ركب صمام عدم رجوع (شيك بلف ) قبل الموتور واذا كان راكب راجع عليه
وحاول تضبط الاتوماتك صح المفروض لما الضغط يكون صفر يكون الموتور شغال

اشكرك على المتابعة جزاك الله خيرا
الشيك بلف راكب بقاله فتره ممكن يكون محتاج يتغير
المؤشر بيوصل للصفر وانا فاصل الموتور لانى بكون بره البيت فبفصله احتياطى
وتظل المشكلة الرئيسية انه ساعات بيفضل شغال وميفصلش رغم انه بيشتغل ويفصل بصورة طبيعية اغلب الوقت

حيرتنى أخى المعلومات الغير كاملة تحصل منها على اجابات خاطئة
فك الصامولة الصغيرة (الموجودة على المسمار القصيرة) وأعد ضبط الاتوماتيك مرة
آخرى من الصامولة الخاصة بالمسمار الطويل اللى بيركب عليه الغطاء الخارجى
وراجع على ضغط البالونة من 24-28 بار هواء
وبعد الضبط الصحيح اترك التيار واصل لا تفصله

ولا حيرة ولا حاجة اخى الكريم
المشكلة الرئيسية زى ما قولت فى اول مشاركة انى فجأة بدون اى مقدمات بلاقي الموتور شغال بدون فصل نهائى
لازم ارفع سكينة الفصل يدوى(ومعنى انها تترفع ان الموتور رفع الضغط المطلوب ومع ذلك مفصلش) او افصله من المفتاح
علشان كده بفصل المفتاح لو مفيش حد فى البيت
لانه لو اشتغل لاى سبب زى ما ذكرت (انى بلاقى المؤشر على صفر بدون استهلاك) ومفصلش هيتحرق
عموما هعمل زى ما حضرتك قولت اشوف الشيك بلف لو محتاج يتغير و اشوف ضغط البالونة