موضوع مهم ارجو من الجميع المشاركة - الصفحة 3

adae2008 · 24-06-2009, 10:08 PM

من اللي انا فهمته من الكلام ان يوجد ريلاي يتحكم و يلامس سلكين فقط و هوا ده اللي عندي
يعني فيه ريلاي يلامس 3 اطراف مع بعض يعني واحد اساسي اللذي يلامس السلكين الاخرين بالترتيب تمام و لا ايه ؟؟؟؟

تمام بالنسبه بامايك هوا اساسا صوت الانسان تردده يتراوح من كام الي كام ؟؟؟

في المكثف الصغير حضرتك تقصد ان المكثف يكون سيراميكي عشان التردادات العاليه ممكن تؤثر علي المكثف الكبير و تجعله short circuit لذلك يجب و ضع المكثف الصغير تمام و لا ايه ؟؟

بخصوص المقاومه انافهمت من الكلام ان لو الجهد اتغير علي المكثف بتاع التغذيه حيسبب تغذيع عكسيه للمرحله الاولي و الذي يسبب صفير تمام ؟؟؟؟؟

بالنسبه ل lm741 ممكن احطها عادي و استخدم سماعه صغيره علي حسب الكلام
احنا استخدمنا ال lm380 عشان نكبر التيار اللي ممكن يشغنا سماعات كبيره تمام و لا ايه ؟؟؟؟

اخر سؤال عشان ان شاء الله الموضوع يخلص
هوا انا ممكن اطور في الدايره و اخلي الانتركم من غير سلك يعني ابعت الصوت في الهواء ؟؟؟؟؟

ماجد عباس محمد · 25-06-2009, 09:01 AM

اقتباس المشاركة الأصلية كتبت بواسطة adae2008

من اللي انا فهمته من الكلام ان يوجد ريلاي يتحكم و يلامس سلكين فقط و هوا ده اللي عندي
يعني فيه ريلاي يلامس 3 اطراف مع بعض يعني واحد اساسي اللذي يلامس السلكين الاخرين بالترتيب تمام و لا ايه ؟؟؟؟

تمام

تمام بالنسبه بامايك هوا اساسا صوت الانسان تردده يتراوح من كام الي كام ؟؟؟

الرجال من 100 الى 1000 تقريبا والنساء من 500 الى 3000 تقريبا

في المكثف الصغير حضرتك تقصد ان المكثف يكون سيراميكي عشان التردادات العاليه ممكن تؤثر علي المكثف الكبير و تجعله short circuit لذلك يجب و ضع المكثف الصغير تمام و لا ايه ؟؟

انا لم اقل تجعلة Short انا قلت انه لا يعمل عندما يزيد التردد و يتحول الى حث بدلا من سعة وهذا نتيجة الطريقة التى يصنع بها

بخصوص المقاومه انافهمت من الكلام ان لو الجهد اتغير علي المكثف بتاع التغذيه حيسبب تغذيع عكسيه للمرحله الاولي و الذي يسبب صفير تمام ؟؟؟؟؟

تمام

بالنسبه ل lm741 ممكن احطها عادي و استخدم سماعه صغيره علي حسب الكلام
احنا استخدمنا ال lm380 عشان نكبر التيار اللي ممكن يشغنا سماعات كبيره تمام و لا ايه ؟؟؟؟

سماعة أذن فقط

اخر سؤال عشان ان شاء الله الموضوع يخلص
هوا انا ممكن اطور في الدايره و اخلي الانتركم من غير سلك يعني ابعت الصوت في الهواء ؟؟؟؟؟

طبعا و كان فى السوق وحدات تعتمد على خط الكهرباء فى نقل البيانات و كان 1:3 أى اصل لثلاث فروع

adae2008 · 02:14 PM

انا كده الحمد لله فهمت بس المكثف ال 100nF اروح اقول للراجل انا عايز مكثف نوعه جيد و لا اروح اقوله نوعه ايه بالظبط و شكرا لك اخي ماجد علي اهتمامك بالموضوع بجد انا عارف اني تعبتك
بجد انا منتطر ردك في موضوع

سؤال بسيط حول المقاومات

شكرا لك و للاخوه الذين شاركوا في الرد

ماجد عباس محمد · 25-06-2009, 05:56 PM

فى دوائر الصوت يكفى فقط أن تضع مكثف بهذه القيمة
لو الموضوع يخص ترددات فوق 10 ميجا كان اختيار نوع المكثف يفرق

kingmido · 25-06-2009, 06:52 PM

شكر خاص لشكسبير المنتدى الاستاذ ماجد وبجد انت ضفت كتير جدا فى هذا المنتدى بس انا متابع الموضوع ومتابع ردودك بس كنت عايز اعرف انت اتعلمت الحاجات دى فين ووصلت الى الكم الهائل من المعلومات منين وطبعا ما شاء الله وربنا يزيدك من علم وانا سمعت كلامك اللى فى اول الموضوع وببدأ ازاكر الكترونيات من الو وجديد وبدات فى دراسة المكونات بشكل تفصيلى وطبعا شكرا على المعلومة بس انا كنت عايز اسأل هل لو بعد ما خلصت مزاكرة المكونات ومتابعة اكثر من دائرة هل ستكون الخطوة التالية هى تصميم دائرة من دماغى فياريت حضرتك ترد على السؤلا لأهميتة عندى وياريت اعرف حضرتك عندك كام سنة مع خالص تحياتى وبالتوفيق دائما

اخوكم/محمد محمود (بندق)

ماجد عباس محمد · 25-06-2009, 07:14 PM

إن شاء الله طبعا
و طبعا تحتاج تعرف أن هناك دائرة مكبر ترانزيستور مثلا بأنواعها و مكبر عمليات يعمل كذا وكذا الخ
علشان إيه هى عملية التصميم؟؟؟؟
هى مقدرة على انك تحول المشكلة الكبيرة إلى مجموعة من المشاكل الأصغر فالأصغر حتى تتحول كل منها غلى دائرة مكبر + دائرة تقويم + دائرة فصل اشارة + ....
مثال بسيط كنت أدرسة فى كورسات البرمجة وازاى الواحد يغير من تفكيره لتقسيم المشكلة لمشاكل أصغر

لو أمامك قطعة شيكولاتة وتريد أكلها ربما لن تنظر إليها لأن لمحة حددت المكان و بحركة مباشرة تناولتها ووضعتها فى فمك
وتظن أن هذه عملية واحدة - اكلتها

لكن المطلوب منك أن تري كيف يتعامل الطفل الصغير لتعرف كم عملية أصغر فى هذه الخطوة
أولا ينظر و يحدد الرغبة ثم يمد يده فلا تقابل الهدف فيتحرك ليقرب كفه منها حتى يضع يده و ربما يرفع يده قبل أن يقبض عليها فيتعلم مشكلة تزامن و هكذا

وان شاء الله ستصل ولكن يجب أن تبدأ ولو بتحليل دوائر الآخرين

mahmadsolimanra · 09-12-2012, 12:08 PM

الاستاذ/ الكبير الكبيييييييييييير اوى ماجد عباس ----اللف اللف شكر على هذا الشرح التفصيلى الجميل والشكر لكل من ساهم فى اثاره هذا الموضوع القيم

lovevb6 · 04:21 PM

السلام عليكم

اهلاا بكم اخوتي جميعاا ...وارجو ان تتقبلو وجهة نظري...فانا من مشجعي اخي (king mido)

انا فهمت من مشاركتك الاوله هو عدم معرفتنا بالشي الذي نريد ان نصنعه او ربما نفهم نصفه فقط وبعدين نقول المهم ان الدايرة شغاله ...

طبعاا السبب واضح ..هوا تعليمنا فى البدايه فنحن ندرس لكي ننجح وليس لكي نصنع ونصمم ..المهم مش هوا ده موضوعنا ....ومش عايزين نتكلم فى الماضي.(.الي صار صار) او بالمصري( الي حصل حصل)..

طبعاا ساتحدث بجديه ومنطق اي لو تم تنفيذ الاتي ستبدء عجلة التطور باذن الله

الحل هوا فى تكوين فريق علمي لاجراء البحوث والتجارب ...وهذا الفريق يجب ان يكون متخصص .. يعني ماينفعش تقولي انا كهربائي والكتروني ومبرمج وممكن حتى يفهم فى الطب ..

مثلاا ... سيكون الفريق يتكون من 20 شخص ..العشرين شخص ينقسمون مثلاا 5 متخصصين فى الالكترونات فقط
وهؤلاء الخمسه بينهم من هوا محترف فى الدوائر الاسلكيه ومن هوا محترف فى الترانسستور فقط وانتو عارفين ان الترانسستور ده تخصص لوحدو ومن هو محترف فى دوائر الاتصالات وغيرها سواء سلكيه او العكس

و 5 اخرين متخصصين فى البرمجه الالكترونيه مثل البك وحتى العمل فى بيئه الويندوز ...

كدا عشره مختصين فى الالكترونات ...مش معني ان الخمسه المتخصصين فى الدوائر الالكترونيه يعني مش فاهمين برمجه الكترونيه ..لا طبعاا..ولكن لهم خلفيه معقوله فى البك

كدا عشره اشخاص متخصصين فى الدوائر الرقميه والبرمجه ...لانو صعب ان تكون فاهم كل حاجه وهوا ده احد عيوبنا

اما العشره الاخرين منقسمين فى التخصصات مثلاا 3 ميكانيكا و3 هيدروليك و 3 كهرباء ...و3 كيمياء

لان التخصص والبحث فى التخصص هوا ما يجعل الانسان يتقن ويخترع ايظااا

والحاجه التانيه والاهم بلاش تفكر فى الفلوس كثير (انا فاهم ان المال اهم شئ) ولكن ليس هذا الذي اقصده .....
اقصد الاتي :
مشكلتنا انا نحنا عندما نتعلم شئ عايزين نبيع على طول او نفكر فى شركه او نفكر فى حاجه زي كده ...لان هذا التفكير سيبطل التقدم ويجعل تفكيرك محصور فى كيفيه جني المال من هذا المنتج وليس تطويره ...

عموما موضوع الفريق هذاا صعب من ناحيه واحده فقط(انا قلت صعب وليس مستحيل يعني ممكن الحل) وهوا الدعم ..يعني لازم يكون فى معدات كامله وورش كامله .. مثل الخراطه واللحام وطبعاا ورشه الالكترونات وناهيك عن المصاريف اليوميه التي تاخذ اكثرلا من نصف وقتنا لكي نجنيها ...لو توفر هذه الورش حتقدر تفصل وتعمل الى انت عايزة ....لكن المفروض ما انخليش الدعم يكون عقبه ..يعني لو اتحدنا وجمعنا المال سواء تحت اسم جمعيه او غيرة من التبرعات ..او حتى من خلال الفريق نفسه ..المهم ما نعلقش شماعه الفشل على الدعم

واحنا مشكلتنا المصاريف يعني عايز توكل عيالك ومرتك وعايز تدرسهم وما الي ذلك وهذه المسؤليه هيا التي تاخرنا بصراحه ...

والشئ الاخر هوا الانانيه ..والله اقولها بكل صراحه نحن العرب مشكلتنا الانانيه ..ولكن هذه القريه الالكترونيه كسرت لي هذه النظريه ....

والشئ الاخر هوا عامل الوقت ..لازم نخصص وقت كبير وليس صغير وهذا من مشاكلنا الاساسيه حيث اننا دائماا مستعجلون ودائما لا نملك الوقت ..وفي الحقيقه ليس ورانا حاجه ..ههههههههههه

وفي الخلاصه اقول كمواطن ليبي وشخص يحب مصر: ..انا متيقن ان العلم والنهظه العلميه والتقنيه سوف تاتي من مصر وان شاء الله قريباا ..ولكن لو توحدتم وتوفرت للمواطنين العيشه الطبيعيه ( واعرف المعاناة التي يعنيها المواطن المصري من صعوبه المعيشه )...فانا متاكد باذن الله انه ستكون النهظه كبيره على كل المسلمين ..ولكن لو تخلينا عن الانانيه كشرط اساسي.

وارجو ان تتقبلو مروري ..واسف على مقاطعتكم للموضوع
السلام عليكم ورحمة الله وبركاته