السلام عليكم ورحمة الله وبركاته
من بعد اذن اعمامي والناس العتاولة في الصنعة من زمان
المشكلة من وجهة نظري الخاصة هي ان الاجهزة اللي كانت زمان معمرة واسعارها تجبر الزبون يصلحها باي تمن
بقت دلوقتي رخيصة لدرجة ان صاحب الجهاز بيفضل شراء جهاز جديد عن تصليح القديم ويركنه عنده على سبيل قطع الغيار
ودا للاسف عمل مصيبة اكبر وهي ظهور فئة جديدة اسمها التاجر من يوم وليلة بقى صنايعي ازاي معرفش ؟؟؟؟؟؟؟؟؟
لكن المصيبة اني عارف
التاجر اللي واللهم لا حسد بيجيب قطعة الغيار الارخص علشان يبيعها للصنايعي بسعر اغلى مش مكفيه دا قال ليه الصنايعي
يركب قطعة الغيار وياخد اجره طيب ما اركبها انا واخد نص الاجر وبكده يبقى الاستاذ طالع واكل نازل واكل
فنان
شغلته تاجر
والبحر يحب الزيادة
ونسبة الخساير مع كتر الشغل مش حاجة
وربنا يخرب بيت الصين والاجهزة الصينية
سهلت عليه المامورية
ولا عزاء للي طلعت عين ابوه عشان يعرف ان الالكترون جسيم مهمل الكتلة سالب الشحنة وهو اللي على اساسه شغالة الدنيا دي كلها
ياسيدي انت من ضمن الاف الفنيين المعذبين في هوى تلك الملعونة
معلش طولت لكني انفعلت ومقدرتش اسيبك من غير ما اطيب خاطرك
ربنا يتوب علينا
ودا دعاء يمكن يفيدنا كلنا
اللهم ارضنا بما رضيت لنا

عـــــــــــــــــــــــداك العيب يااخي محمودعبدة بالهجة العراقية (حشاك من الغلط)
ممـــــــــــــــكن تحدث مع اي واحد منا ومن حطك ان تزعل وتغلق المحل اسبوعين واكثر هذا لان انت متربي وابن ناس واحمد الله ان الله يعاين على النوايا قبل الافعال وخاصة ويعتبر هذا لك تجربة تتعلم منها كيف ممكن الواحد يرد بكلامة ربما يكون الكلام زي الرصاص وقعا على الاخرين وانتم في مصر كلامكم كلة عسل وايضا في العراق بس في خضم الضروف بدء الواحد ينسى الكلام الجميل من امثال (حبيبي و وعمري وقلبي ...الخ من الكلام المهذب والذي ترتاح له الناس وتهدء النفوس المنزعجة) والكلام ذي شجون في هذا المجال

والله يا اخواني بصراحه مش عارف من غيركم كنت عملت ايه شكرا جدا علي كل الردود

السلام عليكم ايها الاخوة المجاهدون والمحبون للمهنة
اولا الحال واحد وانا احب واعشق هذه المهنة منذ 28 عام وحتي الان
المشكلة يا اخواني الكرام هي ان العميل او اي شخص يدخل الورشة
دائما ينظرون الي اي فلوس تدخل لك(اي قرشها منظور)عكس الدكتور
ولكن يا اخواني حب المهنة ادامها الله
وشكرا
الوكيل

علي قكره العيب مش في الصين العيب فينا احنا الصين انا باحترمها واحيها واحنا اللي نستاهل

Sayed79علي قكره العيب مش في الصين العيب فينا احنا الصين انا باحترمها واحيها واحنا اللي نستاهل

------------------------------------
نعم اخى الصينين شعب نشيط جدا ووصلوا لتصنيع صواريخ
ضد الاقمار الصناعيه ليعلنوا للعالم انهم قادرون لعمل اى شيىء
ومن امثالهم الشعبيه الحديثه ( ان لم تجد شيىء صنع فى الصين
فثق انه غير موجود على الاطلاق )
وذالك فخرا ومبا هاه يستحقوها بالفعل
فهم يصنعون كل شيىء ونحن نشترى كل شيىء

انا بصراحة غير متفق معاك كليا فى كلامك ....أنت زى ألى بيقول الغاية تبرر الوسيلة ....يعنى لازم أضحك على الزبون علشان ما يشكش فىّ وأستغل جهله وأخد منه فلوس كتير بكده ...وبعدين أيه ألى يزعل فى موضوع أن العميل يتفرج عليك وأنت بتصلح .....أكيد أنت خايف يا أما أنه يتعلم مهنتك وتبقى أكيد غلطان لأنها أكيد مش بالسهوله دى ...وأكيد لو أنت محترف وكويس فى مهنتك هتبقى عارف كده...يا أما خايف أنه يستهون بالى بتعمله وده غلط أكيد أنت بتحس بان ألى بتعمله مش سهل ...وهو بصراحه عنده حق لو أنت فاكر نفسك كويس ...هو أيه الى أكدله الكلام ده ..وانت متأكد أن كل الناس كويسه زيك ...أيه ألى دراه أنك أو غيرك مش هتاخد من القطع ألى فيه وتغير فيها لو مثلا الجهاز مش هيشتغل خالص ..ما هو كده كده بايظ معلش حط نفسك مكانه ....وده شائع جدا عند اصحاب الضمائر الخربه ....المفروض أن الواحد يراعى ضميره فى كل حاجه بيعملها وبعدين الواحد بيعامل الناس باصله مش باصلهم طبعا ....ولو هو بيراعى ضميره مهما كان رزقه قليل ربنا بيباركله فيه كفايه ده ...كفايه أنه متأكد أنه رزقه ميه فى الميه حلال لأنه ما بيكدبش ولا بيخادع ....ودايما حط فى دماغك عامل الناس كما تحب أن يعاملوك به .....تحب تتخدع من الناس زى ما بيخدعوك ...ما هو كما تدين تدان .......وبعدين صدقنى العيب مش فى الزبون دايما أنا رأىّ أن العيب فى الدخلاء على المهنه .....ألى هما كل همهم المكسب المادى فقط ويتحرق الزبون علشان ما يعرفش ...وبياخدوا الطاق طاقين وتلاته وأربعه وعشره....ما هو مش دايما العيب بيبقى كبير علشان أخد فى جهاز قديم بقالوا شغال عشرة عشرين سنه مثلا أخد فى تصليحه 150 جنيه مثلا ...علشان ايه هو تمنه كام اصلا وهو شغال وايه ألى ممكن يتركب أساسا مع أجرة التصليح علشان يبقى المجموع 150 جنيه ....أنا أعرف واحد أقل تصليح بياخد فيه 60 جنيه ...مجرد أنه يفتح الجهاز 50 جنيه ....وأى حاجه تانيه عد بقى ......وشكرا لكم جميعا ...وربنا يهدى الجميع ..