نوادر التلفزيون والفنين - الصفحة 2

احمدالذقاذيقى · 23-03-2008, 07:04 AM

فى احد ايام الشتاء الممطره اخذت سيده عجوز تليفزيونها الابيض والاسود الشارب ال17بوصه الاصفر
تمتم التمام بعد الاصلاح ووقعت به امام المحل وكانت معتزه به جدا لدرجة انها لم تترك ابنة بنتها تحمله عنها وبكت السيده كثيرا امامى لدرجة اننى احضرت لها جهازين NEC لتختار منهم واحدمنهم ولمحت واحد اصفر شارب فى اخر المحل فابت ان تاخذ اى جهاز الا هو رغم انه بتاع زبون والكل يقنع فيها ابدا الاده يابلاش وهى تبكى وماكان منى الا اننى تركتها واحضرت الزبون صاحب الشارب لارى رايه ربما تصعب عليه مثلى وكانت المفاجاه انه اعطاها الجهاز بتاعه دون مقابل بعد ان تم تغيير مفتاح القنوات له من الجهاز المكسور
والاغرب انها لم تترك الجثه (الجهاز المكسور )
سيده طيبه جدا من بتوع ذمان الله يرحمها

medo_sat333 · 23-03-2008, 08:20 AM

شكرا ع الفكرة الجامدة دي

انا بقي صاحب نوادر كتير قوي كنت من هواة تصليح المتصلح مع والدي في المحل يصلح الجهاز ويقفلة ويسيبني ويوصل اي مشوار امارس هوايتي المحبوية لية جدا افتح الجهاز وابدا في تلميس الاطراف ببعضها الي ان ياتي العيب حسب تساهيل ربنا يسكت خالص يعمل فرت يقطع صوت تحصل فرقعة اي حاجة والسلام اقفلة تاني ولا كاني عملت حاجة ييجي الزبون يستلم الجهاز نيجي نجرب نلاقية طبعا تمام اخد النظرة المعتادة من والدي ويمشي الزبون تحت اي اعتذار واول ما يخرج ابدا الكلام والله بشغلة علشان اجربة بس لقية صورتة مش عجباني قولت اظبطها يدوب فتحتة وملمستوش لقيتة عمل كدة اخد علقة اتحرم من المصروف زي ما تيجي

ونادرة اخري لن انساها جهاز مش فاكر نوعة كان عندي 10او 11 سنة المهم كان تاعب والدي جدا 3 ايام كان طافي باور المهم والدي ساب الجهاز مفتوح وخرج وبدات انا الهواية بتاعتي بس المرة دي جابت جون لقية مكثف قدامي حطيت الفيشة وبدات المس فية الي ان صدمت سمعت صوت وش ببص في المراية لقيت نمش بقيت فرحان جدا طبعا ومنتظر والدي بفروغ الصبر رجع ومعاة اتنين صحابة طبعا بدات الفضيحة قدام اصحابة كنت شقي قوي علي فكرة بقالك 3 ايام فية لية يعني انا عملتة في دقيقة حتي بص وفعلا مصدقش نفسة وكل ما حد يخش المحل اطلع الجهاز اوريهولة وكان نفسي صاحبة ميخدوش دي بقة في الجون كنت شغال في تلفزيون صاحبة خانقني واقف جنبي ومصمم ان عندة حب استطلاع المهم الاين كان قاطع كان دراي في الدرايفر فكل شوية يمد ايدة ع البوردة يعم الحاج هتكهرب يعم اقعد ع الكرسي المهم خنقني فلمحت الدراي وكنت طبعا فاكك سوكت اللاين من الشاشة بلمس علية لقيتة بيخرج روح حاطة جنب ايد عم الحاج ولاحم الدرايفر وحاطط الفيشة في الكهربة وسبتلة علامة في ايدة لحد دلوقتي بس بعدها علاطول خد كرسي وقعد قدام باب المحل شقاوة بقة

مصطفى بحرى · 23-03-2008, 03:00 PM

بسم الله والصلاه والسلام على رسول الله
سبحان الله
كما تعودنا فإن مشاكل هذه المهنه متشابهه
الظاهر من الأمر أن نوادر أصحاب هذه المهنه متشابهه
كل ما حدث مع كل منكم حدث معى بالفعل حقيقه
سبحان مدبر الأمور
إحتمال كبير قوى المشاكل الشخصيه تكون متشابهه

شريف عثمان2 · 23-03-2008, 03:02 PM

واللهى مواقف جميل وذكريات فعلا الواحد يفتكرها يقعد يضحك
انا بقى هحكلكوا على موقف جامد جداااااااااااا

جالى كاسيت كبير بسماعات منفصلة نوعه باناسونيك المهم كان عيبه فاصل صوت فى سماعه

بعد البحث فيه اكتشفت ان العيب فى السماعة نفسها ففكتها ولقي المفاجاة تخيلوا ايه ايه اللى يخلى السماعة تقطع صوت

لقيت جواها فار واكل السلك من جوا وفصله عن السماعه خالص المهم اتخطيت فى الاول بس بعد كده لما لقيته ميت وهيكل عظمى فعادى شيلته فى كيس ولحمت سلك السماعة ولما جيه صاحب الكاسيت
جربته قالى 100 100
وقولته ليك عندى امانة لقيتها جوا الكاسيت ولازم طبعا الواحد يرد الامانات لاصحابها
المهم صاحبنا فرح واافتكر انه فلوس او دهب ولقينا مطلع الفار اتخط ..............................هههههه

الباسم.حسن يوسف · 23-03-2008, 03:27 PM

بسم الله الرحمن الرحيم

أخوتى موقف أخر والمواقف كثيره جدآ

تليفزيون ناشونال 30 قناه مكسور مكان الضاغط الخاص ببرس
القنوات وصاحبه يستخدم الريموت عطل الجهاز فأحضره صاحبه قمت بفك الغطاء وجدت بداخله 16 قلم خاص باولاده اراد أن يأخذهم ولكننى رفضت وأخذتهم للاولاد لانهم كانوا محتاجين أقلام وأخر وجدت بداخل عدد7 أبر خياطه والغريب أنها كانت بجوار اللاين والجهاز لم يكن عاطلآ ولكن كان ضبط الوان فقط

modeconstar · 24-03-2008, 12:49 AM

حضر زبون الى المحل التلفزيون مكسور وكان 20 بوصة الشاشة مكسورة وكان على قدة فواحد تاجر تلفزيونات كان واقف فقترح اقتراح انة يبدلة والتاجر ياخد ال20 ويديلة تلفزيون 16بوصة لظروفة فوافق وبعد ما خدة منة وهوة معدى فى الشارع وشيلة قال اجى ابرمجة قالة الفنى الموجود هوة متبرمج قال لازم تشوفة وهوة داخل المحل اتكعبل فى العتبة وقع التلفزيون فنكسر يبقى كسر تلفزيونين فى يوم واحد الله يعوض علية .

mohamed_fathy · 24-03-2008, 02:12 AM

انا سعيد بهذه الفكره وان شاء سيكن لى المزيدمن النوادر لان عملى فى هذا المجال فى الريف وما ادراكم من الريف انى حبكم في الله محمد الحاوى

fathy_electric · 24-03-2008, 07:48 AM

اغرب من الخيال جاانى العميل وهو مستعجل كان بيتفرج على المتش والجهاز قطع قومت بالكشف على الجهاز فوجت انة لايوجد شاسية فى الجهاز قومت باغلاقة واخبرتة اجرى على التوكيل بسرعة