شوف ياأخ أحمد ... واضح إن الصورة مش كاملة عندك
إقرأ الموضوع من أوله لو عايز الصورة توضح
أو رجاء
إذا كان إنت عندك دائرة لإختبار سلك نت طوله 100 متر ممتد بين منزلين ... وبدون فك السلك ... وهذه الدائرة لاتعتمد على أى ic رجاء التكرم بنشرها هنا فى هذا الموضوع مع الشرح... وسنكون جميعاً سعداء بها
وعلى فكرة أنا مابتجيلش تهيوءات ولاحاجة ( وسبق وشرحت لك فائدة 4017)

تحياتى

من عينى حاضر هعملها وانزلها لك

السلام عليكم



طبعا القطعة الثانية بتتركب على الطرف الاخر من السلك وفائدتها انها بتعمل لك شورت مع كل سلكين جنب بعض
والطرف الذى ناحيتك عددهم تمانية بتركب اربع ليد مع المفاتيح على اربعة والاربعة الاخرين بتربطهم مع سالب البطارية

الدائرة دى بتفحص اذا كان السلك مقطوع او سليم


اما هذه الدائرة فتفحص حالة السلك وترتيبه فى نفس الوقت


حيث كل مفتاح مرتبط بليد خاص به
فمثلا اذا ضغطت على اول مفتاح علوى ولم يضئ الليد الاحمر او اضاء ليد اخر تعرف ان الترتيب غير مضبوط وهكذا على باقى الليدات



اى خدمة

الدائرة الثانية طبعاً سليمة ... وهى نفس فكرة الدائرة (ذات ال 4017)
ودائرتك تكون أفضل فى الحالات الآتيه
إذا كنت لاتعرف كيف تتعامل مع ال ic ( تحديد أطرافه ... تركيبه فى pcb)
إذا كانت 4 ضغطات على 4 مفاتيح أفضل من ضغطه واحده على مفتاح واحد
إذا كان بيتهيأ لك إن السويتشات أرخص من ال ic
إذا كان بيتهيأ لك إن السويتشات بتطلع سحر
إذا كان بيتهيأ لك إن المنتدى ده هدفه تجنب إستعمال ال ic

أى خدمات

تصدق فعلا انا غلطان انى عبرتك ورديت عليك

ليه يابو حميد كده.... مش هو ده كلامك .. أنا بس إستعرته منك ... هو أنا جبت حاجة من عندى ....عرفت دلوقت إن الرد بإستخفاف بيضايق .... ولا إنت من حقك تتكلم بأى إسلوب يعجبك دون مراعاة لآداب الحوار

عاوزك ترد رد منطقى لانك متهيالك ان 4017 دى بطلع حاجات سحرية

هو الكلام إلى بالأحمر ده مش كلامك ياعم أحمد

طبعا كلامى ومازلت مصر عليه لانك تخيلت ان 4017 و 555 لايمكن استبدلهم بمفتاح عادى وتخيلت انها اساسية فى اختبار ترتيب الاسلاك
بدليل اخر رد لك

وقلت ان الصورة مش واضحة عندى وانى لم اقرا الموضوع من اوله وطلبت دائرة تعمل بدون الاى سى السحرية بتاعك
وطلبت تنزيلها والتكرم بالشرح وانك هتكون سعيد
فلما نزلتها انصدمت حضرتك وبدات فى السخرية بدل ماتشكرنى على تعبى واهتمامى بالرد عليك

هذه ليست اخلاق المسلم يااخ احمد

خلاص خلتنى كمان مش مسلم...
وأنا إتصدمت لما إنت حطيت الدائرة أم مفاتيح
طيب ماشى ... يبقى إنت رأيك نستبدل الآيسهات بمفاتيح (ماهى الدائرة هاتشتغل)
ونلغى الجرس بتاع الباب ونخبط بإيدينا ( ماهو الباب هايفتح)
وهكذا...
يأخ أحمد أنا عارف إن هناك طرق كثيرة لفعل نفس الشىء...
وعارف إن ممكن نعمل دائرة بسويتشات
تعرف كمان أن ممكن نستغنى عن السويتشات؟
ولكن ليس هذا الهدف من الإلكترونيات
الإلكترونيات تسهل هذه الأشياء... فنحن دائماً مانبحث عن دوائر إلكترونية تقوم بعمل جزء من العمل اليدوى بطريقة أسهل وأسرع وأشيك وأقل تكلفة.

وأنا والله صدمت لما رديت عليا فى البداية رد جاف وقلت ( بيتهيأ لى ... وبتطلع سحر) ... وكان الرد اللين أفضل ... خصوصاً إن الدائرة دى مش أنا إلى مألفها.. ولا حتى أنا إلى جبت الرابط بتاعها فى هذا الموضوع ... وإنما صاحب الموضوع وضع رابط لها وطلب المشورة.

وكان ردى الأخير هو مجرد إقتباس لكلماتك لكى تدرك وطأة هذه الكلمات (فهل كلماتك ليست كلمات مسلم)
بالتأكيد إنت مسلم
وأنا كذلك مسلم
والله سبحانه وتعالى يقول (وإن كنت فظاً غليظ القلب لإنفضوا من حولك)
وعفا الله عما سلف
ولعلها تكون بداية لصفحة جديدة من علاقة المودة والإحترام المتبادل
تحياتى