائل او طرق اختيارها وضعها بالموضوع وده اللى احنا هنسعى له كلنا ان شاء الله والموضوع مفتوح وانا متابعه مش نسيه ومش هيتقفل ان شاء الله لحد منوصل اللى الناس طلباه ومحتجاه وهيفدها بعون الله ومساعدتكم