بسم الله الرحمن الرحيم
حياك الله اخى الكريم... ولا تظن انك فى مأمن من المخاطرة او فشل جزء من تجربتك... فلا تنسى ان فكرة الفقاسة هى محاكاة لتفريخ الطائر.. وايضا بنساعد بعض عن بعد حسب المعطيات الى حضرتك بتعطيها .لعل هناك فروق يغفلها الناقل..

اما عن الفقاسة ماعدلت فيها سوى المروحة اشتريت قدرة اعلى
استخدمت مروحة معدن 25 واط بتعمل على ال 220 (استاذ ابواحمد لايحبذ تلك النوعيه من المراوح .. ويرشد دائما باستخدام الفانات )لكن الفانات سعرها مرتفع عندنا فى مصر
لكن حسب استخدامى المروحة المعدن جيدة جدا فى توزيع الهواء ودفعه
....
وطبعا لما اشتريت المروحة للأسف عملت احتباس حرارة ... مما استدعى ان اعدل فالمروحة نفسها بمعنى ان المروحة تدفع الهواء فى اتجاه الموتور (تهوى عالموتور عشان ميسخنش)
...
وطبعا ترومستات ديجيتال
......

اما عن فتحات التهوية... ففتحها حسب عمر الجنين

هنفتح فتحتين خلف المروحة بقطر 5 سم مسيطر عليها بسدادة
ونفتحها تدريجيا حتى ايام الفقس الثلاث نفتحها عن اخرها

...
اما موتور حوض السمك ...(حقن الماء بالهواء) طبعا هنستخدمة فى رفع الرطوبة
وهى فكرة ممتازة وغير مكلفة

وان شاء الله بالتوفيق

بسم الله الرحمن الرحيم

تحية احترام

الابعاد بتتوقف على حسب ابعاد الفقاسة
لكن فضلا لا امرا موضوع جديد .. لعدم مزاحمة موضوع استاذ waled_superstar

السلام عليكم اخى hafs شكرا عل الرد الوافى من حضرتك وبارك لله فيك كنت محتاج صور للفقاسه بعد ازنك بعد التعديل وتركيب مكان المروحه المعدن بالظبط صور توضحيه بعد التعديل وايضا كنت عوز اعرف الانى بستخدم بيض البيض
الفتحات تتم ازاى يعنى لو فتحت فتحتين بقطر 5سم فى الجنبين الفتح ازاى ارجو الافادى يعنى مثال حيكون مقفولين اول ثلاث ايام وبعد كدا افتح فيهم مسافه اد اي وكل اد اى وبالنسبه للماتور المياة يركب من اول يوم فى الفقاسه وعلى حد علمى انى لو استخدمت ماتور المياة حيبقه الفتحات تتقبل الانى الماتور حيعوض الرطوبه

بسم الله الرحمن الرحيم
تحية احترام

اما عن صور فقاستى ... غير متاح الان.. لأنى طورتها وبعتها
لكن الامر يسير ان شاء الله...
مفهمتش (كنت عوز اعرف الانى بستخدم بيض البيض) تقصد بيض بط؟!!
..
اولا : لابد من اختيار قوة المروحة لتناسب ابعاد الفقاسة (بالنسبة لفقاستك ..تحتاج مروحة 25/30 واط بريشة معدن(... (وكما ذكرت ان استاذ ابو احمد لا يحبذ مثل تلك المرواح ويوصى دائما باستخدام الفانات).. عند شرائك للمروحة اختار النوع الذى يدفع الهواء باتجاه ملفات المروحة لتجنب السخونة الزائدة (الاحتباس الحرارى) او إن لم تجد إن شاء الله نعدلها مع بعض وصورتها كالاتى

http://www8.0zz0.com/2017/12/24/13/913545275.jpg

ستجدها فى شارع نجيب الريحانى من ش الجمهورية برمسيس بالقاهرة

تثبيتها كالاتى....

http://www8.0zz0.com/2017/12/24/13/599026354.jpg

لكن مسدد حولها كى تدفع الهواء الدافىء للأمام ..كالاتى

http://www8.0zz0.com/2017/12/24/13/556817817.jpg

اما عن فتحات التهوية.. عدد 2 فتحة تهوية بقطر 5 سم خلف المروحة .. تفتح نصفها فترة الحضن وتفتح بالكامل فترة الفقس تجربتى الشخصية
ومسدد عليها بتلك الطريقة ... كفقاسة شيخنا ابومعاذ او بالطريقة التى تحلو لك

http://www10.0zz0.com/2017/12/24/13/306986092.jpg

فترة الفقس هى الثلاث ايام الاخيرة فى عمر الجنين بتحتاج ترفع الرطوبة النسبية حسب نوع الطائر المفرخ..
اما استخدام موتور حوض السمك( حقن الماء بالهواء)فهذا بيرجع لستخدامك انت )
بمعنى انت لو هتفرخ دجاج هتحتاج فترة الحضن 55% رطوبة فترة الفقس تحتاج 75% رطوبة..... بالتالى استخدام الموتور بيرجع ليك انت حسب القراءات والمعدلات الى قدامك
..

.. اما عن الاستغناء عن فتحات التهوية مادام هناك متور حوض السمك... فى رأى انها غير مجدية وقد تتعرض لمشكلات كثيرة وحدثت معى... منها انقطاع التيار مثلا او طفل هز الاسلاك مما يشكل خطورة على الاجنه...

.

وان شاء الله بالتوفيق

السلام عليكم
بالنسبه للبط ايوة بيض بط بازن لله
بالنسبه للمروحه المذكور اعتقد انه للى بتبقه فى الثلاجات فى وحده التبريد وارء الماتور بشوفه فى الثلاجات وبتبقه لتبريد السربنتينا والماتور الثلاجه عامل تبريد
وبالنسه للفتحات 5سم لو لبيض البط حتعامل معه ازاى يعنى بعد ثالث يوم مثلا حفتح فى الفتحتين مقدار اد اى كام سم وبعد كام يوم افتح ايضا كام سم بتسلسل ازاى
وبالنسبه اخى لفقاستى لو جبت المروحه حيبقه المقاسات حتتعدل ارجو افادتى بتعديل فى المقاسات من السقف مثلا الاول رف للى حيبقه فى الغرفه الحراريه كام سنه وما بين رف الغرفه الحراريه ورف البيض كام سم ومن الخلف للضهر كام سم ومن الباب كام سم وفى رسمه ارسلته لحضرتك موضح المقاسات كامله لفقستى

بسم الله الرحمن الرحيم

تحية طيبة كريمة .. وبعد

اما عن المروحة بالفعل..هى المروحة المستخدمة فى تبريد (الديب فريز) وفى منها صينى وايطالى ..لكن لم تجد فى السوق الا الصينى .. والله اعلم

اما عن تعديل المقاسات .. لاتعديل فى المقاسات الا قليل جدا... حضرتك اشترى المروحة وثبتها وعليها هتكون الغرفة الحرارية (يعنى قطر الرموحة هيحدد سعه الغرفة)

اما عن المسافة بين البدن وجدار المورحة.... والغرفه الحرارية والباب 7 سم متساويين فالاتجاهيين
ممكن تزيد قليلا حسب ظروف مفقاسك او المعطيات الى قدامك(بمعنى طبق البيض قد ايه مثلا ...يعنى حسب عملك الميدانى

اما عن المسافة بين اول رف والغرفة الحرارية ... (استاذ ابواحمد يوجه ب20 سم... لكن تجربتى الشخصية بعد التعديل جعلتها 10 : 15 سم

اما المسافة بين الارفف 10 سم ...وهى مسألة متعلقة بالحركة الميكانيكية للأدراج.. وتخلل الهواء الدافىء للبيض

اما عن تفريخ البط فهذه مسألة تحتاج تفصيل نتكلم فيها بعد الانتهاء من مفقاسك... عموما تفريخ البط والاوز بيحتاج طريقة مختلفة فالتفريخ عن باقى انواع الطيور مثل...(التبريد_الرش)

..... ملحوظة غاية فى الاهمية

كان واجب عليك الاطلاع اولا على موضوع المنتدى وتدوين بعد النقاط التى تفيدك فى العمل
ومن ثم الشروع فى التنفيذ (هتفرق معاك جدا جدا فى التجربة الاولى)مما يوفر عليك فهم بعض الاشياء البسيطة فى معلوميتها كبيرة ميدانيا

اخيرا......
بعتذر عن التأخير لأنقطاع الانترنت عندى
وان شاء الله القادم احسن

تحيه طيبه الاخى ومهندسنا الكريم hafs ولله اخى اسف عن انقطاعى فنرة لمشاغل الحياة وصعوباته والحمد لله على كل شى
اتبعت خطوات حضراتك وارشاداتك بالظبط وعملت كالاتى بالنفس المروحه للى كانت راكبه والشرح عليه ما غيرتش المروحه التغيرات كالاتى
تم غلق الجوانب فى الكامل عند الغرفه الحراريه من جميع الجوانب المسافه بين الضهر والباب بتساوى عمل خرم من الخلف وراء المروحه بالظبط 5سم
لحظت كالاتى وشغلت الفقاسه
بدء دوران الهواء السخن فى الفقاسه والحرارة كانت على 37 اشتغلت تمام وبدءت الرطوبه تزيد وصلت لغيت 70 وبعد كدا بقت تزيد لغيت ما بتوصل عندى الى 80 درجه
طبعا كان عندى بيض فى الفقاسه الاخرى وشلته على طول وحطيته فى الفقاسه الجديدة
كان فيه 5 بيضات على وشك الفقس تمام قللت الجرارة الى 36.5 وبدء البيض فى النقر والرطوبه وصلت الى 80 درجه اوكى وبدء بيضه منهم عوز تطلع خلاص الكلام دة بليل صبحت الصبح لقيته نص البيضه متقشرة وميته
هل دة من عوامل الرطوبه الزائدة مع العلم كل الاراء بتقول الازم تزود الرطوبه فى اخر 5 ايام التفقيس
ولا دة عامل الحرارة 36.5 عالى الانهم فى الفترة دة بيبقه جسمه سخن ومحتاجين حرارة اقل مثلا 36 درجه فقط ولا نقص هواء وسخونيه زائدة فى الفقاسه ارجو الافادة

بسم الله الرحمن الرحيم
عودا حميدا استاذ waled_superstar

اولا: ( اتبعت خطوات حضراتك وارشاداتك بالظبط وعملت كالاتى بالنفس المروحه للى كانت راكبه والشرح عليه ما غيرتش المروحه التغيرات كالاتى) وهل صنعت التجانس الحرارى المطلوب؟!!
..
ثانيا: (عمل خرم من الخلف وراء المروحه بالظبط 5سم ) 2 فتحة خلف المروحة بقطر 5 سم وليس فتحة واحدة

..

ثالثا: (بدء دوران الهواء السخن فى الفقاسه والحرارة كانت على 37 اشتغلت تمام وبدءت الرطوبه تزيد وصلت لغيت 70 وبعد كدا بقت تزيد لغيت ما بتوصل عندى الى 80 درجه ) أمر جيد لكن ما الفرق بين اول درج واخر درج فالحرارة؟
..
ثالثا: (طبعا كان عندى بيض فى الفقاسه الاخرى وشلته على طول وحطيته فى الفقاسه الجديدة ) خطأ تماما لازالت الفقاسة تحت الانشاء والتعديل والاختبار والمراجعه.. وفتحات التهوية خير دليل..فقليل من الصبر ينفع
...

رابعا: (ولا دة عامل الحرارة 36.5 عالى الانهم فى الفترة دة بيبقه جسمه سخن ومحتاجين حرارة اقل مثلا 36 درجه فقط ولا نقص هواء وسخونيه زائدة فى الفقاسه ارجو الافادة)

..أ _لا اعلم ماذا كانت ظروف التفريخ فى الفقاسة الاولى... لكن واضح انها مشكلة رطوبة مادام هناك نقر....
..ب_ اما عن الاحتباس الحرارى وباقى الامور لازالت هناك امور لازالت تحت الاختبار وماعندى اى معلومة وعشان كده حضرتك استعجلت
عشان نقدر نحكم على عمل الفقاسة لابد من الانتهاء اولا من التعديل والتطوير والاختبار ومن ثم وضع البيض

أخيرأ... ماهو الترومستات المستخدم ... وقوة المروحة .... والترومتر المستخدم فى القياس؟
وان شاء الله القادم أحسن