تشكر جهودك اخي الكريم

لا شكر علي واجب
المهم وضوح الفكره لاهميتها مش مجرد قوانين وحسابات

مما سبق تعرفنا علي ان التيار المستمر هو الافضل لعمل التحليل الكهربي
تعرفنا علي اهمية تحديد التركيز ( المول) وده مهم في تحديد حجم الغاز الصاعد V=n.22.4
كما علمنا كيفية الحصول علي الشحنة الكهربائية وهي هتدلنا علي تحديد التيار والزمن
بمعلوميه القانون Q= I .T من خلال امكانيتنا نحدد هل التيار المتوفر لدينا قيمته اد ايه ؟ او لو احنا عاوزين نحدد زمن معين يطلع فيه كميه محدده من الغاز يبقي نفترض الزمن بالثانيه والناتج يكون قيمة التيار المطلوب
يعني الامور متوقفه عليك انت وعلي غرضك من التجربه او العمل هذا
كذلك حجم الغاز الناتج من صفيحتين فقط يساوي تركيز المحلول او عدد المولات مضروب في 22.4 لتر في ظروف درجة الحرارة لا تزيد عن 25 C ولا يزيد ضغط الغاز عن الضغط الجوي
وذلك موضح بملف الاكسيل كلما تغير نسبة تركيز المحلول كلما تغير انتاج تصاعد الغاز ويترتب علي ذلك زياده او نقصان في الزمن والتيار
انتبه
التيار المستخدم ليس هو الفعلي لابد من قسمة التيار علي الجزر التربيعي لرقم 2 او اضرب التيار المستخدم في رقم 1.4142 ليعطيك التيار الفعلي العملي للخليه وهذا من الامور المهمة يعني لو عندي تيار 20 امبير يبقي المصدر اللي باخد منه هيكون 20 ضرب 1.4142 يساوي 28.284 امبير وهذا ينطبق علي الجهد
يعني لو عاوز ازود الخليه بجهد مقدارة 12 فولت يبقي اعطيها 17 فولت
كمان يوجد نقطه مهمه ان كان مصدرك دائرة اليكترونيه يبقي خد في الاعتبار ان مهندسي الاليكترونيات بيعملوا حساب ان الدائرة تكون ثلاث اضعاف التيار المسحوب منها
يعني لو الخليه شغال علي 10 امبير يبقي انا عاوز دائرة قوتها 30 امبير
والله اعلي واعلم

مما سبق من التحليل الكهربي للماء ( جزء الكيمياء )
الملخص:
نحدد نسبة كتلة الماده المستخدمة ( هيدروكسيد البوتاسيوم ( بوتاس ) او حمض الكبريتيك (مايه نار) و او اي حاجه انت عاوز تجربها ) لتحديد تركيز المحلول و بعدها شوف الامكانيات المتاحه لك وغرضك من هذا العمل وحدد معطياتك وهي مقدار التيار والجهد والزمن وحجم الغاز
سؤال عاوزين نربط الكلام ده بالناحيه العمليه ؟ نجد عشان تخرج برابط بين الكلام ده والناحيه العمليه هي الفيزياء الكيمائيه عندها الحل
انا بقول كده عشان الناس توسع من معرفتها واحدد لها تدور فين للاطلاع والتوسعه
وكمان هنكمل علي الموضوع بالقوانين الفيزيائية الكميائيه اللي هي مدخل للجزء العملي الفعلي واساس التجربه
ونلتقي ان شاء الله كما ارجو المشاركه وتفاعلكم معنا

مشكور اخي الفاضل
هذا الموضوع غني بالمعادلات الدقيقة

عندي سوال لك من بعد امرك

هل لديك تجربه عمليه اسندتها الى هذه المعادلات وطابقتها بشكل فعلي
تقبل مروري

زادك الله من علمه

من شروط الشحن الجيد ان لا تتجاوز درجة حرارة المحلول الكهرليتي عن 35C
وفي هذه الحاله هنعتمد علي قانون عدد المولات في ظل ظروف غير قياسية n=PV/RT
حيث T درجة الحرارة في بالكلفن
P = الضغط بوحدة الباسكال
R= ثابت الغاز العام
V=حجم الغاز

نعم عملت تجارب ناجحه واستخرجت غاز كويس بس انا عملت التجربه دي عشان احصل علي مصدر نار اشغل بيه محرج انا الان بعمل عليه وهو ناشئ من محركات استرلنج وكمان بعمل علي تجارب خليه وقود اما خليه الهيدروجين والفصل بينهم انا انتهيت منهم خلاص لهذين الغرضين
وبعمل الان علي تكسير روابط الماء بدون محلول اليكتروليتي بترددات معينه مثل تجربه استالي ماير وربنا يوفق
بس كل اللي بكتبه الان وتحديد المصادر جاء بعد تجارب ولعدم المعرفه التجارب نجحت بس مش فاهم حاجه ولا عارف اذاي اطور الموضوع مجرد تجربه عملتها وخلاص وانا الان بنفخ البلالين بيها للاولاد بالبيت وفي ناس كتير استخدمتها كوقود مساعد بالسيارات لتوفير اقصي نسبة سمعتها 30 بالمائه وانا قادر علي عمل اي خليه الرك علي كمية الغاز المطلوبه وفي ايه؟
كمان ممكن تشغل بيها مولدات كهربائية او موتوسكل ده في احسن الحالات وناس كتير الان عارضه الموضوع للبيع وتليفوناتها معروضه علي صفحات الفيس بوك
انا من ناتج تجربتي ارشح الفهم قبل اداء التجربه عشان الموضوع تجربه والسلام
وعشان الناس اللي مستعجله تطرح اسئلتها وانا ان شاء الله هجاوب عليها اما اللي عاوز يفهم مثلي يتفضل نتشارك ما بيننا من معلومات
انا بحاول اجمع الموضوع كله من كل جوانبه لتشعب الموضوع وللوصول الي اكبر استفاده منه
الشطارة في انك باقل تكلفه تقدر تحصل علي اكبر كم من حجم الغاز وليس فقط الحصول علي الغاز والسلام

كلام صحيح رائع
بما ان البدايه حتكون كدة فانا بقولك اكيد النهايه هي النجاح الكبير ان شاء الله
بالتوفيق اخي الكريم وانا بانتظار ردودك النيرة