السلام عليكم يا اخوانى
طبعا العنوان باين
النهارده ركبت سخان غاز يونيفرسال 6 لتر وشركة الغاز جم ركبوه بعد مازلونى
وفى الاخر السخان بيشتغل دقيقه او اقل ويطفى
جربت كل حاجه لحد مايئست
ارجو الرد فى اسرع وقت قبل مانتحر

طيب هو فى حاجه كمان لاحظتها انى اول مافتح البارد يطفى على طول ولو انا اصلا فاتح البارد مش بيشتغل و انا بصراحه خايف اتصل بوكيل السخان ويطلع المشكله فى السباكه ويبقى شكلى وحش

أخى المحترم الباشمهندس / طارق
ألف الف شكر وجزاك الله كل خير الحمد لله تم تشحيم إبرة الرداخ
وبعد إذنك (معلش إستحملنى أنا عارف إنى بجد تقلت عليك )
كنت عايز أتأكد من حضرتك عن بعض حاجات
بعد ما فكيت الرداخ الأربع مسامير بتوع الرداخ وجدت إبرة الرداخ وفيه صامولة سداسية فكيتها فوجدت الإبرة كلها وشيلتها من سوستة موجودة داخل ماسورة
المهم قمت بتنظيف الإبرة بفوطة وبعد كده وضعت حتة شحم بس صغيرة ووزعتها على الإبرة وبعد كده حطيت الإبرة زى ماكانت وربطت الصامولة السداسية تانى وشيلت جلدة الرداخ لمسحها فوجدت إن فيه كسر لحتة صغيرة من البروز الدائرى النحاسى أو السور الرفيع إللى فى جزء الرداخ إللى بتتعشق فيه جلدة الرداخ وذلك بجانب المكان إللى بتركب فيه اذن الجلدة وأظن إن الكسر ده هوه إللى سبب خروج ماء بصورة ضعيفة مثل دمعة العين من الرداخ بعد ما ربطته فقمت بفك الرداخ تانى ومحاولة تظبيط الجلدة ثم ربطه وحصل ده معايا حوالى 4 مرات
فقررت أجرب حتة تيفلون تحت الجلدة عند الجزء المكسور
وفعلا بفضل الله لما ربطت الرداخ لم يتم التسريب لأى مياه
ومع تجربة السخان وجدت إن الدراع ساعات بيعلق وخصوصا لو قفلت الحنفية قبل ما الموتور يفصل (ماتور المياه راكب فى الشقة ببالونة وأتوماتيك) فقمت بتظبيط المسمار بتاع دراع السويتش والحمد لله
أخى طارق سامحنى إنى طولت عليك بس أنا عشمان فيك إنك تقرأ كلامى وياريت لو حضرتك عندك أى ملحوظة أو نصيحة أو حاجة أكون عملتها خطأ وفكرى إنها صح ياريت تقوللى عليها أكيد حضرتك أدرى منى
وليه 3 إستفسارات أخيرة إن شاء الله:
1- هل فعلا ممكن دراع السويتش يعلق لو مسماره متظبط غلط وللا إللى حصل معايا كان سببه إن الشحم كان لسه معملش شغله
2- معلش ياريت حضرتك توضحلى أكتر طريقة تظبيط مسمار دراع السويتش لإنى عملت إللى حضرتك قولتلى عليه (قفلت محابس مياه السخان وفضلت ألف المسمار لغاية الآخر ولم يحدث الشرز)
3- هل طبيعى إنى لما أقفل الماء الساخن أحيانا تظل الشعلة شغالة شوية(تقريبا 6 أو 7 ثوانى) ثم تقفل لوحدها
مع جزيل الشكر والإحترام والتقدير لحضرتك ربنا يوسع عليك

ضغط المياه عندك اخباره ايه

سخان يونيفرسال 6 لتر
غاز طبيعي
ضغط الماء جيد

و صف العطل

عند فتح المياه يحدث الشرز من مجموعه الاشعال الذاتي مع عدم عمل السخان
عند تكرار فتح و غلق المياه حوالي 10 مرات يحدث الاشتعال و يعمل السخان

ملحوظه: اذا قفلت المياه اثناء عمل السخان و اعدت فتحها يعمل من اول مره بدون مشاكل (يعنل المشكله بتظهر لما يكون السخان بارد)

و شكرا لكم

أخى / الباشمهندس طارق
شكرا جزيلا لرد حضرتك
أود فقط أن أوضح بعض النقاط
1- الرداخ بتاعى بفضل الله ليس به شرخ ولكن ما كنت اقصده أن فيه حاجة زى سور دائرى نحاسى فى الرداخ من جوه وهذا السور سمكه رفيع و إرتفاعه تقريبا 3 مللى عند وضع الجلدة السور بيخش تلقائيا فى نتوء دائرى بالجلدة وأظن ليساعد فى عدم تسريب الماء من الرداخ
هذا السور فيه حتة صغيرة وجدتها متآكلة من ناحية قريبة من أذن الجلدة وتسببت فى تسرب المياه بعد ربط الرداخ
ففكيته تانى وبفضل الله وضعت حته من شريط تيفلون تحت الجلدة عند الحته المتآكلة من هذا السور ولفيت حتة من التيفلون تحت الجلدة حول الإسطوانة النحاسية الصغيرة إللى بتدخل فيها أذن الجلدة وبعد كده ربطت مسامير الرداخ فلم أجد أى تسريب فهل ما فعلته صح وللا فيه مشكلة ممكن تظهر بعد فترة؟
2- بالنسبة لإبرة الرداخ بعد تشحيمها ( بقطعة صغيرة من شحم حرارى لإنى خفت تكون فيه مشكلة لو حطيت شحم كتير) فعلا محركتهاش إللا مرة واحدة تقريبا بس الحمد لله بعد حوالى مرتين تشغيل للسخان بقه كله تمام.
3- وبالنسبة لزور الرداخ انا لاأعرف ما هو؟ ولو حضرتك تقصد الصامولة السداسية إللى لقيتها مربوطة فى منتصف الجزء الآخر من الرداخ اللى مفكتهوش فأنا فكيتها وطلعت الإبرة كلها ولما شحمت الإبرة وضعتها كما كانت وربطت الصامولة السداسية ثم قفلت الرداخ بربط مساميره الاربعة.
وأخيرا أكرر الشكر لحضرتك ويجعل مساعدتك لى فى ميزان حسناتك وأتمنى من الله أن أكون قد وفقت فى توضيح ما أرد توضيحه لحضرتك
وفى إنتظار رد حضرتك على كلامى السابق إن كان نصيحة أو تعليق على شىء أو توضيح لشىء قد اكون أخطأت فيه اثناء تعاملى مع السخان
وسامحنى فى الإطالة
مع وافر الإحترام والتقدير لشخصك الكريم
والسلام عليكم ورحمة الله وبركاته

اولاً عليك باستبدال البطاريات ببطاريات جديدة من نوع جيد
ثانياً ان لم تفلح اولاً غير حساسات الحرارة التي يخرج منها الشرز