جزاك الله خيرا يا اخ مدحت و بعد اذنك استفساريت ساذجين

الان لو عندنا بطاريتين 12 فولت , لو وصلنا موجب فى سالب يكون اجمالى الفولت 24 و لو وصلنا موجب فى موجب يكون الاجمالى 12 و نفس الكلام على الخليه الشمسيه يعنى الخليه بتعطى 0.5 لو وصلنا 100 خليه موجب فى سالب حتعطى اجمالى 50 فولت , فا لو الكلام الى انا بقوله ده صح فهل عادى انى اطلع من الخلايا 50 فولت و اشحن بيهم بطاريات 24 فولت ولا لازم اظبط توصيل الخلايا بحيث اقصى حاجه تطلع منها 24 ؟؟

- و سؤال اخر بخصوص الوات بعد اذنك , هل يعامل نفس معامله الفولت ؟ بمعنى لو الخليه بطلع 4وات و عندى 100 خليه ده يعنى 400 وات و لو سئلنا نفس السؤال الى فات هنا ان هل 400 وات يدخلوا على البطاريه عادى ولا لازم يتظبط على قيمه معينه فى بطاريه 24 فولت

معلش يا باشا على الاسئله الكتير بس عندى سؤال اخر يلح على ظهر من موضوع الشحن مره و نصف ذياده و هو

الان البطاريه لو عمق الشحن الخاص بها كما فى مصال حضرتك كان 75%

بفرض انه تم استهلاك ال 75% بالفعل فا الاستهلاك الذياده عن كدا حيكون ضار للبطاريه فهل الانفرتر بيتم ظبطه ليقوم بفصل ضخ التيار الى الاجهزه عند النسبه ديه ولا ده له جهاز اخر ؟

أخي الكريم
السعة التخزينية أي الشحنات الكهربائية في البطاريات المذكورة تكون أكبر من البطاريات الأخري ولكن فرق الجهد في كليهما يعمل بنفس الطريقة أي عند انخفاض الجهد عن حد معين يبدأ الشحن الأتوماتيكي للبطارية أما في حالة سحب الطاقة من البطارية عن طريق الانفرتر فله حد أدني للجهد أيضا

اشكرك ,,,
طيب بخصوص الاسئله ديه اتمنى الرد عليها و خصوصا الى متعلم بالازرق

أخي الكريم

الألواح اللي انا مصنعها كل لوح يعطي من 17 إلي 18 فولت وذلك من أجل شحن بطارية 12 فولت والعالم كله شغال بنفس الطريقة لسبب مهم هو أن الجهد المفترض للشحن يجب الا يقل عن 14.5 فولت في حالة زيادة الجهد عن تلك القيمة من أجل الأمان فقط في حال غياب الشمس يوم شتاء أو ما شابه

للحصول علي 18 فولت يجب ان يكون لديك 36 لوح طاقة شمسية متصلة علي التوالي ولو كان كل لوح صغير يعطي نصف فولت وشدة تيار 4 امبير مثلا يكون فرق الجهد الذي سنحصل عليه 18 فولت وشدة التيار الاجمالية للوح 4 أمبير وستكون قدرة اللوح هي حاصل ضرب فرق الجهد في شدة التيار يعني 18×4 = 72 واط

طيب لو عاوزين نوصل لوحين 18 فولت و 4 امبير علي التوازي

سنحصل علي 18 فولت وشدة تيار مضاعفة يعني 8 أمبير ( موجب مع موجب وسالب مع سالب)


أرجو ان تكون المعلومات وصلت

تفضلو بقبول فائق الاحترام

جزاك الله خيرا اخ مدحت , كفيت و وفيت فى شرح محترم و سهل ,,, انا اسمى ايمن او ابو اياد كما يحلو لك .. باذن الرحمن نتقابل لما حضرتك ترجع ارض الوطن و اكون انا كمان رجعت ,,
عندى سؤال اخر صغير بخصوص ما سبق حتى اكون هضمت هذا الجزء تماما و بعده سوف اقوم بمراجعه الموضوع من اوله مره اخرى لتربيط النقاط ببعضها

حضرتك قولت ان احنا محتاجين من 17 الى 18 فولت لشحن البطاريه 12 فولت علشان نضمن الحد الادنى 14.5 , ديه جزئيه اتفهمت تماما

فقط الاستفسار البسيط لو البطاريه كانت 24 فولت مره واحده هل سوف احتاج فى حدود 36 فولت قادم من الالواح ؟؟ حتى اضمن حد ادنى 29 ام فقط شغلى حيكون على 14.5 حد ادنى ايا كانت البطاريه

أهلا بك اخ أيمن

جهد شحن أي بطارية يتراوح من 10% إلي 25 % زيادة عن جهدها الطبيعي

كل بطارية لها مواصفات في الشحن حسب الشركة التي قامت بتصنيعها ويجب مراجعة الشركة او موقعها علي النت لتعرف قيمة جهد الشحن

يعني البطارية 24 فولت ممكن يكون جهد شحنها 28 فولت


تفضلو بقبول فائق الاحترام

بارك اللة فيك استاذ مدحت---هذا الموضوع ممتع وثرى بكمية المعلومات المفيدة لذلك لا يسعنى الا ان ادعو لك بان يكون هذا العمل فى ميزان حسناتك