 |
|
|
|
||||||
السلام عليكم ورحمه الله ... يا اخى الموضوع سهل جداا أن شاء الله ... انت هتجيب سيارة لعبة اطفال تكون ريموت كنترول .. ودى سعرها ميتعداش 30 جنيه مصرى ...يعنى حاول تدور على ارخص عربيه لعبه .. وهتفك العربيه وهتلاقى بداخله دائرة الاستقبال .. وطبعاا الدائرة موجود فيها اربع اتجاهات .. كل اللى عليك انك هتحدد قدرة المحركات اللى هتشغلها للستاره .. بمعنى .. لو انت عندك محركات قدرتها 220 فولت .. والدائرة بتاعت السيارة بتخرج حوالى 6 فولت فقط .. فى الحالة دى الحل سهل جداا ... وهو انك تجيب قطعة الكترونيه وهى اسمها .... راليه .... وطبعا لازم يكون نفس جهد الكهربه اللى خرجه من الدائره بتاعت السيارة اللعبه .... بمعنى ان دائرة السيارة نفترض انها بتخرج 6 فولت .. فى الحالة دى لازم تجيب ... الرالية قدرتة 6 فولت عشان يشتغل على الدائرة .. وذى ماقلت ان الدائرة موجود فيها اربع اوامر للحركه ... طيب انت هتعمل ايه عشان تنفذ الكلام ده ... اول حاجه هتعمها هى هنحدد العربيه اللعبه شغتالة بكام حجارة ونجمع عدد الحجائر وبكدة نقدر نحصل على جهد الدائرة الموجوده داخل السيارة ... مثال ... لو السيارة اللعبه يوجد بها اربعة حجارة .. والحجر الواحد جهدة .. 1.5 فولت .. يبقى جمع عدد الاربة حجارة .. يساوى 6 فولت .. وبكده يبقى حددنا الجهد الازم لتشغيل الدائرة .. تانى حاجه هنعملا .. وهى اخراج الدائرة من السياره .. وتخلى بالك من الاطراف الموصلة للمواتير والالحجاير .. وتكتبهم فى ورقه أو ترسمهم عشان متنساش طريقه توصيل الدائرة .. بعد اخراج الدائرة من السيارة .. اول حاجه هتعملها هى توصيل اطراف التغذيه بتاعت الدائره بمحول 6 فولت أو حسب جهد الدائرة كما وضحت فى أول الكلام .. وبعدين هتلاحظ أن الدائرة خارج منها اربع سلوك اللى كانو متوصلين فى محركات السيارة اللعبه .. طيب انت محتاج 8 راليه عشان تقدر تحصل على اربع اوامر من الدائرة ... طيب هنفذ الكلام ده ازاى هقلك يا سيدى اول حاجه هتعملها هى حدد كل مخرج من الدائرة لوحد ينى السلكين بتوع كل محرك لوحده .. وبعدين ودى اهم نقطه فى الموضوع كلة هى طريقة توصيل السلوك الخارجه من الدائرة اللى الراليهات ركز معايه جدااا هنعمل ايه .. طيب هنجب اول سلكين اللى خرجين من الدائرة .. ونجيب .... قطعة الكترونيه اسمها .. الموحد .. وهنوصل 2 موحد عكس بض من جه واحدة .. والطرفان المجمعان مع بض بتوع الموحدين هنربطهم فى أى سلك من السلوك الخارجة من الدائرة .. وهنكرر العمليه دى مع باقى الاطراف الخارجة من الدائرة وهى وذى منت عارف الاطراف اللى كانت بتغزى المحركات فى السيارة اللعبه .. طيب احنا وصلنا الموحدات دى ليه وأيه وظيفتها .. تخيل انك بتلعب با لعربيه لو ضغط السهم بتاع الريموت الى الامام ايه اللى هيحصل العربيه طبعااا هتتحرك للاما صح ههههههههه.. طيب ولو عكست وضغط للخلف .. العربيه هتمشى للخلف .. طيب يعنى ايه الكلام دة وعايز تقولى ايه .. هقولك ياسيدى اللى بيحصل داخل الدائرة .. الدائرة موجود عليه عدد كبير من الترنزستورات وهى المسؤله عن عملىه عكس حركة المحرك ... طيب ااحنا عندنا اربع سلوك خرجين من الدائرة وهم بتوع تغزيه المحركات .. طيب كل سلكين لوحدهم بيخرج من 2 أمر .. أمر ..للامام .. وأمر .. للخلف .. يعنى هما سلكين متوصلين للمحرك وبيخلو المحرك يلف يمين وشمال .. تمام ايه اللى بيحصل .. تخيل معى ان السلكين دول واحد لونة اسود والثانى لونه احمر ... ومتوصلين با محرك .. لو ضغط السهم بتاع الريموت للامام .. فى الحالدى الدائرة بتخرج 6 فولت للمحرك .. لون السلك الحمر بيكون هو الكهربه .. والاسود .. هو الارضى ... تمام كده المحرك مثلا بيتحرك للأمام .. ولو ضغط السهم لأسفل ... بتقوم الدائرة عاكسة الكهربه اللى راحة للمحرك .. يعنى بيكون السلك الامر هو ..الارضى ,, والسلك الاسود هو ,, الكهربه ,, وبكدة المحرك يغير اتجاهة ... اتمنى تكون الفكرة وصلت ... طيب نرجع تانى لتوصيل الموحدات .. احنا جمعنا كل موحدين من جهة واحد مع بعض بشرط يكونو معكوسين القطبيه .. ودى صورة الدائرة عملهالك مخصوص يا غالى  تحياتى وارجو أن اكون وصلت المعلومه وربنا يصلح حال الجميع ويا ريت لو حد محتاج مساعدة وحدش يبخل علية تحياتى للجميع وانا تحت امر جمي الاعضاء والزوار الكرام السلام عليكم ورحمه الله ... عبدالله حجازى .. eleman.electronicyahoo.com انا اسف جداا على رضائة الصورة مختش بالى والله التعديل الأخير تم بواسطة : عبدالله حجازى بتاريخ 08-05-2014 الساعة 09:53 AM |
| اعلانات |
|
|||||
|
|
| اعلانات اضافية ( قم بتسجيل الدخول لاخفائها ) | |
|
|
|
|||||
|
|
