اخى محد المصرى كل سنه وانت طيب 00ترانزيستور ال Y هو حامل لمعلومات الصوره اى انه ترانزيستور الفديو والاخ Amak فى مشاركته يقول ان الجهاز ظهر عليه عطل لونى اختفاء اللون الاحمر راجع كده معلوماتك وقول لنا يكون فين العطل تحياتى لك محمد

شكرا للأب الكبير المهندس خميس برعى على هذة المشاركة الجميلة فهو دائما سباقا للخير مع كل الأخوة الزملاء وتحياتى لكل من شارك فى هذا الموضوع واضيف:-
ا ولا قم بفصل الثلاث طروف الأرجى بى وجرب مثلا الأخضر مكان الأحمر وجرب الأحمر مكان اى لون اخر
فاذا كان العيب من متكاملة البال فسوف لا يعطى معك هذا الطرف اى اشارة لون على اى من الطرفين الأخرينإلا إذا كان العيب مركب
ثانيا: اذا اعطى معك اشارة على الأخضر او الأزرق فتتبع هذا الخط وسوف يصل بك الى هذة الحلول
1-اما الترانزستور الخاص بالأحمر تالف
2-اما المقاومة المتغيرة للأحمر تالفة تسبب نفس العيب
3-او ان يكون قاذف اللون الأحمر تالف ويلزم تغيير الشاشة
ملحوظة:-دائما ما يكون المكثف المسؤول عن تنعيم اشارة اللون هو سبب المشكلة وقيمتة 47 من المائة 16 فولت على طرف خرج اللون من المتكاملة
والله الموفق

اخى المهندس خميس وانت بالصحه والسلامه
انت فين ؟ لعلك بخير
المشكلع دى قابلتنى فى نفس الجهاز ده من فتره وكان هذا الترانزيستور بايظ شورت انا فاكر المشكله دى كويس لان الجهاز ده دوخنى وكانت مقاومتين من مقاومات القوازف بتسخن مش فاكر ارقامهم للاسف
واشكرك استاذى خميس للتعليق وادينى باستفيد من حضرتك

صديقى وحبيبى الاخ محمد المصرى كل سنه وانت طيب الحمد لله انك بخير -
اخويا محمد كل شىء وارد فى اعطال اجهزه التلفزيون لا نها دائره مغلقه ولا استبعد اى عطل من اى مكان كل كلامك وكلام الاخوه الاحباء الزملاء سليم وكلنا بنتعلم من بعض وانت مكمل لى وانا كمان لاننا اخوات بنحب بعض ربنا يخليك لنا اوعى تكون فهمت من كلامى حاجه تزعلك عمرى ابدا مازعل احبابى واصدقائى انت عندى غالى محمد 0 المهم فى حاله ضياع اشاره الواى ( البريق) تكون الالوان
شكل الصوره تنقصها اشاره الفديو التى يطلق عليها فى الملون اشاره البريق 00 تجد الوان بدون صوره ممكن هذا الترانزيستور يعمل نفس مظهر العيب 0 انت عارف ان مظهر العطل ممكن يكون من اسباب كتيره 0 مثلا مفيش زبون رجع لك بالتلفزيون يقولك التلفزيون زى ماهو
نفس العيب وتكشف على الجهاز تلاقى حاجه تانيه خالص غير اللى انت عملته فى المره الاولى0 لكن الزبون وصف العيب الاول 0
وتطر تصلح الجهاز على حسابك لارضاء العميل بالرغم من انك مظلوم والعطل غير العطل الاول صح كلامى محمد تحيه طيبه لك مع حبى وتقديرى وفقك الله الى ما فيه الخير ويصلح مابين ايديك

اخى الغالى جدا المهندس خميس وانت طيب ومهندسى القريه كلهم بخير وبصحه وعافيه
اولا انا مفهمتش حاجه غلط لانك استاذى وانابحبك وبحترمك وادينى باكتسب خبره من حضرتك واى حاجه اقول عليها وتطلع غلط بحكم المعذه اللى بينا لازم توجهنى للصح ولا انا غلطان ؟؟؟
على فكره انا كنت عايز اتكلم معاك كاخ كبير وده انا واثق منه
انت قولتلى قبل كده الساعه عشره بس انا اسف كان نفسى اكلمك لكن ظروفى اللى هحكيهالك متسمحش بالوقت ده
اتمنى انى اقابلك قريبا على الشات
اخوك اللى بيعذك محمد صلاح

بسم الله الرحمن الرحيم
انا فى انتظارك على الشات