السلام عليكم
شكرا لك اخي شرى كوول على كل ما تقدمه جزاك الله خيرا
تحياتي
م.محسن

أخى الفاضل / م.محسن حمزة

ولك الشكر الجزيل على مرورك الكريم ..
مع اطيب تحياتى ....

اولا الف شكر لك على مرورك الكريم ..
ثانيا العطل المذكور بثلاجتك يحتاج الى اخصائى تبريد .
لان العطل ناتج عن واحد من الاتى :

1- سدد بدائرة التبريد واغلب الظن يكون بالفلتر .
2- شحنة قليلة نتيجة تسرب الفريون .
3- تلف ببلوف الضاغط نفسه .

مع تحياتى..

الموضوع جميل جدا ومش عارف ليه وقف ولم يستمر ..على كل حال جزاك الله كل خير يا أخى (شرى كوول ) على المعلومات القيمة..وانا عندى مشكله فى ثلاجتى وهى ثلاجة كلفينيتور امريكانى 21 قدم وقد تم تصليحها اكثر من مره واخر مره من حوالى 5 اشهر وتم تغيير الموتور واشياء اخرى اسفل الثلاجة..والمشكله الان هى افاجأ بان الاشياء اللى فى الفريزر سائحة (اى غير مجمده )..ولما اتصلت بالشركة التى اصلحتها قال لى الفنى زود الترموستات الى درجة 9 او 10 واتركها كده 24ساعه..وفعلا اشتغلت الثلاجة وجمدت الاشياء اللى فى الفريزر..ولكن هذه المشكله اصبحت تتكرر تقريبا كل اسبوعين..ياريت اعرف السبب ايه او من ايه..لان بصراحه بدأت افقد الثقه فى الشركة التى اصلحتها..ومنتظر الرد والف شكر مقدما..

الاخ الكريم / دموع فلسطين..أشكرك كثيرا على اهتمامك برسالتى والرد عليها..واحب ان اعرفك بان المشكلة الان اصبحت فى خلال 24 ساعه اللى قال لى عليها الفنى والترموستات تكون على 10 برضه الاقى الاشياء المجمده فى الفريزر بدأت تسيح..وبعد ساعتين مثلا او 3 ساعات الاقيها بدأت فى التجمد مرة اخرى.. (طبعا انا شايل معظم او كل المأكولات المجمده وناقلها فى ثلاجه اخرى والبا قى فى الديب فريزر ولااترك اللحوم والمأكولات الاخرى تسيح وتتجمد كل شويه..ولكن باكون تارك كوب المونيوم فيه ماء وكل ساعه او ساعتين اشوف اذا كان الماء مجمد يعنى بيكون ثلج ام بيكون ماء.)..وسيادتك بتقول انك تعتقد ان العيب من الترموستات حيث لاتعطى اشارات صحيحه..فى هذه الحاله هل يتم تغيير الترموستات..ام يتم تضبيتها.. وان كنت انا بافتكر ان العيب ممكن يكون من التايمر لانه يكون بيعلق لما يشتغل يقوم الكمبريسور ويتم التبريد ولما يعلق ولا يشتغل الكمبوسور لايعمل وبالتالى لا يكون هناك تبريد (اقصد تجميد..لان فيه تبريد ولكن لايوجد تجميد)..فهل الكلام اللى بأقوله فى شيىء من المعقول ام هو كلام بطيخى حيث انى غير فنى ولا افهم فى الثلاجات ولكن بطبعى احب ان اعرف وآخذ فكره عن كل شيىء وأشغل العقل والمنطق بقدر المستطاع.....وانا كنت كلمت الشركه من حوالى شهر وقال لى الفنى لابد من نقلها للشركه وتمكث 3 او 4 ايام عندنا علشان نعرف السبب من ايه لان فيه اكثر من سبب..فهل فيه اكثر من سبب فعلا؟ وما هى غير الترموستات (كما تقول) او التيمر (كما أقول)..وانا بصراحه محتار لان ممكن انقلها للشركه (بالرغم من صعوبة نقلها لانها 21 قدم ومقاساتها 80فى 80 سم يعنى عريضه وبالتالى بتتعب فى خروجهامن الشقه وبعدين فى نزولها السلم حيث اسكن فى الدور السابع وبالتالى الثلاجه بتتخبط وتتبهدل عند نقلها للشركه) وبعد كل الدوشه دى الثلاجه تفضل شغاله عند الشركه ولا يظهر العيب لان بعد ما كلمت الشركه استمرت شغاله لمدة اسبوعين متواصل بدون ما تعمل الحركات بتاعتها..معلش انا كترت فى الكلام قوى لان بصراحه الموضوع ده متضايقنى قوى..والف شكر على سعة صدرك واستحمالى..