واحنا بنستخدم قانون ايجاد الشحنه خد بالك انك يا بتشتغل علي معادلة الاكسده او الاختزال وهي يا قيم الاكسجين او قيم الهيدروجين وهتكتشف ان النواتج واحده في الاخر
Q=n(H2).Z(H2).F
الشحنه الكهربائية بالكولوم (عند الهيدروجين / الاختزال ) = عدد المولات 2 ضرب عدد الاليكترونات 2 ضرب 96500 = 393560.29 كولوم
الشحنه الكهربائية= 393560.29 كولوم
كمية الكهرباء بالجول Energy = Charge x Voltage
فاكرين من المعادلة الاكسده والاختزال طلع فرق الجهد يساوي 1.22 فولت ده جهد التحليل

( جهد التكسير العكسي للماء ) وده اقل الجهد مطلوب لتحليل الماء كهربائيا لكن فرط الجهد يتطلب جهدا اعلي في حدود 2 فولت
Energy = Charge x Voltage الشغل الكهربي = كمية الاكهرباء x القوي الدافعة الكهربائية
كمية الكهرباء بالجول = الشحنه الكهربائية( 393560.29 ) كولوم X فولت 1.22
كمية الكهرباء بالجول =480143.56 جول
عشان احول من جول الي كليو وات الوحده المستخدمة عندما ندفع فاتورة الكهرباء اضرب بالرقم 277777.7778
الشحنه الكهربائية بالكيلو وات / الساعة = كمية الكهرباء بالجول480143.56 جول X 277777.7778 =
الشحنه الكهربائية بالكيلو وات / الساعة = 1.33 X مضروب في 10^ اس (11)
الشحنه الكهربائية بالوات / الساعة = الشحنه الكهربائية بالكيلو وات / الساعة ضرب 1000

الشحنه الكهربائية بالوات / الساعة = 1.33 X مضروب في 10^ اس (14)
بعد معرفتنا بقيمة الشحنه نتعرض لقانون اخر وهو
Q = I . T
I = شدة التيار الكهربي بالامبير
T = الزمن بالثانيه
الان انت هتحدد هل نثبت التيار ولا نثبت الزمن عشان نعوض بالقانون

عرفنا الان ان كل حاجه بتسمع في اللي بعدها
الجميل بالموضوع انك لو وضعت كل المعادلات دي بملف اكسل وابتديت تغير في قيمة الكتله فيتغير عدد المولات بفالتركيز هيتغير فالشحنه هتتغير فعامل الوقت والتيار هيتغيروا لمجرد انك غير تركيز المحلول
الموضوع شيق واجمل ما فيه المعرفه مع العلم اني غير متخصص انا واحد حبيت افهم ودرست الموضوع من خلاال اسئله برأسي دورت علي اجابات لها ووفقني الله وحبيت اشارككم التجربة واتصدق بالمعلومات فارجو منكم المشاركه ومتعة التجربه.

استخدموا برنامج Crocodile Chemistry 605 ده برنامج محاكاه للواقع هتتعرف علي المعادلة الموزونه للماده اللي هتختارها وهتعرف فرق الجهد اللازم للتحليل الكهربي ومعادلة الاكسده والاختزال وبعض الخصائص الفيزيائيه مثل PH ودرجة الحرارة وغيرها من الامور اللي هتوضحلك اشياء كتيره لحد ما هتعرف ايه الماده الافضل للتفاعل
مش لازم تكون خبير بالكيمياء بعض الاساسيات بالكيمياء الكهربائية هتوصح لك امور كتيرة عظيمه وهتجاوب علي اسئله كتيرة

نرجع لسؤال قديم ايهما افضل نثبت التيار ولا نثبت الجهد؟
وكمان خدوا بالكم ان الحسابات دي كلها لصفيحتين من الاستلس وفرق الجهد بنهم مش كل الخليه يعني انت من البدايه بتعرف بالمعلومات اللي فاتت تحدد عدد الاقطاب الموجبه والسالبه بعد ما بتعرف قيمة فرق الجهد والتيار
و نرجع لسؤال قديم كمان ايهما افضل التيار المستمر ولا المتردد (المتناوب ) ؟
والسؤال الاخير انت عاوز الغازين مخطلطين ولا منفصلين ؟
ايه هو حجم الغاز المتصاعد للخليطين ؟
طب حجم غاز الهيدروجين فقط ؟ او الاكسجين فقط ؟
وقوه المحلول اللي انا عاملته ايه؟
ايه هو ثابت الخليه ؟
واخيرا المقاومه ؟ وتشمل مقاومة المحلول ولا مقاومة السلك ولا الاتنين معا ؟
كل ده هنتعرف عليه بالايام القادمة شاركونا وتصدقوا علينا من معلوماتكم افادكم الله

بسم الله الرحمن الرحيم

تحية احترام للجميع؟

السيد الفاضلislam.elfeqy المحترم .

* الف شكر للمعلومات الوارده في مشاركاتكم اعلاه ؟؟

*بسم الله الرحمن الرحيم

((وَإِذْ قَالَ إِبْرَاهِيمُ رَبِّ أَرِنِي كَيْفَ تُحْيِي الْمَوْتَىٰ ۖ قَالَ أَوَلَمْ تُؤْمِنْ ۖ قَالَ بَلَىٰ وَلَٰكِنْ لِيَطْمَئِنَّ قَلْبِي ۖ قَالَ فَخُذْ أَرْبَعَةً مِنَ الطَّيْرِ فَصُرْهُنَّ إِلَيْكَ ثُمَّ اجْعَلْ عَلَىٰ كُلِّ جَبَلٍ مِنْهُنَّ جُزْءًا ثُمَّ ادْعُهُنَّ يَأْتِينَكَ سَعْيًا ۚ وَاعْلَمْ أَنَّ اللَّهَ عَزِيزٌ حَكِيمٌ))

صدق الله العظيم

الرجاءفصلا لا امرا (بالنسه لي) انا مللت الارقام والمعادلات والبرامج المحاكات(simulation program) والنت مليات ؟؟

بسم الله الرحمن الرحيم
((وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ ۖ وَسَتُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ))
صدق الله العطيم

اذا كانت عندك تجارب عمليه سواء مختبريه او ميدانيه يمكنك تعزيز ما اوردت من معلومات اعلاه
وتسندها بالواقع العملي تكون افدتنا مشكورا؟

والله اعلم

والقادم احسن بعوته تعالى والخيرين من امثالكم


ابو احمد

انا ابتديت الموضوع ده من اربع سنوات ولي تجارب كتيرة سواء من ناحيه ترتيب الاقطاب والتوصيلتوالي ولا توازي او فصل الغازين او الدوائر الالكترونيه المستخدمة وكنت اتابع حضراتكم وغيركم من الاماكن وكنت اجرب واشتر ي واحرق واخرب واكسر وافرقع وكمان كنت بسجل كل ده وعندي فديوهات لا باس بها وتعلمت في النهايه امر مهم
وهو اني اتعلم الاول وبعدين اجرب المعلومه صح وبخطوات صح يا اما تخرج نفس النتائج او نتائج اقرب للحسابات او نتائج اخري وده عصب الموضوع ايهما اصح
هاخد كلمة لالبرت أينشتاين ( التجربة هي المصدر الوحيد للمعرفه ) بس التجربة المبنيه علي علم مش اجرب وبعدين افهم
دي وجهة نظري افهم الاول وبعدين اجرب وانقل تجربتي كما هي عشان غيري يني عليها مش اعطيه التجربه وبعدها اخليه يضرب اخماس في اسداس
التجربه علي اساس علمي افضل من التجربه بالمحاوله والخطا
ذي الفرق بين المقاول والمهندس كلهم يقدروا يبنوا عمائر بس ايهما اقل كلفه واكثر متانه واوفر بالوقت ده عصب الموضوع
وان كنت حضرتك متوفر لديك هذه المعلومات اتركها لغيرك وان قدرت اضيف لحضرتك معلومه يبقي شئ يشرفني
واشكر مشاركة حضرتك وتعليقك فهذا يضيف لنا شرفا

بسم الله الرحمن الرحيم


تحية احترام


* تقبل اعتذاري ان كنت استعجلت الامر ..

*ولكن الطبيعه البشريه تريد النظر للبرهان وهو عمل التجارب الناجحه(كونك عارف وملم بالامر) وبعدها تنور لهم الطريق بمعرفتك وتجاربك الاخرى للوصول للنتائج المرضيه؟


* ولكي لا يبقى الامر سجال بيننا؟؟؟ انتظر لحين الوصول للتجاربه العمليه المطابقه للحسابات النظريه وبرامج المحاكات...؟؟ وان غدا لناظره قريب؟

والقادم احسن بعون الله والخيرين من امثالكم؟


ابو احمد

مفيش بيننا اي اعتذار
نختلف في الطرح بس الهدف واحد
وانا عن تجربه مكنتش اعرف حتي ايه المواد العلميه اللي ابحث فيها لان الموضوع كما تعلم متشعب جدا وما وجدتش الموضوع مرتب ولا منسق في مكان واحد فكل ما توصلت ايه من كتب علميه وليست مجرد بحث بالانترنت وكلمتين وخلاص
الكيمياء علي سبيل المثال انا ذاكرت كيمياء علي مدار اسبوعين من كتاب مكون من جزئين مجموع صفحاته 1000 صفحة منهج يدرس بجامعة ام القري
وبعدها سالت نفسي لو حبيت استخرج حاجه تانيه غير الهيدروجين مثلا عاوز اوسكجين ويكون بخاخ بالجو او نيتروجين لعجل السيارة او او او يبقي الموضوع متوقف عليه وعلي رغبتي مع العلم انها نفس الخطوات بس التغير بسيط
والامثله كتير وانا مقدر شغف بعض الاخوه بس مش العبره بنجاح التجربه العبره فيما بعد نجاح التجربه وهو تطويرها ومدي الاستفاده منها
اسف علي الاطاله

أخي الكريم أنا لست ضليع بالكهرباء وهناك اساتذة بالقريه قد يفيدو أكثر مني
ولكن من خلال تجاربي أتكلم
ان التحليل الكيميائي يتطلب مصعد و مهبط وهذا لا يتحقق بالتيار المتناوب لان يتبدل الاقطاب بمقدار تواتر التيار الكهربائي المتناوب
أما بالنسبه لفصل الذرتين عن بعضهم ( الاوكسجين والهيدروجين ) فيتم من خلال طريقة تحليل مختلفة عن مبدا الصفائح المتقاربه حيث يتم فص المصعد عن المهبط فينطلق الهيدروجين على المهبط والاكسجين على المصعد فيتم تجميع كل غاز على حدا من خلال التيار المستمر ايضا

اسف للاطاله مع انتظار تكملة الموضوع الرائع المفيد وان كان هناك خطأ في معلوماتي ارجو تصحيحها

زادك الله من علمه