هذه هى الدائرة وطبعا لسحب تيار مستديم يجب استخدام م محول


الفكرة مبنية حول مذبذب عديم الاستقرار وهو هنا حول 500 ذ/ث
الترانزيستورات يمكن أى رقم ولكن تتحمل الفولت والتيار الموجودين
والمحول للتحويل من الفولت والتيار الموجودين للمطلوبين مثلا
لو لديك 12 فولت 1 أمبير و تريد 2 أمبير
فولت دخول × تيار دخول = فولت خروج × تيار خروج
12 × 1 = ؟ × 2
فولت الخروج = 12 × 1 ÷ 2 = 6 فولت
قم بلف محول 12-0-12 / 6.6 فولت الإبتدائى 1 أمبير والثانوى 2 أمبير - طبعا 0.6 زيادة للتغلب على جهد الثنائيات (المفروض بالقنطرة تكون 2 × 0.6 ) و الأفضل استخدام ثانوى أيضا له وصلة منتصف مع 2 ثنائى بدلا من القنطرة لكن للأسف لم أجد رمز هذا المحول حاليا و سأضيفه إن شاء الله
لاحظ أن التردد 500 ذ/ث وهو 10 مرات 50ذ/ث وهذا يتيح لك تصغير كل أبعاد المحول بنفس النسبة أى تلف 1.2 - 0 1.2 / 0.66 فولت و تعمل على 10 أمثال التردد سيؤدى نفس الغرض

سلام
يا أخ إلكترون عجبني كلامك بس الأخ ahmed115 خلاني أخش على معدلة تانية بيسموها
معادلة قانون أوم

شدة x مقاومة = جهد
جهد / شدة = مقاومة
جهد / مقاومة = شدة

انه وحدة فيهم الصح القاعدة الذهبية وإلا قانون أوم ؟ ؟؟

اقتباس المشاركة الأصلية كتبت بواسطة ولاء الدين سلام يا أخ إلكترون عجبني كلامك بس الأخ ahmed115 خلاني أخش على معدلة تانية بيسموها معادلة قانون أوم شدة x مقاومة = جهد جهد / شدة = مقاومة جهد / مقاومة = شدة انه وحدة فيهم الصح القاعدة الذهبية وإلا قانون أوم ؟ ؟؟

كلامى نفس كلام اخونا الكترون

قانون اوم مرتبط مع القدرة هو نفس الكلام
القدرة = التيار x الجهد
=التيار x التيار x المقاومة
=الجهد x الجهد / المقاومة
انت ملاحظ ان القدرة ثابتة مثلا 200 وات
هنا ليس معنى ان قدرة الحمل 200 وات اننى اشغله على اى جهد وخلاص ولكن الصح ان هذا الحمل بيكون له اساسا اعلى جهد ممكن يتحمله وعليه من قانون اوم بيكون له اعلى تيار عند اعلى جهد
ولو شغلناه على جهد اكتر من اعلى جهد له هيتحرق لانه هيسحب تيار اكتر

لكن ممكن يشتغل بسهولة على جهد اقل لانه عند جهد اقل هيسحب تيار اقل من قانون اوم وهنا انا لااستخدم قدرته القصوى 200 لانه اصلا ليس شغال على اقصى جهد واقصى تيار
ولنفرض انه اشتغل على 100 فولت فلا تحسب التيار بقسمة القدرة 200 / الجهد 100 فتقول = 2 امبير غلط طبعا
لان القدرة 200 اساسا محسوبة عند اقصى جهد وليكن 200 فولت
وعندما يكون جهد المصدر 100 فولت فان المصباح لم يستخدم كل قدرته 200 ولكن استخدم فقط جزء منها وهى = الجهد 100 x التيار لنفس الدائرة
التيار هنعرفه ازاى؟
من معرفة المقاومة
طيب والمقاومة لاتتغير بتغير الجهد او التيار
المقاومة = مربع الجهد / القدرة =200 *200/200 = 200 اوم

التيار = الجهد / المقاومة = 100/200 = 0.5 امبير يعنى اقل من اقصى تيار لان اقصى تيار حاسبينه من الاول وكان = اقصى قدرة / اقصى جهد =200/200 = 1 امبير

لكن لو شغلناه على جهد اعلى مثلا 300 فولت يبقى احنا شغلناه على قدرة اعلى من قدرته وهنلاقى التيار زاد عن اقصى تيار ممكن يتحمله

التيار = 300/200 =1.5 امبير لن يتحمله
وعشان تتاكد اكتر احسب قدرته عند الفولت والتيار ده هتلاقى

القدرة = 300 * 1.5 = 450 وات يعنى اعلى من قدرته ب 150 وات

سلام
نورتني يا أخ أحمد الله ينور عليك وربنا يخليك

يعني لما يكون عندي جهاز انكتب عليه 200w و 2 A نعرف ازاي الجهد ؟ الحل يبقى لزما علينا نقيص المقاومة ( ده الي انت ذكرتو وما اتكلمشي عليه الأخ إلكترون ) عشان نعرف بيشتغل على كام فولت
ولو فيه جهاز تاني انكتب عليه 350 وات 220 فولت يبقى الفيوز الي لازم نحطو ميتعداش 1.6 أمبير
صح

يعني لما يكون عندي جهاز انكتب عليه 200w و 2 A نعرف ازاي الجهد ؟ الحل يبقى لزما علينا نقيص المقاومة

عرف اقصى جهد يشتغل عليه مباشرة من قانون القدرة مش لازم تقيس المقاومة

القدرة = التيار * الجهد

200 = 2 * الجهد

الجهد = 100

يبقى لو شغلته على الجهد بتاعه 100 هيشتغل عادى بدون مشاكل وهيسحب 2 امبير
لكن لو اشتغل على اعلى من 100 هيسحب امبير اعلى وهيتحرق

طيب احنا بنحاول نعرف هنا المقاومة بتاعه ليه؟
عشان لما يشتغل على جهد مش جهده نقدر نحسب التيار المار فى الدائرة الجديدة كام الن التيار بيتبع الجهد
مش الجهد الذى يتبع التيار
يعنى التيار جاى نتيجة لوجود الجهد ولو مفيش جهد يبقى مفيش تيار
وهمثلها لك بسيارة نقل بتشيل عشرة طن حمولة معنى كده ان اقصى حمولة تشيلها هى عشرة طن
لكن مش معنى كده انها لاتحمل 8 طن مثلا ...لو حملت 8 طن هتكون مرتاحة فى السير لانه اقل من اقصى حمولة لها وبيكون محركها لم يستخدم اقصى عزم له او قدرته
لكن لو حملت عليها اكتر من عشرة طن هيتحرق محركها

( ده الي انت ذكرتو وما اتكلمشي عليه الأخ إلكترون ) عشان نعرف بيشتغل على كام فولت

الهدف من معرفة القدرة انك بتعرف اقصى جهد لو ذكر التيار بس وبتعرف المقاومة بتاعه لانها لاتتغير هى ثابتة وهى التى تحكم العلاقة بين الجهد والتيار على اساس علاقة طردية يعنى لو زاد الجهد يزيد التيار ولو قل الجهد يقل التيار بشرط الايتعدى الجهد اقصى جهد الذى حددته انت من الاصل من خلال معرفتك بقدرته المكتوبة على الجهاز

ولو فيه جهاز تاني انكتب عليه 350 وات 220 فولت يبقى الفيوز الي لازم نحطو ميتعداش 1.6 أمبير صح

دخلتنا انت فى ناحية تانية وهى حكاية الفيوز لان له حسابات تفاوت يعرفها الناس اصحاب الخبرة
بس انت لو حطيت فيوز 1.6 يبقى انت مش هتخليه يشتغل لان اقصى تيار يتحمله =350/220 = 1.6

يعنى الفيوز هيفصل الدائرة وهى شغالة عادى باقصى قدرتها
يبقى نختار فيوز اعلى شوية وده له حسابات اسال عنها اصحاب الخبرة على اساس لو التيار زاد عن 1.6 يفصل واظن بتكون فيه نسبة تفاوت او سماح

شكرا لمرورك بشمهندس اسامه