حل لأيش
للبروتس ولا للتطبيق العملي

التطبيق العملى

المشكلة التى فهمتها من نقاشك مع الاخ اسامة انك عاوز الاتنين ريلاى يشتغلوا بمجرد الضغط على البوش بوتم
فى دائرتك انت عاوز تعمل تاخير زمنى للريلاى الاول بشرط يتاخر فى العمل الى ان يعمل الريلاى التانى لانه لو اشتغل بيفصل الكهرباء عن الريلاى التانى وبالتالى عن الدائرة كلها

ايه رايك اعملك دائرة تانية وخلاص تفى بالغرض؟
اليس المهم عندك ان يعمل الاتنين ريلاى ويكونوا شغالين عندما تضغط البوش بوتوم؟
ولا لازم دائرتك؟
ليه ماتحط مكثف على التوازى مع ملف الريلاى الاول
مكثف كيميائى 100ميكرو فاراد او جرب 10 الاول
المهم انه ياخر غمل الريلاى الاول لمدة ثانية او جزء من الثانية الى ان يعمل الريلاى التانى

اليس هذا الشكل الذى تريده؟



لو مانفعت عملى يبقى الحمل بياثر على جهد الريلاى يعنى زود جهد البطارية او استعمل ريلاى ستة فولت

او دى

شكرا لتعونك معى استاذ احمد
طبعا لا يهم اى دائرة ولكن تفى بالغرض
المشكلة فى الدايرتين بتوع حضرتك نفس المشكلة فى دايرتى وهى عند الضغط على الbutton لا يمكن ان يصل الموجب الى الرجل الاخرى للريلية بسبب ان الوقت لا يكفى لتشغيل الريليةوهى تعمل على البرامج فقط لكن فى الواقع لا تعمل

الظاهر انك متاثر يدائرتك
فى دائرتى الاخيرة لاعلاقة للوقت بعمل الريلاى الثانى
يعنى مالوش علاقة بالوقت
الريلاى الاول يعمل وبعدها الريلاى التانى ياخذ منه الموجب فهناك اختلاف عن دائرتك
المشكلة عندك عمليا ان الجهد لايكفى لعمل الريلاى والحمل
انت شيل الحمل خالص وشوف هتلاقى الاتنين ريلاى بيعملوا وليس هناك ادتى لبس فى الموضوع لانه ليس هناك ادنى خطا فى التخطيط وهذا توصيل توازى معروف للاتنين ريلاى فقط الريلاى التانى يعمل بعد عمل الاول

احتمال البطارية تكون ضعيفة
واى استفسار تحت امرك

انا جربتها فى الواقع وهى لا تعمل وانا متاكد ان الجهد يكفى لجعل الريلية يعمل والمشكلة فى دايرتك مثل المشكلة فى دايرتى ولو حضرتك عايز تتاكد طبقها فى الحقيقة على لوحة تجارب ستجد انها لا تعمل

يابن الحلال افهمنى
انت لو عندك مصباحين على التوازى واحد شغال والتانى لا يشتغل
يبقى ايه السبب؟
السبب ان واحد فيهم قدرته اقل فبيسحب التيار عليه ويشتغل وعشان يشتغلوا بنفس قوة الاضاءة يجب تساوى المقاومتين او القدرتين
نفس الشيئ الريلاى اكيد هم ليسوا متساوين

يعنى الحكاية ليست بحث جديد هنفكر فيه بالضبط لما تقولى ان عندى بطارية 12 فولت وربطت عليها ريلاى واحد وماشتغلش الريلاى
يبقى العيب اما فى البطارية او الريلاى جهده اعلى من جهد البطارية
او هو محروق
نفس الكلام على اتنين ريلاى على التوازى او خمسين ريلاى على التوازى
فالحكاية مش محتاجة عملى
انت شوف الخطا عندك فى التوصيلات وانسى دائرتك وحكاية التاخير الزمنى واعمل اخر دائرة بعتها لك دى
http://upload.qariya.info/images/qariya-e550c6da8b.jpg
لو ماشتغلتش يبقى العيب فى توصيلاتك او اختلاف التنين ريلاى عن بعض او البطارية او اى سبب اخر غير ان الدائرة مش صح لان دى اساسيات وليس فيها اى شك

جربهم ووصل مباشر الاتنين على التوازى مع البطارية كانهم مصباحين على التوازى يعنى اعتبر ملفاتهم مصبح ووصلهم توازى مباشر للبطارية بدون توصيل لنقط التلامس وشف الملفين هيشتغلوا ويجذبوا نقط التلامس ولا لا
لو اشتغلوا الاتنين توازى يبقى انت توصيلتك غلط فى الدائرة التى ارسلتها لك