اكيد طبعا فى خطا فى البرنامج
انا بدور على الكتاب صار لى ساعتين على النت باسم المؤلف طلع لى مواقع كتيرى بس بفلوس التحميل ولسه بدور ربنا يسهل

Electronics: A Complete Course
2nd Edition

by
Nigel P. Cook

ثم اصبر عليا شوية لغاية ماقرا واحصلك لانى لسه صفر على الشمال

الاخوة الافاضل

لا يوجد خطأ فى تصرف البرنامج فالطرف السالب من البطارية الى كاثود الليد ونفس الطرف السالب دخل على ما يسمى ب NOT GATE ومن جدول الحقيقة لها انها تعطى خرج عكس الدخل ورمزها هو الثانى من اعلى فى صورة البرنامج
فدخلها سالب فيكون الخرج موجب ثم الى انود الليد فيضىء

اهلا اخ استره
اليست دائرة NOT GATE
عبارة عن اى سى ؟ واى اى سى عشان تشتغل لازم يكون داخلها سالب وموجب ؟
او بمعنى ادق لازم تكون الدائرة مغلقة ؟ فين بقى الطرف الموجب الى داخل للاى سى دى عشان تحول السالب لموجب او اصلا عشان التيار يدخل لها فين طرف التيار الموجب؟
شرفتنا يااستره وخليك معانا ربنا يكرمك

سلام الله عليكم
البرنامج سليم 100/100 وفيش أي عيب ده حال برامج المحكاة بتغذي الدوائر المنطقية افتراضا أي أن التغذية موجودة مسلما دون أن توصلها أنت فهي موصولة في حسابات البرنامج والدائرة 4069 ذات قيمة معكوسة فخروجها 5v وإذا أدخلت عليها 5v فيصبح خروجها0 ده اللي أعرفو

طيب البرنامج سليم نظرياً بسبب أن طريقة البرمجه تفرض هذا الأمر

أليس من الأولى أن يقوم البرنامج بتطبيق ما يحصل على أرض الواقع ؟؟؟!!!
فهل يعقل أن يعمل الـ LED بدون إقفال الدائرة ؟؟؟!!!

إذا كان الـ LED يعمل بهذه الطريقة على أرض الواقع ، فهذا يعني أننا لسنا محتاجين للسلك الموجب في كل الدوائر الكهربائيه حول العالم ، أليس كذلك ؟؟؟

وهذا يعني أنه يجب أن نغير مفهومنا عن طريقة سريان التيار الكهربي

كلي أمل أن أجد طريقة لتطبيقها على أرض الواقع فهل سيعمل الـ LED أم لا ؟

وشكراً

سلام الله عليكم

طول بالك شوية

أخى أحمد
أنا لست ملما بكيفية عمل برامج المحاكاة فكيت برنامج البروتوس عندى منذ اكثر من شهرين وللان اجد صعوبة فى استخدامه ولكنى اجبت عن سؤالك فى كيفية اضاءة الليد رغم ان الداخل له طرف سالب
اما بخصوص تغذية IC فطبعا لابد من تغذيتها بالسالب والموجب على ارض الواقع ولذلك فانى اميل الى رأى الاخ ولاء فى ان البرنامج يقوم بتوصيل الموجب والسالب لهذة النوعية من الدوائر من تلقاء نفسه نظرا لانها دوائر منطقية ومن عائلات محدد فيها الارجل التى توصل بالموجب والسالب مسبقا حتى مع اختلاف وظيفة IC
والدليل حاول ان تجربه بنفسك ادخل على البرنامج دائرة مكبر باستخدام TDA ولا تقوم بتوصيل اطراف الموجب والسالب فستجد البرنامج يتوقف عن المحاكاة والسبب ان TDA احيانا يتم تغذيتها بموجب وسالب واحيانا بموجب وارضى وسالب
أخى محمد على لا يوجد شىء اسمه موجب فقط او سالب فقط لابد من الاثنين معا لتكتمل الدائرة وهذا البرنامج محاكاة ودعنى أسالك لو عندك جهاز العاب بواسطة النظارة ولبست النظارة وشغلت لعبة محاكاة قيادة طائرة فأنت مع نفسك داخل اللعبة تطير ولن يسألك الجهاز هل انت متعلم لفن الطيران ام لا ولكنه سيتعامل معك على انك محترف لانه صمم على ذلك
واسف جدا جدا على الاطالة

اقتباس المشاركة الأصلية كتبت بواسطة محمدعلي طيب البرنامج سليم نظرياً بسبب أن طريقة البرمجه تفرض هذا الأمر أليس من الأولى أن يقوم البرنامج بتطبيق ما يحصل على أرض الواقع ؟؟؟!!! فهل يعقل أن يعمل الـ LED بدون إقفال الدائرة ؟؟؟!!! إذا كان الـ LED يعمل بهذه الطريقة على أرض الواقع ، فهذا يعني أننا لسنا محتاجين للسلك الموجب في كل الدوائر الكهربائيه حول العالم ، أليس كذلك ؟؟؟ وهذا يعني أنه يجب أن نغير مفهومنا عن طريقة سريان التيار الكهربي كلي أمل أن أجد طريقة لتطبيقها على أرض الواقع فهل سيعمل الـ LED أم لا ؟ وشكراً

بص ياحج محمد فى الصورة دى



اين البطارية؟
مفيش بطارية او اى مصدر تغذية صح
طيب ازاى اشتغل الليد؟
براحة شوية خلينا نفهم ايه الرمز الموجود
ده رمز الانفرتر يعنى له 2( بن) واحد دخول والتانى خروج لما يدخل عليه جهد صفر بيعكسه لجهد موجب خمسة فولت مثلا ويخرج من البن التانى والدخل لايلامس الخرج يعنى مش متوصلين مباشرة ولكن بتمر على مراحل داخل الايسى
اللى موجود بداخلها ترانزستورات ومقاومات ومكثفات
الاى سى دى تغذيتها غير ظاهرة فى الرسم للتبسيط فقط لكن هى داخلها موجب وسالب ومصممة على اساس ان بها عدة نقط بتشتغل انفرتر كما فى رسم الاخ ولاء
يعنى السلك الارضى مش على طول بيتحول الى موجب خمسة فولت ولكن السلك الارضى بيكون مجرد بن او مدخل عشان يمر فى مراحل داخل الاى سى مثلا ترنزوسترات ويخرج بعد تلك المراحل موجب بالضبط كان الايى سى اصبحت بطارية بالنسبة لليد قطبها الموجب هو خروج الانفرتر
من الاصل الليد واصل له السالب او الارضى يبقى عشان يشتغل محتاج موجب الموجب ده بيخده من الاى سى اللى اصلا متوصلة بالبطارية بس التوصيل مش ظاهر للتبسيط فقط لانه عشان يظهر التوصيل لازم يحط شكل الايسى كلها بجميع الانفرترات بتاعها وكل مداخلها ومخارجها ودى هتبقى شغلانه محبش المصمم يتوهك فيها

ونفس الشيئ فى الصورة الى تحت



هنا لو دخلت جهد موجب على الانفرتر هيطلعه سالب كما قلت لك وليس فيه اى اتصال مباشر بين السالب اللى طلع ده والموجب اللى داخل ولكن الموجب اللى داخل بيمر على مراحل من ترانزستورات وفى الاخر يطلع سالب وهنا اصبح الليد واصله الطرفين الموجب والسالب وليس اتنين سالب
يعنى فى النهاية الرمز الموجود ادامك للانفرتر ده مجرد رمز فقط ولايعبر عن مكونات الايسى كلها بماداخلها ومخارجها ومكونتها الداخلية الكتيرة سواء من مصدر جهد وترانزستورات ومقاومات وخلافه

وعشان ابسط لك الفكرة
تخيل معايا ان داخل الايسى دى اتنين ترانزستور مثلا الاتنين لهم نفس خرجهم مشترك لما بيكون مدخل الانفرتر صفر او نقول سالب بيشتغل واحد فيهم والواحد ده بيكون خرجه موجب فيظهر على الانفرتر الجهد الموجب
لما بيدخل جهد موجب على المدخل بيشتغل الترانزستور التانى اللى من نوع مختلف عن النوع الاول ويقف الاول ويخرج لنا جهد صفر او سالب على خرج الترانزستور التانى اللى هو خرج الانفرتر يعنى ترانزستور بيشتغل والتانى بيقف والاتنين من نوعين مختلفين واحد مثلا npn , pnp
وطبعا خرج النوعين مختلف لاختلاف القطبية الواقعة على كل منهما
ده تمثيل خيالى لتقريب الفكرة فقط


خد الموقع ده جميل بيشرح فكرة عمل دائرة انفرتر not gate كدائرة الكترونية اقرى فيه شوية وبكرة انشاء الله هقرا انا كمان فيه ونتناقش فيه لان الوقت اتاخر

http://www.allaboutcircuits.com/vol_4/chpt_3/2.html

والموقع ده جميل كمان

http://www.electronics-tutorials.ws/logic/logic_1.html

وده

http://www.kpsec.freeuk.com/gates.htm

وشكرا للاخ استرا والاخ ولاء على المعلومة القيمة