بس الشوشرة بسبب الرنين بتزيد عند تقويم المواتير علشان التيار اكبر؟

أى حمل زائد على الملفات تخمد الرنين لذلك عند بدء الموتورات السحب الزائد هو ما يظهر لكن عند التقطيع (نتيجة لفرش الموزع مثلا) قد يظهر أثر شوشرة لكن الرنين أساسا يخمدها أن الموتور عليه حمل ربما لا تظهر إلا عند فصل موتور بلا حمل من التغذية و تركه يدور حرا

طبب لو مروحة سقف كل ما تشتغل تشوشر علي التلفزيون القريب منهااو تتخليه يطفي ، السبب ابه؟ الرنين النانج عن المروحة؟ و ابه الحل؟ يعني مثلا لو ركبنا مكثف تتحل المشكلة؟ توالي ولا توازي؟ و ايه بيعمله المكثف او بمعني آخر ازاي بيعالج المشكلة؟

المراوح تعمل بموتور مختلف يسمى القفص السنجابى
https://www.google.com/search?client...UTF-8&oe=UTF-8
https://ar.wikipedia.org/wiki/دوار_قفص_سنجابي
وهو لا يحتوى على أى وسائل تقطيع فلا شربونات ولا موزع ولا تقطيع من أى نوع
لم اسمع عن مشكلة كهذه من قبل ولكن قيس الفولت و شوف هل هذه المروحة تسبب هبوط فى الفولت أم ماذا يحدث
لو شوشرة لن يطفئ التلفزيون ولكن سترى الشوشرة على الشاشة فى الصورة
ربما بها اسلاك سائبة تسبب شرر أو ماشابه لكن هذا عيب غير عادى

المشكلة دي ممرتش عليا قبل كده ايضا بس قرأتها في المنتديات اكتر من مرة و ما جعلني اتذكرها ان ماتور المروحة كماتور حثي ممكن يكون بيحصل فيه رنين و حيث ان تياره قليل فلا شئ يخمد الرنين، اما لو ان هذا غير ممكن الحدوث يبقي المشكلة كما ذكرت لي هي ماس جوه المروحة بيخلي الفولت يقل في الاحمال القريبة او سلك بيشرز فيعمل شوشرة علي التلفزيون، وقد قلت لي ان الشوشرة لا تطفي التلفزيون فغالبا الفولت بيقل لما المروحة تشتغل؟

هذه المشكلة ممرتش عليا بس مر علي مشكلة اسوأ منها تخص نفس الموضوع ، عطل كشاف متاليت و لما فكيته وجدت الترانس محروق كان الماني فقلت انه فديم و استهلك و الورنبيش تأكل ثم اتحرق الترانس.

المهم جبت ترانس جديد اسباني 400 وات زي القديم من محل كويس
و ركبته فاشتغل الكشاف و قيست التيار لقيته يساوي التيار القانوني المكتوب عليه لكن المفاجأة انهم اتصلوا بي تاني يوم علي طول و قالوا ان الكشاف عطل و لما فكيته لقيت الترانس اتحرق و الورنيش ساح و خرج منه

المحل قال لي ان السبب ان السلك الواصل للترانس متربطش كويس ، فقلت له ان ده مش سبب يحرق الترانس بالشكل ده و ان السبب هو ان الملفات مش معزولة كويس ( و لو اتي غير مقتنع لان التيار كان مظبوط)، فقال لي ان السبب ان الفولت زاد و ان لمبات المتاليت التي لا تعمل بترانس بتتحرق كتير في هذه المنطقة .

الحقيقة مش قادر اعرف السبب لانه مفيش شكوي من حرق الاجهزة في هذه المنطقة بس احيانا تحدث أشياء كهذه و بتكون فردية و اوقات بعيدة عن بعضها.

أحيانا فى المنتديات يكون عرض المشكلة ناقص كثير من المعلومات و أحيانا عن عمد لكى -حسب ظنه- يستخرج اكثر معلومات منك
كأن تكون المروحة و التليفزيون على انفيرتر ولا يتحمل هذا الجهد الخ
الرنين يتطلب مصدر يغذى الرنين بذات التردد كترانزيستور أو مكبر من أى نوع وبدونه سيخمد فورا بالفقد الحرارى فى مقاومة الأسلاك و الفقد المغناطيسى فى الملفات
عندى محولات بقى لها أكثر من 30 عام ولم تتلف
ما يتلف المحولات هو زيادة الحمل عن ما تتحمله إما بزيادة جهد الدخول أو تيار الخرج فهو يسبب تشبع الحديد و من ثم زيادة التيار و بالتالى ارتفاع الحرارة فالإحتراق . و فى الأنواع الحديثة الحديد معالح و تتلفه الحرارة فإرتفاعها يسبب ما يسمى "تخمر الحديد" وهو تعبير مجازى عن هبوط قيمة المغناطيسية له و بالتالى يصبح أقل مما سبق فيسخن أكثر و هكذا حتى الإحتراق
هذا النوع من الكشافات احيانا يزداد التيار بعد فترة و المحول ليس محول من النوع المعروف و لكنه مثل ملف اللمبة النيون و كان المطلوب ان تتركه فيتة تحت المراقبة و تقيس التيار كل فترة

غير السببين اللي تكلمنا فيهم و هم:

1- زيادة الفولت من الشبكة.

2- او يكون فيه عيب من المصنع في الملف الجديد في النحاس او الحديد او العزل مش بيتحمل السخونة.

ممكن بكون فيه سبب تالت و هو ماس في الكشاف او اللمبة بيخلي التيار يزيد بعد شوية بسبب السخونة ؟

أظن أن الماس يسبب عطل ملحوظ و يمكن قياسه لكن مشكلة اللمبات الغازية مثل هذه ان لها عمر محدد بعدة يزداد التيار فيها و من ثم تتلف وحدة التغذية
لو كنت استمريت فى قياس التيار لمدة ساعتين مثلا كنت عرفت ماذا يحدث لكنك اكتفيت بقيمة التيار فى بدء التشغيل بينما صاحبها سيتركها مضاءة مالايقل عن 6 ساعات