السلام عليكم ورحمه الله وبركاته
الاخ هاني tv
انا برده اللي كلامي مليان اخطاء ولا يعتمد علي اساس علمي ؟

طيب انظر الي نص حديثك

اولا سيادتك تشرفت و قولت بان التردد سوف يختلف باختلاف تيار البطاريه
( و ليس الفولت)
سيادتك الم تسمع عن قانون اوم و ما التيار الا هو ناتج عن فولت يمر بمقاومه
و اى بطاريه ينخفض التيار الناتج منهاالا و انخفض الفولت
و ما معنى اساسا اختلاف التردد باختلاف التيار
كلام غير علمى) انتهي النص

والرد عليه بانك وقعت هنا في اخطاء

اولا جنابك بتقول ان قانون اوم وما التيار الا هو ناتج عن فولت يمر بمقاومه هل هذا كلام علمي يخص قانون اوم ؟ هل هذا ما ينص عليه قانون اوم؟
اليك نص قانون اوم

(معدل فرق الجهد الكهربائي بين طرفي موصل يظل ثابتا بالنسبه لشده التيار عند ثبات درجه الحراره )

يعني V/I= a constant=R
حيث ان الــــV تشير الي قيمه فرق الجهد الكهربي مقاسه بوحده الفولت
وتشير الـــ I الي شده التيار الكهربي مقاسه بوحده الامبير
وتشير الـــ R الي قيمه المقاومه مقاسه بوحده الاوم
ويمكن اعاده ترتيب اطراف المعادله لتصبح
V=I*R
I=V/R
R=V/I

واليك علاقه المقاومه بدرجه الحراره

درسنا ان هناك اختلاف في قيم المقاومات بالنسبه لدرجه الحراره فهناك مقاومات لها معامل حراري موجب ( PTC ) POSITIVE TEMPERATURE COEFFICIENT

وهناك ايضا مقاومات لها معامل حراري سالب ( NTC ) NEGATIVE TEMPERATURE COEFFICIENT
واليك يا اخ هاني كيفيه حساب المقاومه عند تغير درجه الحراره ( T)

اذا افترضنا اننا نتعامل عاده مع معدل درجات حراره محدوده نسبيا بين 0 و 100 درجه مئويه
يمكننا اذا حساب اختلاف قيمه المقاومه باخلاف درجه حرارتها وفقا للمعادله الاتيه

Rt=R0(1+at) عزرا اخي لانني اكتب ما درسته بلوحه المفاتيح ولا اقتبسها من مواقع الامر الذي يسبب اختلاف في بعض الرموز فاليك التوضيح
Rt هي قيمه المقاومه عند درجه حراره معينه
R0 هي قيمه المقاومه عند درجه حراره 0 درجه مئويه
a ثابت خاص بالمعامل الحراري ( فالمقاومه الكربونيه لها معامل درجه حراره -0.0005 مثلا ) T درجه حراره المقاومه

فلو افترضنا وجود مقاومه كربونيه قيمتها 2.2 كيلو اوم عند درجه حراره 0 درجه مئويه فانها ستصبح قيمتها عندما يرتفع درجه حرارتها الي 80 درجه مئويه مثلا وفقا للقانون السابق الي
Rt=2.2 k *(1+(0.0005*80))
اذا R80= 2.2*(1-0.0005)=2.2*0.9995= 2.1989K
أي ان ارتفاع حراره مقاومه كربونيه قيمتها 2.2 كيلو اوم الي 80 درجه مئويه سوف يخفض من قيمه المقاومه 11 اوم


هذا هو النص العلمي لقانون اوم الذي ادعيت انت جهلي به يا سيد هاني وهذا هو التعويض باستخدام المعادلات الرياضيه في اثر ارتفاع او انخفاض درجات الحراره علي تغير قيمه المقاومه باستخدام قانون اوم
حتي لا تدعي جهلي بها مره اخري

قمت انت ايضا بالادعاء من وجهه نظرك بانني قلت ان التردد يختلف باختلاف تيار البطاريه وليس الفولت
لا يا سيد هاني انا قولت اني تكلمت عن اختلاف التردد بسبب التيار ( وحضرتك بعدها بتسال ما معني اساسا اختلاف التردد باختلاف التيار ) وبتقول ان دا كلام غير علمي

ناخدها واحده واحده

اولا هل تعلم شيئا عن السعه الكهربائيه ؟
حيث تكون سعه المكثف 1 فاراد اذا كان هناك تيار شدته 1 امبير يمر في جهد يتغير بمعدل 1 فولت في الثانيه
كذلك يتناسب التيار المار في المكثف طرديا مع حاصل ضرب السعه في معدل تغير الجهد الكهربي
I =C* (rate of change of voltage )
أي ان التيار يساوي حاصل ضرب قيمه السعه الكهربيه في معدل التغير الحادث قي الجهد الكهربي

فاذا وجدت بطاريه فرق الجهد بها 9 فولت وتم تغير في قيمه الفولت الي 8.98 فولت في فتره زمنيه قدرها 0.1 ثانيه في مكثف تبلغ سعته 4.7 نانو فاراد فان التيار الناتج من المكثف يساوي تبعا للمعادله التي تنص علي ان التيار( I ) = السعه (C) *معدل التغير الحادث في الجهد الكهربي
أي ان التيار الناتج = 4.7/1000000*9-8.98 /0.1= 80 ua
وعليه فان التيار الكهربي الخاص بالخرج Iout سوف يقل عندما يكون الحمل الذي تم توصيله بأطراف الخرج قيمه مقاومه معينه

هل تعلم سيدي ان الدوائر الالكترونيه التي تعرف باسم C-R CIRCUITS ( دائره استاذك وصفي )
يتسبب انخفاض الجهد الكهربي ( لانها تستخدم بطاريه ) علاوه علي انخفاض التيار الكهربي بمرور الوقت في التأثير علي ناتج السعه والمقاومه وهي القيمه التي تعرف باسم الثابت الزمني الخاص بهذه الدائره وبناء عليه فان

T=C*R
وان التيار الموجود في المكثف سوف يتنوع تبعا للزمن T بناء علي العلاقه التي تنص علي ان الــــــــI=Vse-t/cr

ومن هنا فان التيار سيقل بنسبه تصل الي 37% من التيار المبدئي في زمن مساو لقيمه ثابت الزمن وبعد الفتره الزمنيه (أي بعد انقضاء الزمن الكليي للـقيمه 2CR سوف يقل التيار بنسبه تصل الي 37% اخري من الجزء المتبقي وهكذا هذا بخصوص الجهد والتيار والزمن

وتعالي يا سيد هاني اعرفك التردد من اوله وعلاقته بالتيار اللي حضرتك بتقول انه ليس له اساس علمي
يعرف التردد (الموجات المتكرره ) بانه عدد دورات شكل الموجه الذي يحدث في وحده الزمن ويقاس التردد من خلال وحده الهيرتز HZ حيث يعادل التردد البالغه قيمته 1 هيرتز دوره واحده في كل ثانيه فيقال مثلا ان التردد 15.625 هيرتز بانه التكرار الموجي 15.625 دوره في كل ثانيه
وعليه فان القانون ينص علي ان الــــV=Vmax sin (2nft)
حيث ان v هي الجهد الكهربي
والـــــــ Vmax الي ذروه الجهد الكهربي
والـــــــ F الي التردد

وهل تعلم يا سيدي بان وجود تيار يتغير نسبيا لفتره زمنيه معينه فانه من الثابت ان يتم قياس القيم المتوسطه للتيارات والجهد الكهربي خلال نصف دوره كامله والتي يمكن ان تكون موجبه او سالبه بدلا من قياسها خلال دوره كامله وتمثل القيمه الفعاله للتيار او الجهد الكهربي القيمه التي يمكنها ان تنتج نفس الطاقه الحراريه المتوفره في مقاوم لتكون بذلك تيار او جهد كهربي من نفس المقدار
ولما انا قولت يفضل استخدام ريجليتور 9 فولت مكنتش علي خطا وللاسف انت زعلت اني عدلت علي استاذك وصفي فبستخدام منظم فولت بعد عمليه التوحيد يضمن لنا فرق جهد ثابت بنسبه كبيره مما يضمن ايضا ثبات التيار


والان انظر الي نص حديثك


(هذا هو منحنى استهلاك التيار بالنسبه لفولت التغذيه ستد انه منحنى خطى يعنى انه اتغيير طفيف فى السحب فى مدى واسع من الجهد م 5 الى 17 فولت
و التغيير فى السحب من 2.5 الى 10 مللى امبير
دون اى اثر على التردد اتعرف كم تعيش بطاريه 9 فولت بمتوسط سحب 8 ملى امبير
شهور عديده

اذن لا تتكلم ثانيه عن تغيير التردد سواء مع التيار او الامبير ) انتهي النص

الاخ هاني لقد سألتني سؤال وهو اتعرف كم تعيش بطاريه بمتوسط سحب 8 ملي امبير واجبت انت قائلا شهور عديده
ولي هنا عده اسئله
اولا علي حسب أي قانون حضرتك حسبت عمر البطاريه ؟ قانونك انت ؟ قانون هاني tv؟
ثانيا هل حددت تيار البطاريه لكي تعرف كم ستعيش ام ان وجهه نظرك اصبحت دليل علمي
ثالثا هل البطاريه التي يستخدمها استاذك المهندس وصفي في دائرته ستكون عمرها هي نفس عمر البطاريه لو كانت مثلا 1 او 2 امبير ؟
رابعا هل ستعيش البطاريه شهور عديده اذا تم استخدامها في الدائره كثيرا مقارنه بالاستخدام القليل ؟ علي أي مفهوم بنيت وجهه نظرك ؟
خامسا هل اذا حدث خطا ما اثناء استخدام الدائره وحدث قصور في المتكامله 555 وهذا وارد اذا قام المستخدم بوضع خرج المذبذب علي فرق جهد في جهاز التلفزيون الامر الذي يسبب سحب تيار عالي من البطاريه ( اذا تلفت المتكامله) هل ستعمل البطاريه لعده شهور بعد تغيير المتكامله؟
سادسا الم تعلم بان مرور الوقت نفسه يؤدي الي انخفاض عمر البطاريه حتي اذا لم يتم استخدامها

الم تعلم بأن حساب عمر البطاريه يتم عن طريق التعرف علي الوات الخاص بها وهو يحسب عن طريق جهد البطاريه * تيار البطاريه ثم حساب قدره استهلاك الدائره نفسها دا لو كنت حضرتك ( اشتغلت بالوات ميتر ) ومن خلال عدد ساعات تشغيل الدائره يتم معرفه الوقت الذي يمكن للبطاريه خلاله ان تقوم بوظيفتها ؟ عن طريق قسمه قدره البطاريه بالوات علي معدل استهلاك الدائره بالوات ينتج عدد ساعات التشغيل كان الله في عونك اخي هاني

ثم انظر الي نص حديثك وهذا هو النص

اذن لا تتكلم ثانيه عن تغيير التردد سواء مع التيار او الامبير ) انتهي النص
واريد ان اعرف من حضرتك يعني ايه مع التيار او الامبير ؟
ماهو الامبير هو وحده قياس شده التيار ام ان لديك تفسير علمي اخر ؟

ثم انظر الي نص حديثك

(سيادتك بتقول ان دائره الباور يجب ان يكون 15625 و مش عارف انا جبت كلمه من 20 الى 40 كيلو منين و بتحدانى لو جبت مثال
انا اللى مش عارف انتا جبته المعلومه دى منين و انا اللى هاثبتلك ده عملى مش بالكلام زى سيادتك)
انتهي النص

اولا هذا هو نصي بخصوص هذه النقطه
مش عارف انت يا اخ هاني جبت 18 كيلو الي 40 كيلو في جهاز التلفزيون دي منين ياريت تديني موديل في ماركه معينه وانا هجرب بجهاز قياس التردد ربما قد يحالفني الحظ فكل الاجهزه التي تعاملت معها بلا استثناء كان تردد دائره البور هو 15.625 سيكل وهذا ما قصدته انا حينما تكلمت عن امكانيه استخدا مذبذ دائره البور في فحص مرحله الافقي والتاكد من سلامه TRANSFORMER FLY BACK ) انتهي النص

ياباشا انا قولت اديني موديل علشان اقوم بقياس التردد بتاعه لان كل الاجهزه التي تعاملت معها كان ترددها قريب من 5.625 1سيكل انت اللي حولت الموضوع لتحدي هذا اولا
ثانيا انت استشهدت بمتكامله رقمها str6665 وهذه لم اجد لها داتا شيت ثم اعطيت مثال بـــstr 6654 وهذه لم اجد داتاشيت لها خاص بالتردد ايضا والصفحه التي قمت بوضعها كانت تتكلم عن strf6600
وقلت حضرتك انها تعمل بتردد من 20 كيلو هيرتز الي 300كيلو هيرتز يجب ان تعي كلامي جيدا حتي تبني كلامك علي صواب هل معني وجود دائره يمكنها العمل علي تردد300 كيلو هيرتز دليل من انها تستخدم في بور جهاز التلفزيون بنفس تردد 300 كيلو هيرتز ؟ دا معناه اننا مش هنشوف الشوبر بسبب صغر حجمه اين تردد التشغيل العملي الذي تتكلم عنه ؟ ولو عملت علي ذبذبه قدرها 20 كيلو هيرتز فهي قريبه من تردد الافقي وليس في كلامك حجه ولا دليل

ثم اعطيت مثالا بالمتكامله ka5q126 وانا اطلعت علي الداتا شيت الخاص بترددها وكان التردد المثالي هو 20 كيلو هيرتز قريبه من الافقي ايضا وبعدين مجبتش مثال ليه بمتكامله مذبذب تعمل في دائره بور تلفزيو تطبيقها المثالي للتردد هو 40 كيلو هيرتز ادخل حضرتك علي مذبذبات دائره الباور في التلفزيون عموما ستجدها قريبه من التردد الافقي وطبعا حضرتك اللي قولت ان ال15.625 سيكل في الثانيه موضه وانتهت ضاربا بعرض الحائط موديلات كثيره تعمل علي هذا التردد ؟ فعليك انت ان تأتي بسند يدل علي صحه كلامك ولو فرضنا جدلا وجود تلفزيون او اكثر حديث يعمل علي تردد اعلي من تردد الهوريزنتال فان هذا يعد حاله استثنائيه وتاخذ حكم الخاص أي لا يمكننا الحكم بها كقاعده علي العوام يا سيد هاني
لانك لو قرات كلامي جيدا في حديثي للمهندس خميس54 هتلاقي انني تطرقت لاستخدام مذبذب دائره الباور في اختبار مرحله الافقي وكون ان فيه موديل او اكثر مختلفين بنسبه كبيره في التردد دا مش معناه ان معظم الاجهزه لا يمكن استخدام مذبذب البور الخاص بها في اختبار مرحله الافقي
مجتشي يا غالي علي الموديل او الاثنين اللي حضرتك بتتكلم عليهم ( يبقي ممكن نستخدمهم علي الاقل في الموضه اللي انتهت ) دا لو كان فيه موضه جديده



ثم انظر الي نص حديثك

(و معلومه لسيادتك
كل الباورات الحدثيه تعمل على تردد عالى لا يقل عن 20كيلو هرتز لانه كلما زاذ التردد قل حجم الشوبر و احتاج الجهاز لمكثفات اقل فى التنعيم و جميع باورات اجهزه lcd الحديثه تعمل ترددات عاليه ليقل حجم الشوبرات نظرا لضغط الحجم
فيا ريت لا تجادل فيما لا تعلم)
حضرتك بتدعي اني لا اعلم ما تعلمه انت طيب اذاي وانا اصلا متكلم عن النقطه دي قبل جنابك وهذا هو نصي بخصوص هذه النقطه وكانت في الرد الاخير لي يعني قبل حضرتك متشارك وتنصحني اني مجادلش فيما لا اعلم ادي يا سيد النص بتاعي

(ونظرا لأن تصنيع محول كبير يرفع من سعر الجهاز ويزيد من وزنه مع صعوبه استنتاج فولتات متعدده منه وبما ان العلاقه بين التردد وحجم المحول علاقه عكسيه ( كلما زاد التردد قل حجم الملف ) تم زياده التردد في دائره البور بتشغيل مذبذب يعمل علي15.625 سيكل وبالتالي نجح المصممون في تقليل حجم الملف وذلك بتصنيع محول يعمل علي ترددات اعلي من تردد المنبع ( الشوبر عمليا ) حتي يتثني للاعضاء فهمه ) انتهي النص
يبقي اذاي حكمت عليا اني لا اعلم ما تقوله انت كدا رجعت بنفسك الي السفسطائيه القديمه لا تدري ما تقول و للاسف انت تجاهلت علمي بخصوص علاقه التردد بحجم الملف لان حضرتك ببساطه احد الامرين
يا اما حضرتك مبتفهمشي كلامي عن عمد منك لانك عاوز تنتقد وخلاص يا اما فاهم كلامي ومش لاقي حاجه تقولها ونصيحتي ليك ان تتعلم اولا قبل ان تجادل والتز م بأدب الحوار العلمي في امانه النقل


ثم انظر الي نص حديثك

(اما من ناحيه الدائره العمليه و تنفيذها فلو حضرتك مش عارف تعملها ممكن تكلف خاطرك و تروح للمهندس وصفى هو بيبعها بالكتاب بشرحها ب7 جنيه فقط
و باع عدد كبير منها لطلابه و مش عارف على اى اساس بتنقدها
على فكره الدائره مش ابداع و موجود منها على النت بنفس
الفكره الكثير و ده مثال بسيط) انتهي النص من



وانا برد علي حضرتك وبقولك لا تتطاول والتزم قدرك هذه الدائره التي تدعي بفشلي في تصميمها يعملها اصلا طالب في الاعدادي وبعدين انا مش من النوع المنقاد الي انفذ دائره من غير محللها علميا
وتفضل المهندس اشرف عثمان بتنفيذها عمليا ومن امانته العلميه اعطي لنا اخبارا بفشل الدائره وفشلت بالفعل مع الكثير وانا قولت دي بتخلو من نبضات التزامن وعلشان تكون الدائره ناجحه لابد من استخلاص نبضات التزامن اولا بعمل دائره يكون مدخلها هو التردد الراديوي RF لاستخلاص مرحله التزامن اولا ثم يكون مخرجها هو التردد الافقي
ثم تقول لي اني ممكن اكلف خاطري واروح للمهندس وصفي انا رحتله يا اخ هاني في ميت عقبه لنقد الدائره ولكن للاسف قام بالبعد عن الحديث عنها وكان كل كلامه ترويج مادي علشان ادرس عنده فقد اخذ يخبرني بنظام الدراسه عنده والتكاليف كما وعدني بالرد علي ما قدمته
وكون ان حضرتك بتقول انه باع عدد كبير منها لطلابه فهذا ليس دليل علي نجاح الدائره ماحنا اشترينا حجات كتير وطلعت تالفه
وكون انك تقول ان الدائره دي مش ابداع طبعا عارف لان استاذك عمره مكان مبدع
وكون ان حضرتك تقول ان الدائره دي موجوده كثير علي النت انا فتحت الرابط وملقتش دائره بنفس تصميم استاذك المهندس وصفي تردد 15.625 سيكل ولم اري دائره في موقع اجنبي نصح باستخدامها في مرحله اختبار مرحله الافقي

واخيرا اعتزر للاخوه علي عدم امكانيه رفع صور لانني حتي الان لم اتمكن من رفع الصور علي القريه الالكترونيه

واخيرا للاخ هاني ياريت تبقي تعرفني انا مقتبس كلامي دا من أي موقع علي النت كما تفعل حضرتك ولو رايت الموضوع ماخوذ من أي موقع فارجو وضع الرابط للاخوه علي الملأ
واذا اردت التواصل فبتعد تماما عن التقليل من شان من يحاورك والا فلن اتطرق للرد عليك مره اخري اما اذا التزمت بادب الحوار العلمي فتفضل سيدي

واخرج مافي حقبتك

تحياتي للجميع

كلام خاطئ كالعاده
و تحريف لكل كلام قولته
و كالعاده عدم الرد على ما قلته و اختيار ما يراه ليرد عليه
طيب يا باش مهندس
انا سئلت سيادتك ما معنى كلمه تردد شارد
المصطلح اللى سيادتك ابتكرته من عندك
و المفروض سيادتك اننا نصدقه و نبصم بالعشره
طيب حضرتك انا عمرى ما سمعت عن هذا المصطلح
و ياريت تدلنا على موقع او انسيكلوبديا للالكترونيات
و ان ضامن الاجابه انه مفيش لانه ببساطه اختراع مصطلح جديد على اساس ان اعضاء لن يفهموا و سيصفقون تهليلا
او حتى قاموس الكترونيات يشرح فيه كلمه التردد الشار اللى حضرتك اتهمت تصميم الدائره بيه طبعا انا سئلت السؤال ده و حضرتك كمالعاده و كانك لم تراه و
طيب يا باشمهندس من الممكن ان اازيل قطعه من الدائره و اعيب الدائره فى تصميمها ان مصمم الدائره لم يراعى ثباتها فى حاله ازالتها ده كلام علمى
يعنى بالعربى اقدر اقول لو ازالنا احدى كاوتش السياره و انقلبت هذا خطا ممن صمم السياره
طيب ازاى تفترض عيب فى دائره فى حاله عدم اتصال قطعه فيها
طيب ده تحليل علم للدائره
و بتلوم عليا
و كما ببساطه سيادتك فى كل رد تدخل فى حوار جدانبى بعيد اساسا عن ما قيل
سيادتك قولت انا اقصد انخفاض تيار البطاريه و ليس الفولت
و انا رديت قولت تبعا لقانون اوم انخفاض التيار يعنى انخفاض الفولت لان الفولت هو حاصل ضرب التيار بالمقاومه
كلعاده سيادتك دخلتنا بتغيير قيمه المقاومه مع الحراره
سؤال بسيط
و اجابته ابسط
مع ثبات المقاومه الداخليه للبطاريه
هل انخفاض التيار يعنى انخفاض الفولت ام لا
اذا قولت نعم فبعنى انك مخطئ لا محال مما سبق
و اذا قولت لا فارجوك ادرس قانون العالم جورج سيمون اوم مره اخرى
اما ان تجيب بتغيير قيمه المقاومه بتغيير الحراره فهو تغيير دفه الموضوع بالكامل
فهل هذا علمى
بخصوص عمر البطاريه
فر
من قال لك ان البطاريه يقاس عمرها بحاصل ضرب الفولت فى الامبير
طيب ادينا اسا علم كالعادع سيادت بتقول قوانين خاصه بيك
يا سيدى الفاضل تقاس عمر البطاريه بقيمه mah و هى ثابته فى الانتاج للمصنع و تكتب على البطاريه خصوصا ذات الامبير العادى
سيادتك لو كلف خاطرك
و اطلعت على مواصفات بطاريه عاديه 9 فولت
لعرفت كم العمر الافتراضى لها

و بتتريق سيادتك و بتقول قانون hanytv
طيب يا سيدى انا مابردش الا علمى مش بالكلام
و ما بسبش حاجه اهرب منها بكلام لا علاقه بالموضوع
لانه ببساطه مابقولش حاجه انا مش واثق بها
ده منحنىالعلاقه بين mah و سحب البطاريه لبطاريه 9 فولت ماركه انرجايزر


عند سحب 8 مللى امبير يقترب قيمه mah الى 800 ( mah هى حاصل ضرب عدد ساعات التشغيل فى قيمه السحب )اختصار للملى امبير فى الساعه
بمعن ان عدد ساعات التشغيل للبطاريه 100 ساعه
الدائه المستخدمه هى دائره اختبار بمعنى ان استخدامها لا يزيد يوميا عن 5 او عشر دقائق
سيادتك كده يبقى البطاريه ممكن تدوم لكام شهر احسبها
و عموما ده مش قانون هانى
دى قوانين الالكترونيات

اما بخصوص ردد دائره الباور حدث و لا حرج
سياتك نفيت نفى تام ان يعلى التردد بدائره الباور عن 15625
طيب انا سيادتك جبتلك امثله على متكاملات تعمل على اقل تردد 20 كيلو
و طبعا تحور الكلام
نسيت حضرتك كلامك (مش عارف انت يا اخ هاني جبت 18 كيلو الي 40 كيلو في جهاز التلفزيون دي منين ياريت تديني موديل في ماركه معينه وانا هجرب بجهاز قياس التردد ربما قد يحالفني الحظ فكل الاجهزه التي تعاملت معها بلا استثناء كان تردد دائره البور هو )
15.625
و سيادتك بتطلب مثال بمتكامله مذبذب
اظن سيادتك ما اخدتشئ باللك
المثال الثالث
متكامله mc44604p دى بتبقى ايه
ده دليل لنك حتى مشوفتش الداتا شيت اللى رافعها
و بعدين
بخصوص المتكامله
str6665
و strf6654
ازاى مالهموش داتا شيت
الصوره دى جايبه منين
طيب شوف اللينك اهو
عشان يبقى مفيش حجه
http://www.alldatasheet.com/datashee...STR-F6654.html
و للعلم هى نفسها الثانيه لانهم م سلسله strf66xx و بعدين الرقمين باينين فى الصوره
و برده هارفعهم تانى



اما بخصوص انه معداش عليك موديل تردده اعلى من 15.625 كيلوهرتز
طب على اى اساس تفرض احكام و تحط القوانين
و بعدين اناهجبلك مثال 100 % من الفنيين المصريين اتعامله معاه
stk730-080
اشهر متكامله باور فى مصر
و تعمل طبعا فى جهاز nec الشهير
اتعرف تردد التشغيل فى الباور اقل تردد 20كيلو
دى صوره الداتا شيت


اما بخصوص تنفيذ الدائره فلا احد حجه عليه
المهندس اشرف ان كان لم ينفذها او اخطأ فى التنفيذ فهو حجه على نفسه و ليس على الدائه
و انا ان اخطأت فى تنفيذها فان حجه على نفسى انا من استطيع الحكم عليه و لا التزم الا بمدى اقتناعى من عدمه
اما سيادتك قوللك انا ذهبت بميت عقبه و تهرب منك فهذه حجه عليك انت
عموما ساخبره لانى اشك فيما تقول
و ليتك تمتلك الشجاعه الادبيه لتحمل ما تقول
اما بخصوص ما تقوله اننى انقل من النت
انا لم اقل اننى مبتكر او عبقرى و هل تخترع الكلام من عندك و تنسبه لى و تتكلم عن النقاش العلمى
و ليس عيب النقل من النت انما العيب ادعاء العلم بكلام منقل من كتب ادل وصف عليه هو وصف القرأن له
و يا ريت نفهم مالننقل
انما ننقل و لا نفهم
اما قولك التزمبادب الحوار الخ من هذا الكلام
ان لم ترد ان ترد فلا ترد
ردك هو لك و ليس لى
انتا من تدعى و انا الذى افند كلامك
البينه على من ادعى
و للعلم الى الان لم ارد الا بدليل فياريت تعطى دليل واجد على كلامك

كبير يا باشمهندس اشرف
الاعتذار من شيم الكبار
من يتواضعوا للعلم
عموما نفس فكhttp://www.comunidadelectronicos.com...obador-fb.htmه الدائره مستخدمه فى هذا الموقع لفحص اللاين و هو فى الدائره
باستخام التايمر 555
لانتاج نبضات الهورزينتال
http://www.comunidadelectronicos.com...robador-fb.htm

قولى ايه رايك فيها وفى تنفيذها

رجاء يا باشمهندس ماتحرمنيش من الرابط التجريبى له
ده كرم منك
بخصوص الدائره انا لم انفذها قبل ذلك
بالرغم من انى اثق جدا فى هذا الموقع الاسبانى الشهير
كويس انك افادتنى بتجربتها
كلامك عندى ثقه بحكم معرفتى باخلاقك
سلامى لك