اولا احييك على المتابعة واكتشاف العطل وثانيا افضل ان تقوم بتركيب فيوز بد التشعير ولى سوأل هل البريدج اللى تلف غيرتة بواحد نفس القيمة ولا اكثر قليلا ,
وبالنسبة للـIRF630 انا لا أفضلة ان يكون جديدا لان معظم الجديد ردئ الصنع افضل ان يكون من بوردة تقطيع وكما انى افضل FS10KM اكثر .الخطوط اللى ظاهرة عندك اسمها خطوط الرجوع ودى سببها زيادة فى الاسكرين فكل ما عليك انك حاتووطى الاسكرين شوية من خلال البوط االلى فاللاين(اللاين فيه 3 بوطات الاول والتانى فوكس والتالت هو الاسكرين) حتلف الاسكرين فى عكس اتجاه عقارب الساعة او العكس لحد ماتتظبط معاك الصورة.
يفضل اعادة اللحام على بوردة سوكت الشاشة واللحام ايضا فى منتطقة اللاين خاصة اللاين نفسة والترانزستور وايسى الرأسى.
قم بمراجعة جميع اللحامات والله الموفق والمستعان.

مشكور اخي الفاضل علي مجهودك فلم اصل الا بنصائحك ولك جزيل الشكر
البريدج اللي غيرته اكبر كثيرا فلم يكن عندي غير 6 امبير ونسيته تماما عندما رحت باب اللوق وهل ال 6 امبير يقوم بتسخين المكونات ويجب تغييره؟ بالنسبه للخطوط هي مش خطوط علي الصوره لا هي الصوره بتقلب اسود والخطوط بالعرض بيضاء مائله قليلا ولكن كثيره في الشاشه وهل لها امكانيه تجعل بورده اليوك تصدر صوت زنه خفيفه مع العلم اني قد رفعت اللاين وركبته مره ثانيه
اما بالنسبه لل irf630 سوف ابحث عن ال fs10km

اخي المهندس محمد قمت بعمل ما قلته لي وهو تغيير irf630 بموسفت fs10km وتركيب بريدح 2 امبير وفيوز بدل التشعير واعاده اللحام علي سوكت الشاشه وكل ما اجده يحتاج لاعاده اللحام وقمت بتشغيل الشاشه اشتغلت طبيعي جدا ولكن اجد المبرد الخاص بايسي الراسي يسخن ودايود d951 بيسخن جامد جدا لدرجه انه بيلسع مع العلم ان المكثف الكبير الاليكو لا يقوم بتخزين كهرباء بعد ايقاف الشاشه وجدت الفولت به بعد فصل الكهرباء 20 فولت
هل شخونه الراسي والدايود d951 والمكثف الكبير الذي لا يخزن كهرباء مشكله اخري؟ام شئ طبيعي؟؟؟؟؟

كده عدينا 90% من المشوار يبقى اللى فاضل هو ضبط الكهرباء بس قبل ما تعمل اى حاجة عايزك تقلل الاسكرين على قد ماتقدر بحيث تفضل الصورة جيدة وتشوف هل السخونة قلت ولا لاء وبعدين نشوف ايسى الرأسى يرجى قياس جهد تغذية ايسى الرأسى على بن 3 لازم يكون فى حدود 13 فولت لو لقيت القيمة متغيرة راجع خط ال 13 فولت بداية من الشوبر وكما افحص فالباور سبلاى المقاومةr911 وقيمتها 20 اوم والدايودين 904 و906 ثم قم بقياس الجهد على البن رقم 7 لازم الجهد يكون فى حدود 45 فولت لو اعلى او اقل راجع خط ال 40 فولت الخارج من اللاين وتأكد من سلامة المكثف C601 وحاول تأكد من سلامة المقومات والمكثفات والموحدات فى الجزء المحيط بأيسى الراسى مع التأكد من سلامة المكثف الكيميائى بجوار FS10KM والمكثفات الكيميائية الخاصة بتنعيم جهد ال13 فولت بعد الشوبر.اخر احتمال هو ايسى الرأسى نفسه وربنا يوفقك.

مشكور اخي المهندس محمد علي اجتهادك معي جزاك الله خير
لدي بعض الاستفسارات قلت لي قبل اي حاجه اقوم بتقليل الاسكرين وتكون الصوره جيده هل ستكون السخونه اقل ام لا معني ذلك يتوقف عليها بقيه الفحص؟بمعني اخر اذا كانت السخونه هي هي في التقليل او العلو في الاسكرين يفرق في نتيجه الفحص او يدل علي شئ معين؟
خط ال 13 فولت من بدايه الشوبر اراجعه ازاي واين هو؟
خط الاربعين من اللاين اراجعه ازاي ؟
بالنسبه للمكثفات السيراميك بجوار الرأسي كيف اكشف عليها؟؟؟؟
المكثفات التي بعد الشوبر قمت بمراجعتها بطريه عرفتها من صديق وهي فصل المكثف والقيلس بالبازر سوف يشحن من جهه وعندما تعكس الاطراف تسمع صوت بازر ثم يفصل ويعطيك قراءه وبكده يكون سليم هل هذه الطريقه صحيحه؟بالنسبه للمكثف الذي بجوار ال fs10km قمت بتغييره لاني وجدته في البدايه منتفخ اللي رقمه c744
بالنسبه للايسي الرأسي اذا كنت اريد ان اتأكد منه اولا هل يمكن رفعه من الشاسيه وهل هناك طريقه لفحصه لمعرفه اذا كان سليم او تالف
اعتذر ع الاطاله

بص ياباشمهندس انا عايزك تسيب الشاشة شغالة على الاقل ساعة متصلة وممكن يكون موضوع الحرارة دة طبيعى بالنسبة لموديل شاشتك. انت معاك السيرفس بتاع الشاشة ودا حايساعدك جدا فلى انا بقوله،بالنسبة لتقليل الاسكرين دا حايقلل درجة الحمل على اللاين وبالتالى حاتقل درجة الحرارة فالجزء ده اما بالنسبة لخط ال 13 فولت حاتبدأ فحصة من البن رقم 3 فى ايسى الرأسى حاتلاقى البن متصل بمقاومة R603 افحصها وتتبع الخط اما بالنسبة لخط ال 40 فولت حاتفحص من البن رقم 7 فى أيسى الرأسى بقياس المكونات وعلى الخط ده لحد ما تصل للبن ال40 فولت من ترانس اللاين نفسة.
بالنسبة للمكثف السيراميك دا قيمتة قليلة فجهاز الافوميتر الانالوج مش حاينفع لازم جهاز ديجيتال.

اخي المهندس محمد لقد فعلت كما قلت لي ووجدت 14 فولت علي رجل3 لايسي الرأسي ووجدت علي الرجل 7للايسي 38 فولت وليس 45 ووجدت كل مانصحتني بفحصهم كلهم ولا يوجد مشكله وعندما قللت الاسكرين وجدت السخونه علي الدايود d951 خفت عن السخونه الاولانيه ولكن مازالمبرد ايسي الرأسي وترانزستور الافقي يسخن جدا فهل هذا طبيعي ام ماذا؟؟؟

القياسات دى مش وحشة بس زيادة للأمان قم بقياس الفولت على كوليكتور ترانزستور اللاين ودا حاتعملة بإنك تضع الطرف الاسود للأفو على المبرد والطرف الاحمر على الطرف الاوسط (C) لترانزستور الاين.والجهد المفروض يتراوح مابين 60 و90 فولت كما يفضل تغيير ترانزستور اللاين J6810 بواحد تانى ويفضل نفس الرقم وان لم تجدة قم بتركيب:

1- 2SC5043 او

2-BU2527A او

3-TT2062