بسم الله السلام عليكم
اخى اين البيانات .. اسماء المتكاملات فى بوردة البورسبلاى - صورة واضحة لبوردة البورسبلاى - اسم الجهاز الذى به البوردة .
مع توضيح ماتسألأ عنه q100 بصورة واضحة .
ننتظر ردك و شكرا

السلام عليكم
اخونا مهندس السعدنى
جزاك الله كل خير على ماتقوم به من عمل
رجاء كتابة اسم الموقع الذى تقوم بتنزيل مخططات الباور منه حتى نبحث بانفسنا عن مانريد
وخدمة اخرى
ماهى اشهر ايسيهات الباور للشاشات ال سى دى للماركات المشهورة مثل باناسونيك وال جى وسامسونج
ولك جزيل الشكر

بسم الله السلام عليكم
اخى العزيز اذا لم تبحث فلن تحصل على شىء . من المؤسف ان ماتطلبه قد انزلته مرات فى مشاركات تخص المساعدات الفنية التى يحتاجها الفنى و هى موجودة على المنتدى فابحث عنها و ستجد فيها اهم المواقع التى تحصل منها على معلومات .
اخى الفاضل قرأت لك مداخلة اخرى تبحث فيها عن اهم متكاملات البورسبلاى المتواجدة و انت لم تبذل اى مجهود للبحث و التعرف على هذه الدوائر و النت كتاب كبير مطلوب من الجميع البحث فيه و الوصول الى كل جديد فيه . و لو دخلت الى المشاركات التى تخص البورسبلاى و اصلاحه ستجد الكثير من هذه المتكاملات تحصل عليها بدون طلب من الاخرين وتضع بها فكرك ,
اللى قولته توجيه من اخ كبير يريد لك ان تتقدم و ان تعطى و من يعطى يجب ان يبذل مجهود مضاعف اكثر من الاخرين و اعرف انك تساعد الاخرين و تعلمهم و هذا شىء جميل اتمنى لك مستقبل تضيؤه بعمل تنفع به الاخرين و تنع به نفسك .
تمنياتى لك بالتقدم

جزاك الله الف خير
كان ممكن تنزل رابط الايسيهات بدون النصايح الغالية من حضرتك لانى والله مش من النوع اللى بيتواكل او يعتمد على الاخرين فى البحث عن شيئ يحتاجه
ويكفى اعرف حضرتك انى بحضر فى الموضوع اعتمادا على المراجع الاجنبية صار لى 6 شهور
عموما جزاك الله خير مرة تانية

بسم الله السلام عليكم
انت زعلان علشان اخ كبير بيوجهك الى عمل الصح و الخير لا ربما يكون دافع لك لتعطى اكثر مما يتوقع الجميع ... وانا لا اهاجم و لكن انصح بحكم السن (70سنة) و بحكم الخبرة و بحكم حب الخير لك و للجميع .
مرة اخرى اوعى تكون زعلان اخوك الكبير بينصح فقط و لا يهجم و لا يتعالى على احد من خلق الله ... جزاك الله كل الخير .
تمنياتى لك بالتوفيق

جزاك الله خير وربنا يديك طول العمر وينفع بك الناس
انا بس زعلت لما حسيت ان حضرتك تخيلت انى بتساهل وبسال بدون ماتعب
لانى مش من النوع ده فعلا والله احياننا اقعد اسبوع ابحث عن ملف وبتحرج اسال حد
وعشان ادى فكرة لحضرتك عن الموضوع انا لست فنى صيانة انا مجرد مهندس
لاعلاقة لى بالضيانة سوى رطوش عن الالكترونات وموضوعاتى لمجرد المساعدة للاخرين وحبا ايضا فى التخصص والصيانة بالذات موضوع جذاب جدا مع انى لم امارسه الا قليل
الموضوع انى بعمل دورة بسيطة عن الشاشات لمجموعة من الاخوة على الفيس بوك بحضر فيها منذ 6 شهور فحبيت طلب المساعدة فى موضوع الايسيهات لانى فعلا لم امارس الصيانة كما قلت لحضرتك
وعموما حصل خير والف شكر على ردك واخوك الصغير برده 57 سنة

بسم الله السلام عليكم
الظاهر لا محبة الا بعد عركة (بضحك) انت و الحمد لله شخصية محترمة و انا من طول تدريسى للناس تعودت على انى ازق الناس علشان تخرج اللى عندها و انت و الحمد لله اعتقد انك بزيادة المجهود حتتقدم اكثر لان المهم ان يكون فى مخ بيتحرك و يفكر و الباقى سهل . و دائما اللى يمد العون للناس ربنا يسهل له الطريق و خلى بالك انك كثير من الاعضاء بيبزلوا مجهود لكى يصلوا و انت امكانياتك اكثر بس واظب و ابذل المجهود تحصل ان شاء الله على الكثير . و انا و الله لازلت اتعلم الى الان و اى واحد يقولك انه علامة فهذا كاذب و جاهل لان العلم مالوش حدود و مااوتيتم من العلم الا قليلا .
تمنياتى لك بالتوفيق

ربنا يبارك فيك
واتشرف بمعرفتك واشكرك على نصايحك ومن ناحية الزق فانا مش محتاج زق والله لانى مش عاوز احكيلك اد ايه انا بدرس فى موضوع الشاشات ده كل يوم مش اقل من 6 ساعات قراية والحمد لله قطعت مشوار لاباس به وبمساعدتك ومساعدة الاخوة هكمل ان شاء الله
ويارب يديم المعروف والمحبة بينا وبين جميع الاخوة