اولا الدرام ممكن يعمل المشكله دي ايضا بس غالبا ما بيكون درفيل الشحن هو السبب في الخطوط دي
ودرفيل الشحن مش بيتغير الا نادر جدا الا لو حصلو تلف لانو غالي ولو عرفت تجيبو جديد هتلاقيه اغلى من تمن الدرام عشان كده احنا بنستسهل اننا نشتري وحده درام كامله استعمال خارج لو احتاجنا درفيل شحن وناخد منها الدرفيل ده ونركبو مكان التالف... والسبب في النقط السوداء في الورقه بيكون اما الدرام او درفيل الشحن او الزجاج العلوي للآله...لو النقطه موجوده مره واحده في الصوره اتأكد من نظافة الزجاج ولو النقطه متكرره مرتين الفرق بينهم تقريبا 20 سنتيمتر هتكون النقطه بسبب الدرام اما لو النقطه متكرره اكتر من 3 مرات والفرق بين النقطه وتكرارها تقريبا 6 سنتيمتر هيكون السبب فيها درفيل الشحن
وسعر وحده الدرام متغير بس على حد علمي انو ممكن يكون 450 جنيه تقريبا بس انا مش متأكد لاني مش بشتري الحاجات دي بنفسي لان عندي اداره بتشتريلي كل احتياجاتي وهي المعنيه بالبيع والتحصيل...وافضل الانواع الموجوده في السوق المصري من الدرامات هو الكاتون ومتوسط النسخ اللي بيعملها هو من 150 الف نسخه ل200 الف نسخه حسب كفاءه الصيانه ونظافه المكان
لو عندك استفسار تاني اتفضل
