لم يصلنى رد اخوتى
ولم ارى الاخ العزيز حمو حشيش وحبيب الكل حافظ السويد لم يشلركو معنا أتمنى يكون المانع خير تحياتى لكم جميعا

الزميل العزيز
غيير ترانسيستور Q403 وتاكد من صلاحية الزينر DZ402 33V
اما المقاومتين R423 و R424 مجموعهم 0.68 اوم اى الواحده منهم =0.33 اوم
تاكد من صلاحية الملف L401 وL402 و C414 و C419
هل هذا هو الشاسيه اللى عندك

وهذا رابط المخطط

شكرا جزيلا اخى العزيز مهندس نبيل على مجهودك الرائع معى
انا قمت بفحص الملفين وجدتهم سالمين وغيرت المكثف 419 وقمت بقياس مكثف البفه 414 على وضع 200 نانو فى الافوميتر فوجدت الافو يفصل وهذا جعلنى اشك انه تالف او قيمته اكثر من 200 نانو لان عليه رقمين احترت فيهم الرقم الاول من اعلى 564J ورقم تحته هو MPP 845 فهل هو تالف اخى ولا قيمته فعلا اكتر من 200 نانو
ارجو الافاده اخى العزيز
وتحياتى لك وكل اخوتى مهندسى الموقع

الزميل العزيز
المقاومتان r423 و r424 قيمة كل واحده 2.4 اوم طبقا لهذا المخطط
واعتقد انه مطابق للشاسيه اللى عندك واوضح فى الطباعه
بالنسبه للبفه اكبر من200 نانو .....غيير الترانسيستور Q403 وافحص الزينر

اخى العزيز مهندس نبيل
تحياتى لك من قلبى وكل مهندسى الموقع
انا غيرت Q403 والمقامتين وتأكدت من الزينر بل غيرته ولكن المقاومتين سخنو كتير بس بدون دخان وكذلك سخن معهم الترانزستور سخن كتير لدرجه لا تتحملها باصبعك على المبرد وكان الفولت قبل المقاومتين 24 وبعد المقاومتين 21 وهم كذلك على طرفى الترانزستور 21 فولت
قلت افصل الخط الواصل من طرف الترانزستور المتصل بآيسى الراسى واشوف وفصلته فعلا فوجدت الفولت ارتفع الى 90 فولت وهذا شئ غريب كما ان المقاومتين والترانزستور لم يسخنو نهائيا
خفت على الايسى الكبير لأنه متصل بطرف المقاومه التانيه من ناحية الترانزستور ففصلت الكهرباء
وقمت بفصل الطرف الواصل للآيسى الكبير وشغلت فسمعت صوت عالى جدا خارج من لد الضغط العالى ( الذى يصل الى الشاشه ) ثم بدأ يتقطع وبدأ يحدث شرز فى بداية دائرة الباور بين اطراف الملف الرباعى فى مدخل الكهرباء ففصلت وجربت تانى حدث نفس الشئ خفت على تلف الشاسيه فوصلت كل شئ كما كان ورجع الوضع مثل الاول
ملحوظه انا اجرب الشاسيه بدون شاشه وانا شاكك فى ايسى الراسى رغم انه لا يوجد فيه شورت خالص ولا يسخن
ماذا افعل
تحياتى لك اخى العزيز وكل زملائى الكرام

منتظر ردكم اخوتى وأتمنى أن أجد حلا لهذا اللغذ الغامض
تقبلو تحياتى

الزميل العزيز
هل تعلم ان من الاخطاء الكبيرة فصل جهد مثلا ال110 والتجريب على ال220 فولت
بدون ما اوصل حمل اخر مثلا لمبه 100 وات الحم طرفيها واحد مع الارضى والاخر مع طرف
ال110 فولت ....اذا فصلت اى مكون يجب التجريب اولا على السيريا
افصل المقاومه r409 وجرب على السيريا وركب الشاشه واخبرنى بقياس الجهود الخارجه
من الشوبر

شكرا لك اخى الحبيب مهندس نبيل
انا دايما اجرب على السريا يا اخى
اما عن تجربة الوضع على الشاشه فانا لم اخلص من مشكلة الترانزستور Q403 ولا المقاومتين حتى اجرب على الشاشه وكمان الشاشه عند صاحبها لاننى فكيت الجهاز عنده لانه صديق وسكنه بعيد وصعب كان نقل الجهاز كله
كمان اعتقد لو جربت على الشاشه لما خرج من الشاشيه صوت ضغط عالى من اللد صوته عالى جدا يدل على جهد مضاعف لو فى الشاشه كان ممكن تتلف ويحصل به سبارك
المهم محتاج حل فى مشكلة سخونة الترانزستور والمقاومتين والفولت الواصل منهم على زينر ال 33 المتصل بايسى الراسى هو 20 فولت فقط مش 33 كما يجب ان يكون مع العلم اننى فصلت طرف الايسى المتصل بموجب الزينر ولكن الفولت ظل كما هو
اتمنى اجد حلا لهذا الجهاز لانه استهلك وقت وجهد كبييييييييييييييير منى والحمد لله
تقبل تحياتى اخى العزيز وكل زملائى فى الموقع