يمنع منعا باتا و هذا تحزير حقن البور او القفلة كما يسميه التقنين يعتبر من اخطر الاسباب التى اتؤدى الى تدمير المازر بورد حتى لو جربت و سلمت مع حالة لن تسلم مع كل الحلات

ينصح باتباع الخطوات المتعارف عليها للتعامل مع العطل افحص سوكت البو ثم موسفت البروسيسور و الترانزيستورات الموجودة بالفورنت بنل و اى سى الانبوت و الاوت بوت و انصحك ان تمر عليها بالهوت اى حتى تجدد لحامتها و لا تحركها او فكها جدد لحماتها بهواء خفيف و حرارة متوسطه حتى يلمع القصديم ثم توقف بدون فلاكس كثيرا ما تنكسر لحمات هذه الاى سى و تفصل البردة ايضا راجع موسفت الشيب و ابحث عن فتح فى دائرة بور البروسيسور اذا شككت فى البيوس اخلعها و اجعل البرده تعمل بور بدون متدى داتا لو اشتغلت عيد شحنها ايضا تاكد من عدم وجود اى سوائل او املاح او شوائب بالبردة

لتفحص موسفت بشكل سليم يفضل خلعه وفصحه ثم تركيبه لدقة القياس نفس الامر بالنسبة للمكثفات الكبيرة المحيط بالبروسيسور

اخيرا انصحك بالتانى و لا تتسرع بخطوة تدمر البرده كلها و استخدم التيستر فى مشاكل الداتا و ليس البور

ياباشمهندس
مع احترامي الشديد لشخص سعادتك الوقور
ممكن ادلي بدلوي في الحكاية دي واوضح نقطه يمكن التبس عليك فهمها .
الكلام طبعا مش علي الاطلاق
وحكاية ان الكوبري دي غلط مش صحيحه
انما هي علاج موضعي كما يقولون
يعني علي سبيل المثال
امسك النهارده حضرتك بورده شغاله واكسر ترانزيستور صغير أو مقاومة ومكثف من المجاور للفرونت بانل
وشوف سعادتك هل بتشتغل من الزرار ولا لا؟؟
طبعا لو البورده انا كسرت منها دول او اتلفت منهم حاجه
وانت راجل بقي مهندس كبير ها تعمل ايه ؟؟؟؟
يمكن تبدا تشوف الكريستاله ها تشتغل من الكريستاله تروح تغيرها
وبرضو ما تشتغلش من الفرونت بانل
تروح تغير الايتي وبرضو ما تشتغلش
صح لغاية كده
تروح تغير نص البورده
ويمكن تقول ان العطل في حاجه تاني
ساعتها بقي افضل حل حاجه من اتنين :::
يا اما تشتغل بالطريقة التقليدية وهي انك تفحص منطقة الفرونت بانل وتتاكد منها ولو عثرت علي حاجه تالفه تغيرها
وكده يبقي عداك العيب ونص
يا اما تعمل زي الناس ما بتعمل وزي مانا بنفسي باعمل لما ما ابقاش فاضي اني اغير وادور واتعب نفسي
اروح اعمل الكوبري ده

وبعدين مين قال انه بياثر علي مكونات تاني
اسمحلي الكلام ده يمكن كلام النظري وكلام النظري يغفل اشياء كتييييير تتحقق في الواقع.
انا عامل الحكاية دي في اكتر من 20 بورده وربنا اعلم ومع ذلك الكلام ده يمكن من سنه ونص او اكتر ومع اختلاف الموديلات ما فيش ولا واحده رجعت لي تاني مع ان المنطقه بتاعتي انا الوحيد في المركز باشتغل هاردوير ..........

بعدين نيجي بقي لنقطه تاني
وهي نقطة كارت التيستر في حالة مشكلة الباور::
تما الكلامك لما يبقي البورده قاطعه باور ولا نافعها لا قفلة ولا غيره ولا كريستاله يبقي ايه لزمة التستر
ولكن يا باشمهندس يا كبير البورده معاه بتفتح ياباشا ...
المفروض اني اعرف هي واقفة فين ....ولا ايه؟؟


وطبعا الكلام معروض علي اهل الخبرة والاختصاص.
واللي شايف اني انا غلطان يراجعني
يعني خيركم من أهدي الي عيوبي

والسلام عليكم ورحمة الله وبركاته

بتعمل مشاكل واكيد مفيش بوردة على صفحة النت تثبت ذلك لكن ممكن الاخوة فى المنتدى اصحاب التجارب ترد عليك وتصحح خطأك

التيستر لا فأدة لهو فى عطل الباور حتى لو هتعمل قفلة ملوش فائدة الكواد التى تنتج منة لافادة منها
اخى اسلام انا بصحح رد لك ولا احب ان تاخذ كلامى من باب الهجوم لكننى احب اضيف الى ردك ما يتناقس من معلومة او اعطى لهو صلب الرد انت اخ لى
وبارك الله فيك على سعة صدرك فى المناقشة

كده الموضوع هيحول إلى منازعات شخصيا

________________________


انا رأيى لو البورده مش عايزه تشتغل بالطريقه التقليديه والفنى

مارس جهدا غير عاديا لتشغيلها طبيعيا ولم تجدى المحاولات لاحتمال

لاين يصعب فحصه او south bridge مش عامل كونيكت للفرونت

انا شايف انه ممكن يستعمل الطريقة البديله دى افضل من ( رميها ) او تاخد مجهود وشغل وتكلفه اكتر من حجمها
وان ثبت فعلا انها تعمل بكفاءة لدى العميل بهذا الكوبرى فلا داعى للجدال اللذى لا يصب الى نتيجة او فكره اخرى او حل حازم بعد الحلول المعروفه
__________________________________

تعليق بسيط للاخ اسلام

هل فحصت جيد الايسى الخاص بالفرونت او غيرته؟؟

ايضا هناك مجموعة ترانستورات فلات اعلى الفرونت هل قمت باختبارهم ؟

___________________

تحياتى

بصراحة أعتقد أن الفنى ياإما يكون على علم ياإما يفضها أحسن
وأرجو أن يفهم الجميع كلامى جيدا بلا حساسيات أو تأويل
فأنا أختلف مع أخى إسلام فيما طرحة من حلول لأنة المفروض أننا كمتمرسين أن نحل حلول جذرية وليست مؤقتة أو موضعية وأحيي أخونا رامى على أسلوبة العلمى المرتب الدقيق وأخى أحمد على أخلاقة العالية وسعة صدرة ونحن هنا جميعا لنتعلم من أخطائنا ونستفيد من خبرات من هم أعلم منا
وليس هناك من يعلم كل شىء وفوق كل ذى علم عليم
دمتم بود
أخوكم د/محمد حجاج

السلام عليكم ورحمة الله وبركاته
بارك الله فيكم جميعا
وجزاكم الله خيرا
فعلا :
خيركم من أهدي إليّ عيوبي

مع إحترامى لجميع الاخوه اللى هما أساتذتى الأستاذ احمد محمود والأستاذ إسلام والأستاذ رامى انا معاكم إن فى منهج علمى لازم الواحد يمشى عليه بس مع الأستاذ اسلام كمان ان فى حلول غير تقليديه ربما لا تتفق مع المنهج العلمى ولكنها فى الآخر أدت الغرض منها وحلت المشكله وكمان من المعروف أن لكل قاعده شواذ وفى إعتقادى ومع إحترامى لجميع الأخوه أنه لا يوجد أحد يعرف كل شئ فى بورده الكمبيوتر- لأنه لا يستطيع أن يرى الكهرباء والالكترونات ولا يدرى ما تفعله بالظبط بالمكونات الاكترونيه - والا ما كان إعترضه عطل ما ولم ينجح فى حله وأتحدى أى شخص يقول انه يقوم بحل كل الاعطال الذى تقابله بنسبة 100% هذه النسبه لا يصل اليها أى بشرى مهما كان مركزه أو علمه او درجته العلميه فى أى مجال من المجالات سواء الصيانه أو غيره لانها درجة الكمال وهى تخص الله سبحانه وتعالى فقط ولا تصلح لنا لاننا بشر والبشر مخلوقات ناقصه فى كل شئ

كنت أسأل دكتور الفيزياء أيام الدراسه كيف توصلتم الى الذرات والالكترونات والبروتونات والسحابه الالكترونيه وغيرها هل رأيتموها بعينكم فكان يجيبنى بانها إستنتاجات والإستنتاج يحنمل الخطأ


وأخيرا المثل يقول إسأل العليل ولا تسأل الطبيب

تحياتى لكم جميعا على هذه المناقشه التى تهدف الى الاثراء بالعلم

اريد ان اقول جمله موجزة فيما تم طرحه بالموضوع
كما يقولون لكل شيخ طريقته
نعم اتفق ان هناك منهج علمى وعملى ايضا نعمل به جميعا
ولكن انا لا اتفق مع من يمنع عمل الواصلات الخارجية بالماذر بورد

فرضا ان ماذر بورد بها عطل فى ال ps2 وقمت بجميع محاولاتك لم يصل ال 5v الى ال ps2
السؤال المطروح هنا

نقوم برمى الماذر بورد ام ناخذ 5v من سوكت البور .................

مثال اخر
ماذر بورد تفتقدت 3.3 فولت لدائرة الرام وقمت بمحاولاتك ولكن باءت بالفشل
اقوم برمى الماذر بورد ام اخذ وصله 3.3 فولت لتعمل الماذر

مع العلم هناك العديد من الماذر بورد التى تعمل بالكبارى وتعمل جيدا دون اى مشكلة
انا اتفق انه ليس فى كل الحالات وليس مع كل الدوائر يصح عمل الكبارى
ولكن يجب على الفنى ان يكون بعلم للدوائر جيدا
وينصح بعدم الاستعجال او ان تستسهل وتقم بعمله يجب عليك اتخاذ خطواتك لصيانة العطل