|
للاسف اخى الفاضل جربت وبرضو مافيش فايدة نفس المشكله
جاء السباك وركب سكس بلف اخر فى اول الماسورة وواحد بعد الموتور ونفذت كلام حضرتك لكن الفرق ان صوت الموتور شبه طبيعى وصوت الحنفيه كانه يوجد بها ماء ولا تستطيع الخروج
|
تمام ... حل جيد هو تركيب سكس بالف بعد الموتور ... الهدف من الاختبار الذي ذكرته لحضرتك هو التأكد من عدم خلو المواسير الصاعده للشقه من الماء و بالتالي استمرار دخول الهواء للموتور .... و غالبا ستجدي فتره انقطاع المياه هي فتره الذروه , و السباك يأتي في الصباح او مساءا والمياه تكون موجوده و ضغطها معقول و بعد ان ينصرف وفي فتره الذروه تنقطع عنك .
المشكله اذا هي ضعف شديد في وصول المياه للموتور اصلا , يعني الموتور مش لاقي مياه عشان يسحبها , و هذا راجع لطول المسافه بين مكان الموتور والماسوره الأم و ضعف المياه الشديد جدا الذي لا يستطيع الموتور سحبه .
في حل اخير لو عندك وقت للتجريب , هو ان يتم تقريب مسافه الموتور من الماسوره الأم , و تركيب بالونه و اتوماتيك , بس انا شايف انه ممكن يكون حل مش عملي شويه لأن ضغط المياه ضعيف جدا .
الحل الجذري للأسف هو تغيير الموتور بأخر من النوع ذاتي التحضير بقدره 1 حصان مع تركيب بالونه من النوع الايطالي و نفخها بالهواء و اوتوماتيك عادي .... واذا كانت الشكوي من ارتفاع اسعار المواتير الايطالي , وانا متفق معك في ذلك , فالحل هو المواتير الصينيه نظرا لعدم استخدامك الشاق , و سعرها هيبقي معقول بالنسبه للايطالي , في حدود 180 الي 300 جنيه بس انا ما اعرفش انواع الحقيقه , و عندك بالونه ايطالي في حدود 125 جنيه و اتوماتيك ايطالي 30 جنيه , و وصله نحاس + عداد 30 جنيه , اهم شيء اختاري اجود انواع المواتير الصيني حتي لا يسبب لك متاعب , والموضوع سهل ممكن تسألي عنهم بنفسك و تاخدي فكره عن الأسعار و الأنواع عندكم في اسكندريه ... وبا ريت تشتري مفتاح بلمبه و يبقي عندك في البيت عشان تراقبي الموتور لو اشتغل فترات طويله ... وربنا معاك ومنتظرين النتيجه .
