بارك الله فيكم على الاهتمام

السلام عليكم ياشباب - لقد قمت بتوصيل السخان بمحول (3) فولت (300) مللى امبير - وبالفعل قام بادئ الشرارة بالعمل وتوهجت الشعلة واصبح الماء ساخن بشكل مناسب ولكن - استمر بادئ الشرارة بالعمل بدون توقف على عكس الحجارة اللتى تقوم بدور سليم - فما العمل وشكرا

والله يا اخى الفاضل انا اعتقد ان السخان تماااااااااااام...
المشكلة كلها فى عملية تظبيط درجة حرارة المياه...
وعلى فكرة....
اكيد الباشمهندس طارق يقصد فدرة المحول تكون 1.5 فولت مش 1.5 امبير.

انتا خلطت بين وحدتين قياس
اولاً القدرة وتقاس بالوات
ثانياً شدة التيار وتقاس بالامبير
ثالثاً فرق الجهد ويقاس بالفولت

والقانون الذي يحكمها
الوات = امبير * فولت

وقصدي ان المحول يخرج فرق جهد 1.5 فولت بشدة تيار لا تقل عن 1.5 امبير ليعطي قدرة كلية 2.25 وات

الحقيقة يابشمهندس طارق المقصود بكلامى انك كنت تقصد ان خرج محول الكهرباء يكون 1.5 فولت زى نفس خرج حجر البطارية...لكن بصراحة انا لا اعتقد ان شدة تيار حجر البطاية بيساوى 1.5 امبير....
طبعا نظرا لخبرة حضرتك فى المجال ده...وحسب تجاربك...اكيد حضرتك صح...انا حبيت اوضح رايى مش اكتر...واسف جدا للازعاج

اخى امير
بطاريات السخان من الحجم العائلى بمعنى بطارية كبيرة وتسمى بالعامية بطارية طورش وبعض الانواع بيصل الى 2 امبير
ورمزها تجارى R20 والسخان بيستخدم بطاريتان من هذا النوع



اما حجارة او بطارية الريموت نوعين فى النوع الصغير والاصغر

واسمهم التجارى AA و R03/AAA



المهم اخى طارق
مشكلتى انا جزاك الله خيرا
عندى نفس السخان وهو يونيفرسال
علشان اشغل الميا السخنة وتستمر يجب عليا عمل الاتى

افتح الميا السخنة لمدة نصف دقيقة واقفلها تانى وافتح من جديد وبهذا الشكل تستمر معى الميا السخنة ولو طول اليوم حتى اقفل الميا

الى بيحصل بالظبط هو
عند تشغيل المياة الساخنة يشتغل السخان واسمع صوت طقطقة الاشعال وتستمر الطقطقة مع وجود لهب التسخين ..يعنى السخان شغال وبعد كام ثنية الاقية فصل والاشعال بالداخل انطفى مع وجود عدداد الحرارة يعمل
وعلشان اشغل السخان يجب ان اقفل الحنفية الساخنة واشغلها من تانى
وبكدة يستمر ويشتغل عادى خالص
طبعا البطارية جديدة والعطل دة من يوم ما اشتريت السخان
والله جديد وبكرتونتة وفلتة ههههههههههههههه