السلام عليكم اذا كان لابد من تركيب الشاسية اعمل الى عليك واختار ماركة شاسية تكون موثوق بها ومتسترخص لان الفرق بين الشاسيهات بيكون بسيط واعلى فرق فى حدود 20 جنية وحاول تحسب الشاسية القديم باى ثمن واطرحة من ثمن الصيانة والله اعلى واعلم .

لاحول ولا قوة الا بالله
اعتقد ان العيب كان صوت فقط والشاسيه دايو فهو مشهور بهذا العطل ولكن المعلم افتى فتوته بالجهاز

شكرا للمتابعة استاذنا

فعلا فى اوقات كثيرة يدخل تقييم الشاسيه القديم فى الحسبة
ولكننا نقول هنا ان التركيب للشلسيهات التى تخرج خارج نطاق الحسبة تماما اى المعدومة الامل

أنا يا جماعه مش فنى.....بس انا مهندس أليكترونيات وفاهم شويه بحكم حبى ودراستى للألكترونيات وهوايتى المحببه ألى قلبى أيضا هى معرفة كيف تعمل الأشياء ....المهم إنى قابلت مشاكل من النوع ده كزبون مع الفنيين عدماء الضمير للأسف أنا مش عايز أقول ان كل الفنيين عدماء الضمير لأنى بجد نادرا ما قبلت فنى عنده ضمير طبعا الناس كلها مش زى بعضها بس اكيد فيه وفيه الواحد بيقول كده من كتر الوحش ألى شافه ....لكن بجد أنا كإنسان مسلم بحذر كل ألى بيستغفل زباينه وبيأكلهم البلوظه وبيضربهم على قفاهم وفى الأخر سيادة الحرامى المحترم بيطلع بصمجى ما يعرفش ألف به قواعد أليكترونيات يمكن البهيمه لو أتعلمت هتبقى احسن منه ...أنا فعلا بحذر الناس دى من أن ربنا ما بيفوتش وأنتقامه قريب
"يمهل" لعلا وعسا تتوب ...ولكنه "لا يهمل " وبينتقم ...وأعلم أخى الفنى عديم الضمير أن الفلوس ألى سرقتها من زباينك ألى أستأمنوك وأنت لست أهلا للأمانه سوف تحرق بها فى نار جهنم باذن الله وبأس المصير وستذل بها وأعلم ان كل شىء نبت من حرام فالنار أولى به ...وذلك للتذكره فقط ليس أكثر وهذا الكلام موجه لكل الناس كى يتقوا الله فى عملهم وفيما يكتسبون ويراعوا ضميرهم شويه فى الأمانه ألى على عاتقهم .... ولا حول ولا قوة ألا بالله..
وبارك الله فيكم أخوانى أعضاء ومشرفى المنتدى...وشكرا

شكرا على الرد الجميل من أخ جميل زيك أخى مصطفى بارك الله فيكم جميعا ...فين يا اخ مصطفى تلاقى الناس دى غير الناس المحترمه الى زيكم الفنيين والمهندسين بتوع زمان ربنا يكرمهم و يبارك فيهم ويبارك لهم فى علمهم وعملهم ...الفنيين الصغيرين بتوع دلوقت (طبعا أغلبهم مش كلهم) أحترفوا النصب كمهنه بدل ما يتعلمولهم مهنه ولا يزيدوا فى تعليمهم بالقرايه ولا على ايد الناس الكبار الخبره ..دول أتعلموا ياخدوا مايدوش ولا ممكن أخدوا شهادتهم فى مدارس النصب والأحتيال مش فى مدارس فنيه محترمه ولا ممكن كمان ما يكونوش أتعلموا أصلا ومحترفينها كده بلطجه دخلاء على المهنه وعلى البنى أدمين أصلا
تصور أخى الكريم أنى قابلت من الأصناف دى واحد بيصلح أزاى ...تصور فنى وواخد دبلوم صنايع ...بيعمل شورت على الأرضى مثلا ويقعد يمشيه على توصيلات الدائره والدايره ممكن تشتغل وتبوظ بعد فتره مش مشكله هو اهم حاحه عنده الفلوس الى هيولع بيها فى نار جهنم ومش مهم الجهاز يتحرق ولا يبوظ بالطريقه دى ولا حتى يطلع دخان قدامه ....حمار ....ويمكن انا بظلم الحمار كمان ...يا راجل روح اتعلم ولا بتتعلم فى فلوس الناس وأجهزتهم....وواحد بردك بيلسع الناس فى فلوس التصليح ويمكن توديله الجهاز يصلحه من عيب معين يرجعلك الجهاز فيه عيب تانى غير الأولانى ......وهكذا لدرجة انى حلفت أنى اتعلم الصيانه من نفسى ولو الجهاز هيترمى مش هيتصلح مش مخلى حد يفتح جهازى لىّ يصلحه ....
...أرجع وأقول ألهم أقتص منهم عاجلا ولا تتركهم يسعون فى الأرض فسادا ,.,,وشكرا لمشرفى المنتدى الكرماء ألى ما بيبخلوش علينا بالرد ولا بالمعونه ...أنا على فكره من ساعة ما أشتركت بالمنتدى ده وتمسكى بيه وحبى ليه بيزيد أكتر وأكتر و أنا حاسس أنى محظوظ لأن ربنا أكرمنى وهدانى أنى أشترك فى المنتدى ده ...أنا يوميا لازم أخش على المنتدى ده وما بدخلش على غيره ألا نادرا علشان ما كنش كداب....وشكرا

قام احد الفنيين بتركيب شاسيه لجهاز ايوا بالفيديو لعدم درايته الكافية بالعطل
بعد ان اصبح الجهاز من مخلفات الحروب بعد محاولاته اصلاحه

ثم قام بتركيب الشاسيه فوجد ان الشاشة عليها خطوط خضراء
فذهب اول ما ذهب بأصبعه المبلل الى المتكاملة الام ومرر اصبعه الساحر فأنحرف تردد المذبذب الافقى واحترق ترانزيستور الاخراج الافقى وسكت الجهاز
ثم جاءنى يشكو من رداءة الشاسيهات الصينى؟؟؟؟؟؟؟؟؟؟؟؟؟

المهم انى عنندما رأيت الجهاز القديم الشهيد وجدت ان العيب كان فى حساس فى الفيديو فقط