لا يوجد احتكار
ارجو المتابعه من صاحب العرض

بسم الله الرحمن الرحيم

نبدا الدورة وعلي بركه الله


أولا أخواني لابد من تحميل برنامج البرمجه وهو اسمه Procomm Plus ودا بيشتغل عن طريق الهايبر ترمنال او اذا كنت لا تملك البرنامج ممكن تشتغل عن
طريق الويندوز بالهايبر ترمنال العادي وعموما انا رفعت البرنامج علشان محدش يدوخ عليه


رقم واحد تحديد الكوم او المنفذ الي بيوصل الكمبيوتر مع السنترال
رقم 2 تحديد السرعه
رقم 3 تحديد البروتوكول وهو الاختيار رقم 4 أي (s-7-1)

وده لينك للبرنامج
http://www.mediafire.com/?c65ksljky34dx6d

لمعرفه انك اقمت بالتوصيل الصحيح مع السنترال هتلاقي الكتابه علي الشاشه الزقاء بدات في الظهور وتجد ايضا اليدات الموجودة بجانب البروتوكول تضيء
----------------------------------------------------------------------------------------
لا بد من معرفه نبذه عن الكروت في السنترال

كارت العدد الانالوج مكتوب عليه anlog
كارت العدد الديجيتال مكتوب عليه dgit
كارت ربط السنترال مكتوب عليه dual
كارت مولد النغمات للعد الديجيتال confitds
كارت ربط الشيلفات او الكباين net
وحدة العمليات المركزيه cpu
كارت تحكم في الشيلف نفسه او الكابينه نفسها cont

ويوجد انواع كثيره من الكروت



-------------------------------------------------------------------------------------

قبل البرمجه لابد من معرفه الفرق بين التي ان والدي ان (tn&dn)
الدي اان dn

وهو رقم الخط زي رقم تليفونك او رقم تليفوني علي سبيل المثال رقم تليفوني هو 01276627070 ودا هو الدي ان


اما التي ان tn

هو رقم مسار الخط من جروب /كابينه/كارت/وحده

وللعلم كل كابينه تسع 16 كارت من صفر حتي 15
وكل كارت مقسم 16 وحده من صفر حتي 15 يعني الكارت الواحد يسع 16 مشترك

طيب علشان ما تتحير معايا انا هديلك مثال

لو افترضنا ان السنترال عبارة عن مكتب والمكتب دا مقسوم جذء يمين وجذء شمال المكتب كله عبارة عن جروب والجذء اليمين يمثل الكبائن اي الشيلف والجذء الشمال يمثل برده الكباين او الشيلف والادرج تمثل الكروت ويوجد بالادراج دوسيهات تمثل عدد الوحدات او المشتركين


يعني ممكن يكون المكتب رقمه مثلا 15 = الجروب

ملحوظه مهمه ممكن يكون السنترال اكثر من جروب والجروب في الاغلب بيكون عبارة عن كبينتن
ويكون الجزيء اليمين مثلا رقم 12=الكابينه او الشيلف
ويكون رقم الدرج في الجزيء اليمين مثلا 14 = الكارت
ويكون رقم الدوسيه 10=رقم الوحده داخل الكارت الواحد

يبق نقول مسار الخط او التي ان 15*12*14*10 ولاحظ ان النجمه تعني مسافه
----------------------------------------------------------------------------------------
ثانيا لا بد من معرفه اليوزر والباسورد ودا بيكون ليه مستويين

المستوي الاول بيبقي لليوزر
المستوي الثاني بيبقي للادمن
المستوي الثالث خاص بالشركه المصنعه ودا في حاله استحاله الدخول باي باسورد


طيب واحد ممكن يقولي ايه فائده المستويات اقول له هاتعرف بعدين ومبدئيا لازم تعرف ان البرمجه في هذا السنترال تكون عبارة عن مجموعة لودات


يعني ايه لودات يعني تخيل انك معاك كتاب الكتاب يتكون من مجموعه من الفصول كل فصل يمثل لود


بحيث لو فرضنا مثلا انك تريد برمجه عده تليفون انالوج يبقي تدخل من لود 10 ولو حبيت تبرمج عده ديجيتال يبقي من لود 11
يعني كل لود خاص ببرمجه معينه ووظيفه الباسورد ان اليوزر لا يستطيع الدخول علي لودات معينه ولكن الادمن يقدر يدخل كل اللودات



ثانيا رموز انا هحطها علشان الاخوة يفهمو ا كتابتي

اولا الرمز * يعني مسافه يعني اذا لقيته تفهم من كده ان انا كاتب مسافه لان الغلطه تدمر اي شيء


-------------------------------------------------------------------------------------------------------------------

1 برمجه الوقت والتارخ

اول شي هاتدخل علي لود 2

كتابه الامر بهذا الشكل
ld*2
هيديلك محث زي الدوس كده

لمعرفه الوقت الحالي للسنترال تكتب الامر
ttad ثم انتر
ولاعاده برمجه الوقت والتاريخ يتم كتابه الامر
stad*يوم*شهر*سنه*ساعه*دقيقه*ثانيه ثم انتر

مثال
stad*06*12*2012*18*55*22 ثم انتر
وللتاكد قم بطباعه الوقت والتاريخ من تاني زي ما انا وضحت يعني تكتب ttad

----------------------------------------------------------------------------------------
دا لينك للمانيول وعلي فكرة هو صعب جدا

http://www.mediafire.com/?dy1u6s5mida6nt6



دمتم بخير ولنا تكمله ان شاء الله

شكرا اتمني المذيد من الشرح الجميل دا

السلام عليكم ورحمه الله وبركاته

الحصه الثانيه ان شاء الله

قبل انشاء الخط الانالوج لازم تعرف
1- كيفيه الخروج من اللود تضغط علي ثلاثه نجوم يعني (***)
2- الخروج من الامر الحالي دون الخروج الكلي من اللود يعني يرجعك من بدايه اللود تضغط نجمتيين (**)
الفائد من تلك الاوامر لو عملت امر غلط يرجعك تاني من الاول قبل ما تحفظ البرمجه في السنترال




اولا العده الانالوج في البرمجه تسمي 500 والديجيتال تسمي 2616 دا للعلم

ثانيا
لا بد من معرفتك للـ تي ان tn الي انا شرحته في الدرس السابق لانه بدون فهم ومعرفه التي ان tn مش هاتعرف تشتغل علي السنترال دا ابدا


طيب ايه الفرق بين الخط الانالوج والخط الديجيتال

الخط الانالوج دا الخط العادي الي في البيت عند حضرتك

اما الخط الديجيتال بيختلف شويه ازاي ها تعرف ان شاء الله في الدرس الخاص بها



مبدئيا علشان تنشيء عده انالوح لازم تحدد التي ان والدي ن الي ها تشتغل عليهم


لمعرفه التي ان


ندخل علي لود 20 ((ld *20)) وانا قولت وما زلت بقول ان النجمه تعني مسافه يعني لو مكتبتش المسافه الامر مش هايتنفذ

هتلاقي في لود 20 اوامر بتظهر وانتا بتكتب امام كل امر .......امر البرمجه الخاص بيه

وهيكون معرفه كل التي ان الفاضي عندك بالاوامر التاليه


REQ: LUU
TYPE: 500
أضغط انتر :TN
ثم اختار اي تي ان يناسبك واكتبه في ورقه وراعي المسافات

مثال 60*00*5*11


------------------------------------------------------------------------------------------


اضغط نجمتين (**) تلاقي اللود في بدايته

REQ: PRT
TYPE: LUDN
CUST : 0
اضغط انتر : DN


هتلاقي كل الدي ان الفاضي ظهر سجله في ورقه او احفظه في عقلك


-----------------------------------------------------------------------------------



REQ: NEW
TYPE: 500
أكتب التي ان الي انتا حددته :TN
أكتب اسمك : DES
اكتب الدي ان الي انتا حددته :DN
TGAR: 1
NCOS: 1
CLS: UNR

بعد كده انتر الي الاخر

ملحوظه هامه

1- بعد كل امر تكتبه طبعا لازم تضغط انتر علشان تتنقل للخطوة الي بعدها
2- فيه اوامر هتلاقيها اكثر من الاوامر الي انا كتبها وومكن كمان تلاقيها في منتصف الاوامر الي انا كاتبها مش لازم تكتب امامها اي شيء فقط التزم بالي انا كتبته فقط يعني علي سبيل المثال هتلاقي قبل TGAR و ال NCOS أوامر كتيرة اضغط انتر لحد اما تلاقي الخطوات الي انا محددها بالضبط

3- ال CLS دا خاص بامتياز الخط بمعني انه يضيف خصائص كتيرة جدا للخط ودي ليها شرح لوحدها

وعلشان ما تتلخبط افترض مثلا اني انا حددت التي ان الاتي 10*0*2*1
وحددت كمان الدي ان الي هو هيبقي رقم الخط 5545


تكون الاوامر كالاتي

REQ: NEW
TYPE: 500
TN: 10*0*2*1
DES: ABDOH
DN: 5545
TGAR: 1
NCOS: 1
CLS : UNR
ثم انتر لحد اما تخلص الاوامر ويديك REQ ومبروك عليك انشات خط انالوج


ملحوظه هامه

لا بد من تشابهه قيم الTGAR و ال NCOS يعني لو ال TGAR واحد يبقي لازم ال NCOS واحد

------------------------------------------------------------------------------
لتعديل البرمجه لخط انالوج

REQ: CHG
TYPE: 500
CUST: 0
اكتب تي ان العده :TN

بعد كده عدل في الخطوة الي انتا عايزها يعني ممكن تغير الدي ان او تغير في TGAR أو الCLS زي ما نتا عايز طبعا التغير يتم باضافه القيم الجديده بدلا من القديمه


مثال

وانا هنا هاستعين بالمثال الخاص بالعده الي انا انشئتها ولاحظ الفرق معايا


REQ: CHG
TYPE: 500
TN: 10*0*2*1
CUST: 0
TGAR: 2
NCOS: 2
CLC: LNA

ثم انتر الي الاخر


ملحوظه

1- الـ CUST عبارة عن جروب يعني ممكن تلاقي في السنترال أكثر من CUST لكن في الغالب بتلاقي CUST صفر
2- وظيفه الـ TGAR والـ NCOS G لو انتا عندك خطوط خارجيه علي السنترال ودي طبعا بيكون ليها TGAR و NCOS خاص بيهم وفرضا حبيت تخلي العده تسحب الخطوط الخارجيه يبقي لازم تعرف الخط الخارجي هو كام TGAR و كام NCOS وتحطه في برمج العدة زي ما انا موضح في المثال السابق
3- لاحظ في المثال السابق تم تغيير قيم الـ TGAR و NCOS و CLS

----------------------------------------------------------------------

الغاء خط انالوج

REQ: OUT
TYPE: 500
CUST: 0
أكتب تي ان الخط الي انتا عايز تلغيه:TN

ثم انتر الي الاخر
-----------------------------------------------------------------------------------

برجاء عدم كتابه اي شكر او خلافه انا ابتغي من الشرح ارضاء الله عز وجل ويا ريت لو فيه اي اخ مش فاهم الشرح يكتب بدلا من الشكر

دمتم بخير ولنا لقاء مع الحصه الثالثه ان شاء الله

اخي الفاضل عندي استفسار هل ممكن توصل السنترال عن طريق كيبل usb

نعم يمكنك شراء وصله كونفرتر يعني من يو اس بي الي سيريال بورت 9 بن

((usb to serial port ))