1- يبقي اقارن XL و XC ،لو الاولي اكبر يبقي الحمل سعوي و تبقي إشارته بالسالب عند جمع ممانعات الاحمال في دايرة بينهم.

2- بس عاوز استوضح نقطة تخص الجمع الاتجاهي لممانعات الاحمال.

عندي القانون ده للجمع علي التوالي لو الزاوية بين الاحمال صفر او 90 درجة:
م ك = | (م^2+(م حث-م سعة)^2)

(م) حمل اومي فزاويته صفر و الاحمال الحثية و السعوية زاويتها 90 مع اختلاف الاشارة، و طول الضلع التالت للمثلث القائم بيحدد قيمة الممانعة (م ك)، بس طول الضلع التالت ده مبيعطيش دلالة علي زاوية الحمل.

عند الجمع علي التوالي او علي التوازي ل 2 من الممانعات السابق حسابها ، الزاوية بينهم مش 90 درجة و تختلف حسب زاوية كل الحمل مع الجهد و بتأثر في طول الضلع التالت للمثلث الجديد الي بيمثل ممانعة الدايرة بين الحملين.

فينفع استخدم قانون الجمع الاتجاهي بزاوية 90 درجة بمعتي افرض ان الزاوية بين الممانعتين 90 في حين انها تختلف عن ذلك ؟

من قال هذا؟؟؟

قانون الجمع سيكون بزاواياه بحساب المثلثلات

1-لقيت قانون جيب التمام علي الوكيبيديا العربية و هذا هو القانون:



ج^2 = أ^2 + ب^2 - 2*أ*ب*جتا( الفا)

2-يبقي انا هاجمع ممانعة حملين واحد حثي و التاني سعوي كده:



ح^2= ح حث^2 +ح سعة ^2 - 2*ح حث*ح سعة*جتا ( الفا+بيتا)

3-و هاجمع ممانعة حملين حثي او حملين سعوي كده:



ح^2= (ح حث1) ^2 +(ح حث2) ^2 - 2*ح حث1*ح حث2*جتا ( بيتا-الفا)

4-لو حمل منهم اومي يبقي الزاوية بيتا = 0.

5-لو الحملين علي التوالي يبقي طول الضلع = ممانعة الحمل.

6-لو الحملين علي التوازي يبقى طول الضلع = 1/ ممانعة الحمل.

7-لو احمال كتير هجمعهم اتنين اتنين و نجمع الناتج بنفس الطريقة السابقة.


استاذنك يا أستاذنا تراجعلي اللي فات ده براحتك و تقولي إذا كان صح ولا غلط؟

فيه سؤالين كمان بخصوص تحديد نوع الحمل الناتج و زاويته بس خلينا حاجة حاجة؟

يبقي شئ و هو اني قرأت في الوكيبيديا ان قانون جيب التمام هذا وضعه العالم العربي غياث الدين الكاشي المولود سنة 1380م في خرسان.

آسف، في المشاركة السابقة بند 4 ، لو حمل منهم اومي يبقي الزاوية الفا = 0 مش بيتا.

رجاء رفع الرابط

متأسف تاني يا بشمهندس ماجد دي تالت مشاركة علي التوالي من غير ماستني ردك بس لما فكرت في الطريقة اللي حسبت بيها لقيت شئ مش صح.

عند جمع ممانعتين حثي علي التوالي، لو الزاوية بينهم قليلة هيديني ممانعة قليلة جدا.

مثلا كشاف معامل قدرته 0.5 يعني زاويته مع الجهد 60 درجة ، وصلناه علي التوالي مع كشاف تاني زاويته مثلا 58، كده حسب الطريقة اللي حسبت بيها الزاوية بين الكشافين درجتين.

بما ان التوصيل توالي يبقي ضلعين المثلت اللي بنهم الزاوية 2 طول كل واحد منهم يساوي ممانعة كشاف و يبقي حاصل الجمع الاتجاهي اللي هو ضلع المثلث ممانعة قليلة قوي.

طبعا نفس الغلط لو وصلناهم علي التوازي لان الضلع المقابل للزاوية 2 هيكون قيمة قليلة قوي بس تمثل 1/م يعني ممانعة الدايرة زادت عند التوصيل علي التوازي.

طبعا ده يدل ان ان الطريقة بالشكل ده غلط بس انا مش عارف الغلط فين؟

مستني الرد براحتك علشان اعرف الحل ايه؟

قانون جيب التمام
https://e.top4top.net/p_880yvi450.jpg

جمع حمل حثي و حمل سعوي
https://f.top4top.net/p_8803sr8u0.jpg

جمع حمل حثي و حمل حثي
https://f.top4top.net/p_880si2kv0.jpg

شكل (1):
جمع مقاومة (م) و حمل حثي زاويته (الفا) علي التوالي و الضلع التالت هو الناتج نوجدة بمعلومية الضلعين التانيين و الزاوية اللي بينهم (180- الفا) و نطبق قانون جيب التمام، و زاويته (بيتا)



الشكل التاني : هنجمع علي الناتج و هو حث زاويته (بيتا) مكثف يعني زاويته (90) علي التوالي و الناتج نوجده بنفس الطريقة السابقة و زاويته (فاي)
( يعني الحمل الحثي و المقاومة من المثال السابق و المكثف اللي زاد في هذا المثال كلهم علي التوالي).

لو ان الجمع علي التوازي هيبقي كل ضلع يساوي 1/م بدل م.

آسف مرة تانية و علي الله يكون صح المرة دي.