على فكرة يااخ استرا البروتس ده برنامج زفت والله عقدنى
انا شغال على برنامج جميل اوى وسهل جدا اسمه circuit wizard بس مشكلتى معاه انى مش عارف بيقرا بالافوميتر التيار او الجهد المتردد ازاى لانه القراءة بتتغير على طول حسب التردد لما احط جهاز الافوميتر على الدائرة
فياريت لو حد يعرف ازاى اقرا التيار او الجهد المتررد بقيمة غير متحركة يعرفنى
وكمان ازاى اظهر منحنى التيار على الرسم البيانى لان الجهد بس اللى بيظهر
البرنامج موجود عندى لو عاوزنى ارفعه لك على سيرفر من عينى

شوف يامحمد الصورة دى




هنا بيعطيك مثل بسيط لانفرتر بيتكون من ترانزستور واجد وليس ايسى المدخل له هو A1 والمخرج مربوط عليه الليد
عند غلق المفتاح هيسلط جهد على القاعدة وهى فى الحالة دى بتكون رقميا (1)
فيعمل الترانزستور ويمر تيار من المجمع الى المشع ويكون جهد الخرج تقريبا صفر مما يجعل الليد مطفى وهنا الحالة
(0) رقميا

عندما يكون المفتاح غير مغلق اى لايمر تيار فى القاعدة ويكون الدخل فى هذه الحالة رقميا (0) نجد ان جهد المجمع متصل بالبطارية عبر المقاومة واحد كيلو ويكون كافى لاضاءة الليد ويكون رقميا الحالة (1)


وهنا نلاحظ ان الترانزستور يعمل كمعاكس حيث عندما يكون الدخل صفر يكون الخرج واحد او عالى وعندما يكون الدخل عالى يكون الخرج صفر

وده مثال بسيط على دائرة NOT GATE
اتمنى يكون واضح

اقتباس المشاركة الأصلية كتبت بواسطة ابوقشه السلام عليكم ورحمة الله تعالى وبركاته اخى الكريم ومهندسنا الغالى الدكتور / احمد رغم انك قد اقفلت الابواب امامنا ولكن اننى اتابع جميع مواضيعك الرائعه بكل جديه وهى مواضيع فى غاية الروعه وهادفه بشكل ملحوظ وهذا مااذكره لك ليسى مجامله منى ولكن شىء نابع من القلب اى نعم والله نابع من القلب والله على مااقول شهيد واصل على بركة الله تعالى وطلع اللى عندك وبلاش تدكن اوى وشكرا حبيبى

الف شكر على كرم اخلاقك وانا ماقفلت الباب ولا شيئ لكن كل اللى زعلنى انك كدبتنى وظنيت انى بحاول اختبر اخوننا الكبار هنا فى المنتدى وده زعلنى اوى لانى والله مابعرف شيئ وكل اللى بكتبه ده مذاكرة من على النت وانا ياعمى والله ولا دكتور ولاشيئ انا مهندس اتصالات متخرج من عشرين سنة وتركت الالكترونات نهائى واشتغلت مدرس كهربا شوية تمديدات هايفة كنت بدرسها ولولا ان المنهج اتغير واتحول الى الكترونات ماكنت دخلت هنا على النت اساسا ابحث عن هذا التخصص اللى كنت كارهه اساسا وانا فى الكلية لان الدكاترة كانوا متخلفين
واول فهمى للترانزستور كان من خلال مناقشاتى هنا وجدالى المستمر مع الاخوة اللى كانوا بيزعلوا لانى من طبيعتى بحب افهم
وعلى فكرة والله اول مرة اقرا عن البوابات من عشرين سنة ومكنتش فاهمها اساسا كنت بحفظ المنهج وبس لان مفيش حد كان بيشرح كويس
لكن فى عصر الانترنت كل شيئ مباح بالف طريقة زى حديقة الورد اللى تدخلها وتقطف منها ماتشاء وبلاش
ولما الاخ محمد على افتكر انى استاذ الكترونات حبيت اساعده والمرة افهم حكايتها وفرصة الواحد يتعلم شيئ جديد لان فعلا العلم نور
وياسيدى الف شكر على كرم اخلاقك وصدقنى وحياة ولادى انا مبتدئ بس الاساسيات موجوده وبحاول اتعلم
ولك منى وردة اخوة ومعلش كنت فظ شوية فى ردى عليك من مدة لانك اسأت الظن بى فسامحنى

الف شكر بشمهندس أحمد وما تتعبش نفسك فى رفع البرنامج اكيد ها الاقيه مرفوع هنا او هناك وها انزلة واجربه وشكرا مرة اخرى

وخذ هذا الرابط وضعه احد اعضاء القرية لكتاب للدوائر المنطقية
http://www.qariya.com/vb/showthread.php?t=60038

جزاك الله الف خير
واخلاقك دى مش غريبة على ديننا لان اساس ديننا حسن الخلق والتواضع والتسامح

فربنا يبارك فيك اخى الحبيب والف مليون شكر


الف شكر اخى استرا
والبرنامج اهو


http://arabsh.com/h7k2go4ii871.html

وده شرحى له بالفيديو على ثلاث اجزاء فى اول تجربة ليا لشرح برنامج يارب يعجبك

http://arabsh.com/1u1tc9xs4suy.html

http://arabsh.com/lpaannj88e2y.html


http://arabsh.com/utp46zm9k608.html

سلام الله عليكم
عرض مصور وشرح مبسط للدارات المنطقية

http://www.qariya.com/vb/showpost.ph...29&postcount=7

http://www.qariya.com/vb/showpost.ph...3&postcount=14