أحد سببين إما إن المنظم ردئ فينتج ضغط غاز عالى أعلى من المفترض أو إن الصمام الكهربى لفتح الغاز ضعيف ولكن تأكد إن البطارية جيدة أولا قد تكون جديدة ورديئة .

بشكر حضرتك يابشمهندس لكن أنا غيرت المنظم أكتر من مرة والأن المنظم اللى راكب هو منظم بتروجاز الزيتى الأيطالى والحجارة غيرتها أكتر من مرة وأستعمل الحجارة بناسونيك او فارتا الألمانى ولكن ما سعر الصمام الكهربى هذا ؟ وكيف أغيره ؟ أو من أين أحصل عليه؟ وفى أنتظار الرد

بشكر حضرتك يابشمهندس لكن أنا غيرت المنظم أكتر من مرة والأن المنظم اللى راكب هو منظم بتروجاز الزيتى الأيطالى والحجارة غيرتها أكتر من مرة وأستعمل الحجارة بناسونيك او فارتا الألمانى ولكن ما سعر الصمام الكهربى هذا ؟ وكيف أغيره ؟ أو من أين أحصل عليه؟ وفى أنتظار الرد

قمت منذ قترة بتغير جلدة الرداخ للسخان اليونيفرسال 10 لتر ديجيتال وبعد أن كان السخان لا يعمل أصبحت أقل درجة حرارة للسخان 40 درجة مئوية مع العلم أنه لا يوجد إنسداد أو تسريب مياة وحاولت مع المؤشرات بكل الأشكال ومازالت المشكلة مستمرة وكانت أقل درجة الحرارة قبل ذلك تصل ل37 درجة

السلام عليكم و رحمه الله و بركاتة
فى البداية اود ان اشكر المهندس الفاضل القائم على الموضوع .. جزاكم الله خيرا

و ارجو المساعدة فى الرداخ
عندى سخان غاز فريش 6 ليتر
من سنة كان حصل مشكلة مش شغال و بعد مراجعة الموضوع عرفت ان المشكلة فى جلدة الرداخ - و انا بفك الرداخ عشان اغيرها كان فى جزئ تحتها تقريبا صمام الرداخ و فية سوستة مخروطية الشكل وكان فى جزء بيمسكاه فى الصمام و لكن كان متأكل فاضريت انى اركب جلدة بحيث تثبت الجزء دة لانى مش عارف اسمة ولا بيتباع فية كما هو مرفق فى الصورة و اشتغل كويس
حاليا نفس المشكلة فقلت اغير جلدة الرداخ ولكن بعد التغيير فى تنقيط من مكان فوق الميكرو سويتش مش عارف اية السبب
ولكن كان نفسى اعرف الجزئ الى انا غيرتة بجلدة الى فوق الصمام و السوستة الى باللون الاحمر اسمة اية و بييباع فين عشان أغيرة و اية سبب التنقيط وياريت لو اى صورة لتغير الاو رينج بتاع الرداخ و كمان فى مسمارين انا معلمهم فى الصورة التانية دول لازمتهم اية هل لهم علاقة بقوة اندفاع المياه ؟؟





وجزيل الشكر ليك يا بشمهندس

سلام عليكم ورحمة الله وبركاته
انا سخانى اريستون عشرة لتر دى تالت سنة ليه المشكلة ان ضغط المية تمام والبطارية جديدة ومع ذلك لا يشرز ولا ويفتح غاز وساعات كل فين وفين يشرز ويشتغل بس لو قفلت وفتجت تانى ميشتغلش
وقمت بتغيير جلدة الرداخ اليوم وبقى الحال كما هو عليه
فهل من حل لديكم ومساعدة ؟

هو الموضوع اتقفل ولا ايه يا باشمهندسين

السلام عليكم ياباشمهندس
عندي سخان غاز كريازي 10 لتر .. و المشكلة ديه حصلت مؤخراً .. وهي إن لما بافتح المياه الساخنة باسمع صوت تكتكة الإشعال لكن بتستمر لفترة أطول مما كانت قبل كده .. وبعدين بتتوقف والشاشة الديجيتال بتشتغل وتظهر درجة حرارة المياه اللي دايما بتبقى 30 درجة ومش بتعلى ولا بتوطى عن كده والمياه مش بتسخن إطلاقا
حاولت أظبط مفتاح درجة الحرارة أو مفتاح الشعلة .. لقيت المفاتيح كلها قافشة ومش بتلف لا يمين ولا شمال.
مع العلم ضغط المياه كويس شغال على موتور