اانا معك فى كلامك كلة يبقى الاختلاف فى طريقة العمل وان كنت انصح من يجد سعر الدائرة غالى
فعلية ان يصنعها كما طلب الاخ ielshmaa وهى شغالة يااخى الكريم ويكفى انى عارضها للبيع اكبر دليل على صحه عملها وانا موجود لاى استفسار يطلب فية اى من الاخوة المشكلة التى قابلتة فى خطوات التصنيع حتى لا تكون غالية عليكم ( وان كنت اجد انها مازلت رخيصة والسعر المعروض مازل رخيصا ) ( ماذا سوف تقولون لو صنعت الدائرة التى تعمل فقط بال USB داتا وباور )
والتى ثمن قطع الغيار بها فقط يتعدى ال 900 جنية ( مازلت بدون رسم الى الان )

اما بخصوص اكبر شركة صيانة فى الاسكندرية هذا ليس عيبهم انه اعذرونى عيبا فيكم انتم يا متخصصين الصيانة فعملية الهوت فلاش كنت اعمل بها منذ خمس سنوات
اما اذا ما طلبت البوردة عملية التحديث فحدث ولا حرج منذ ظهور اول مشكلة بايوس منذ عام 1997
انا اتحدث عن 9 سنوات مضيت وعملية تحديث البايوس عن طريق ديسك

يجب عليكم عدم الاعتماد على مصدر واحد للمعلومات وان كان اكبر مصدر لديكم
( بصراحة اثرت استغرابى لمحافظة كبيرة جدا مثل الاسكندرية ولا يوجد بها متخصصين كافيين لها

عذرا لما سوف اقول
اذا كنتم الان تتحدثون عن الهوت فلاش الان والاخرون فى العالم يتبارون فى اختراع احدث الانظمة واسرعها واقلها تكلفة ( دائرة الشحن Usb ثمنها منذ اربع سنوات كان يتعدى عشرة الاف جنيها
هذا الرقم ليس مبالغ فية ( ساعتها كان الدولار ب 3.5 مصرى )
الان توجد على النت دائرة مثيلة لها لم تتعدى ال 100 دولار بما يعادل وقت الدائرة القديمة اذا كنا نحافظ على قوة الجنية ( يادى السياسة الى موديانى فى داهية ) لكانت الدائرة لن تزيد عن 350 جنية مصرى
اخى الكريم لا تنظر الى الوراء انظر الى الامام
اذا اعتمدت على الماضى فلن تسرع فى المستقبل جرب وتعامل مع الجديد حتى تفكر فيما هو اجدد
هناك رسومات الدائرة كاملة فقط جربوا ولن تخسروا الكثير كما قلت لكنك قد تصل وقد لا تصل
لكنك حاولت ولسوف تاخذ خبرة كبيرة فى الالكترونيك اذا ما حاولت
اعانكم الله على ما تبتغون ووفقكم فى ما تعملون
عذرا على الاطالة ( خرجت ردودى عن الموضوع لكنه فعلا شغل تفكيرى )

تحياتى للجميع
والسلام عليكم ورحمة الله

شكرا جزيلا للاخ صلاح يا ريت توضيح الجزء الخاص بالكنفيتر من البيوس المستطيل الى البيوس المربع لانه غير ظاهر فى تفاصيل رسم الدائرة و شكر و ان شاء الله السعر الجديد هايكون مفاجاه للجميع
و كل سنه و الاخوة الاعضاء و المشرفين فى المنتدى بخير و سلام

السلام عليكم ورحمة الله
اخى الكريم كل الملفات كاملة فى الموضوع
واذا لم تجد الملف فقط ارسل لى على بريدى وارسل لك الملف المطلوب
واذا لم تجدنى عليك بالموقع الرسمى للدائرة علية كل شىء
www.willem.org
اما بخصوص سؤالك هل قام احد بصنيعها
اقول لك انى اصنعها ( يعنى شغالة وتم بيعها الى كثيريين فى المنتدى هنا )
واعانك الله على ما تبتغى ولى رجاء عندما تصنعها وتضعها للبيع فقط اعلمنى بالاخبار
سعرها وكفاءة ( واذا واجهت مشكلة فقط اتصل بى لكى اساعدك )

بالنسبه للاخ صلاح والاخ مصطفى خلاصه القصه كلامك صحيح وكلامه صحيح وكل الطرق بتؤدى الى روما زى ما صاحبنا قال ولكل شيخ طريقه وانا مجرب الاتنين وما اقدرش اقلل من اى واحده فيهم خبره 5 سنين فى الموضوع ده ......... لا تعليق

hالسلام عليكم ورحمة الله وبركاته
الدائره الخاصه بصلاح باشا شغاله بشكل رائع معى حتى الآن وانا مستمر فى التجارب عليها حتى الآن

أين البرنامج يا باشا؟؟؟؟؟؟
مشكوووووووووووووووور

بالنسبه لطريقه شحن البيوس على المزر برد انا شغال عليها بقالى فتره كبيره وبشكل سريع وممتاز بس على الدس علشان البرنامج الى على الويندز بيعمل مشاكل مع بعض البيوسات واما بلنسبه لدائره الشحن الايزو لوكان سعرها مناسب انا ممكن اشتريها لان المشكله الوحيده الى ممكن تقابلنى فى شحن البرد هى الشرايح ال512 الى على البرد vIA لانها مبتقبلش شحن اما بقيه البرد فلو الشريحه مقبلتش تتشحن بجيب شريحه برده تانيه واشحنها بس بشرط ان الشريحه دى تكون نفس المساحه ومن برده نفس نوع الشب يعنى الانتل تكون انتل والفيا تكون فيا

السلام عليكم ورحمة الله وبركاتة
كلامك جميل بس فى مأخذ واحد فقط
الشيب ليس له علاقة هنا بالموضوع يعنى مثلا فى بورد تحمل شريحة flash وفى بورد تحمل شريحة FWH والاتنين بيعملوا على الvia المهم هنا فى عملية الشحن مبتكنش الشيب سيت المهم هنا فى ايسى ITE او WINBOND او SMS والانواع التلاتة فيهم ارقام بتقبل الفلاش وارقام بتقبل الفيرم وير والاختلاف بين الفلاش والفيرم وير كبير فى عدد الارجل الى بتكون ليها علاقة بالشحن بمعنى ادق
ممكن تحمل من على النت الداتا شيت بتاعت الارقام التالية من نفس الشركة
SST39SF020A
SST49LF020A
الاتنين ميركبوش مكان بعض ومتشحنوش على بورد بعض

زى بروضوا شوف تقارب الارقام
Winbond W49F002
SST49LF002
وبرضوا معاهم
winbond W49V002a
الاختلاف هنا ان Winbond W49F002 فلاش
و SST49LF002 فيرم وير ( دى بتشتغل على ITE و WINBOND
و winbond W49V002a فيرم وير برضوا بس دى مثلا متشتغلش على ITE

الاختلافات كتير والبدايل قليلة فعلا والعملية بتاعت الهوت فلاش مننكرش انها مهمه جدا
لكن على رأى الحديث النبوى الشريف اذا حضر الماء بطل التيمم
ومننكرش برضوا ان فى حاجات منعرفش نشحنها بالهوت فلاش اطلاقا الا بوجود نفس البوردة
والكلام فى الموضوع اخذ اكتر من حقة وانا فعلا مشفتش فى المنتدى هنا
وبالارقام غير ثلاثه فقط من حاولوا تصنيع الدايرة
ولكنة شوفت اكتر من خمسة هنا مرتبطين بعملية الهوت فلاش بطريقة لصيقة
واعتقد انهم محاولوش يصنعوا الدايرة سواء كانت الويليوم او الايزو
وانا بقول من هنا الى هيحاول يصنع الدايرة ومعرفش يشغلها وفيها مشاكل معاه يتصل بيا ونحدد معاد ويجيلى وانا اصلحلة البوردة وببلاش بس يكون فعلا حاول ويجيليى والدايرة كلها راكبة وانا اشوفلة العطل فين ان شاء الله والقطع الى غلط او بايظة عنده من عندى هدية ليه مكافأه منى لية على سيعيه

واسمحولى الموضوع اخذ اكتر من حقه وياريت نبطل نتكلم فية ونحاول بجد اننا نصنع الدايرة
وعلى فكرة جميع قطع غيار الدايرة وطبعها مبتكلفش اكتر من 150 الى 200 جنية باغلى المكونات
واعتقد ان الثمن ارخص من انك تركن بوردة عشان تعمل عليها هوت فلاش

والسلام عليكم ورحمة الله