بالنسبة لسؤالك عن سبب قطع ال5 فولت بتاع الاستارت اب
هو ان الباور اصلا مش داخل له كهربا في الملفات الفعليه بتاعته وده لان الكهربا اصلا لازم تدخل من الفيشه وتمر عالموحدات وبعديها مكثفات الالكو وبعدين تمر علي ترانزيستورات توحيد الجهد وبعد كده تبدا تخش علي الريجيوليتور اللي في الناحية التانية من الباور سبلاي وتبدا في التنعيم بقي والتوحيد مرة تانية بعد تخفيضها بمثبتات الجهد 12 فولت و5 فولت وتبدا بقي تلاقي علي الطرف البنفسجي 5 فولت تقريبا وبكده يكون الباور سبلاي سليم اما لو كان فيه اي خلل يبقي مش ها يدخل فولت ولا يخرج فولت وبالتالي 5 فولت بتاع الاستارت اب مش ها تلاقيها لانه فعلا تالف او بمعني آخر واقف في مرحله معينة

بالنسبة للباورات التى تقوم باور عادى شغاله لكن عند توصيلها على جهاز لا ترفع داتا بالرغم من وجود 5 فولت و 12

اخي العزيز انا ما شفتش الحالة دي الا يمكن 3 او 4 مرات بالكتير
وانا فاكر ان السبب كان مكثفات منتفخه ومرتين كانت مكثفات تالفة فعلا لان نسبة الترشيح مش مظبوطه ولا يظهر عليها اي انتفاخ او تسريب تيار او ما شابه ذلك وانصحك انك ممكن تغير 2 مكثف تجدهم بجوار مخرج الاسلاك قيمتهم 1000/10
ومكثف آخر قيمته 1000/16 وده تجده بجوار اللوح المعدني المثبت عليه الترانزيستورات


وغالبا ان شاء الله هو ده العطل علي حد علمي وعلي التجربه العملية
ولو فيه اي تعليق اكون سعيد

هل لابد من أن تكون القياسات بالضبط 5 فولت أو 12 فولت مثلاً ولا يمكن أن يكون 5.3 أو 12.4 مثلاً وشكراً

ممكن طبعا تلاقيها 5.3 او 12.4 اخي الفاضل ويكون الباور سليم المهم مايقسش باكتر من واحد صحيح يعني 6 فولت او 14 فولت مثلا بكدا يكون تالف